blogue deadmin

As nenas e os nenos de Portela A e Portela B convertéronse en pescadoras e pescadores, carrexonas e carrexóns, e peixeiras e peixeiros.

O venres de entroido iamos participar no pasarrúas organizado polo Concello de Ponteareas xunto con outros centros educativos da zona. Non puido ser!!!.

A chuvia fixo que mudaran os plans e disfrutamos do día no auditorio Reveriano Soutullo cuns animadores de luxo que fixeron que os nenos e nenas, mestres e mestras o pasaran de marabilla.

QUEN SOMOS?

A Anpa Xuntanza, é unha Asociación de Nais e Pais de Alumn@s do CRA A Picaraña. Tendo en conta as características deste centro, formado por 6 aulas de educación infantil, situadas en distintas parroquias do noso concello: Areas, Pías, Ribadetea, Moreira, Parada e Portela. Polo cal, a formación desta Anpa, baséase na representación de cada unha das aulas nesta asociación, sendo un factor moi importante contar con un ou dous representantes, por aula, e así chegar dun xeito máis directo a cubrir as necesidades de cada unha delas.

QUEN A FORMAMOS?

Neste curso escolar 2023/24, a ANPA está contituída do seguinte xeito:

 FINALIDADE DA ANPA:

- Asesorar e informar aos pais e nais no que respecta á educación dos fill@s e promover que exerzades os vosos dereitos e deberes.
- Promover a calidade educativa.
- Colaborar co Equipo Docente para o bo funcionamento das aulas.
- Potenciar a participación das familias na vida das aulas.
- Facilitar a representación e participación dos pais/nais dos alumnos ante as Institucións.

CANTO É A CUOTA DE SOCIO?

Este ano a cota estableceuse en 15€.

Recordade que ser asociadas da ANPA dávos acceso aos descontos que nos diferentes establecementos comerciais do Condado, Paradanta e Louriña se ofrecen, ao ser membros da Federación de Asociacións de Pais e Nais, FANPO. Ademais, tamén dá acceso a participar ao mesmo nivel que outros asociados nas actividades extraescolares que organicen as diferentes ANPAS das comarcas indicadas.

Na escola de Parada, recibimos a visita dun artesán, Eduardo Represas. Eduardo, continuando coa tradición familiar, dedícanse á fabricación artesanal de gaitas no obradoiro xa fundado polo seu bisavó, situado na parroquia de Xinzo. Explicounos de maneira moi sinxela cal é o proceso de elaboración deste instrumento, cales son os materiais precisos e as partes máis importantes da gaita.

Para rematar, fíxonos unha pequena demostración de como sona a gaita... toda unha experiencia para os máis pequenos, quenes coas primeiras notas, levantaronse para bailar!

Participamos na actividade subvencionada polo Concello de Ponteareas "CATRO PATAS DE APOIO", obradoiro  sobre Educación en Valores asistido por cans de Terapia en contornos educativos da asociación Yuracan. O obradoiro tivo lugar no local cultural de San Mateo. O obxectivo é trasladar os beneficios que aportan os animais a entornos escolares coa finalidadede traballar de forma transversal a educación en valores e a posesión responsable de mascotas.
No obradoiro trabállanse  valores como a  solidariedade, o compañerismo, o respecto, a aceptación das diferenzas, a integración, autoestima e a violencia de xénero, así como os hábitos de hixiene e alimentación saudable.

Os nenos e nenas tamén puideron disfrutar do conto "UNHA MAN CHEA DE BICOS" na escola de San Mateo. A mesma "Frida Kahlo" quixo participar con nós neste día tan especial. Unha sorpresa moi doce da que disfrutaron tanto os alumnos e alumnas como os mestres e mestras do centro.

No primeiro trimestre organizamos tres interaulas para levar a cabo un almorzo moi saudable. Contamos cunha nutricionista a cal impartiu unha charla informativa e motivadora sobre a importancia do almorzo dunha dieta equilibrada para acadar un desenvolvemento san. Concluíu cunha charla sobre saúde bucodental e sobre técnicas de cepillado. Durante a segunda parte da actividade puxemos en práctica o exposto na charla, degustando un almorzo moi nutritivo para rematar co posterior cepillado de dentes.

A xornada continuou con diversos talleres como a elaboración de galletas de avena e plátano así como manualidades de Outono.

O día da PAZ os alumnos/as recibiron unha gran sorpresa na aula de San Mateo. Apareceu ...  "Frida Kahlo" para  contarnos un conto  UNHA MAN CHEA DE BICOS. Disfrutamos moito escoitándoa e para rematar saboreamos un bico moi, moi doce.

Para dar comezo ó proxecto de FRIDA KAHLO, na biblioteca do centro o carteiro deixou por equivocación un paquete que contiña: unha diadema de flores, unha bandeira e un gorro mexicano, umha paleta de pintor con pinceis e unha foto de Frida Kahlo.

Golfo, a mascota da biblioteca, escribiulles unha carta ós nenos/as pedíndolles axuda para investigar coas súas familias de quen podía ser o paquete. Desta maneira introducimos ó alumnado no apaixoante mundo da arte a través da pintora Frida Kahlo.

Alí estivemos

Despois fomos á biblioteca municipal onde nos contaron un conto e nos ensinaron as instalacións ás que podiamos ir coa nosa familia para levar libros para ler na casa.

Así foi a visita

Desde o equipo de Dinamización da biblioteca do noso centro xurdíu a proposta de facer un marcapáxinas para conmemorar este día. Este foi  resultado