Secretaría

Eleccións ao Consello Escolar

Mar, 29/10/2024 - 06:28 — admin

O 22 de novembro celebraranse as votacións para a renovación parcial do Consello Escolar. Os representantes a renovar nos distintos sectores son os seguintes:

Alumnado: 2

Pais/nais/titores: 1

Profesorado: 5

Os censos electorais están publicados nos diferentes taboleiros do centro educativo (o de pais/nais/titores está na entrada de administración), e o prazo para as reclamacións aos mesmos está aberto ata o mércores 6 de novembro.

As persoas que desexen presentarse como candidatos a representantes do Consello Escolar polos diferentes sectores deberán presentar a súa candidatura na administración do centro, cubrindo o escrito para tal efecto, ata o 8 de novembro.

Fondo solidario de libros de texto e axudas para a adquisición de libros de texto e material escolar para o curso 2024-2025

Mér, 22/05/2024 - 04:06 — admin

No día 20/5/23 publicouse no DOG a convocatoria do fondo solidario de libros de texto (para alumnado matriculado en 3º, 4º, 5º e 6º de Educación Primaria e 1º, 2º, 3º e 4º de ESO), das axudas para adquirir libros de texto (para alumnado matriculado en 1º e 2º de Educación Primaria) e para adquirir material escolar (alumnado matriculado en Primaria ou na ESO) para o curso escolar 2024-2025.

A presentación das solicitudes farase na secretaría do centro ou, preferiblemente, a través da aplicación FondoLibros, accesible desde a seguinte ligazón:

FondoLibros

O prazo de presentación de solicitudes será do 20/5/2024 a 21/6/2024, incluídos.

As datas de entrega dos vales e dos libros do fondo solidario, publicaranse na páxina web do centro.

Toda a información sobre o procedemento, os requisitos e as contías das axudas, nas seguintes ligazóns:

Publicación completa da orde no DOG

Anexo I e II (Formulario de solicitude)

CURSO 2024/2025

PRAZOS FONDO LIBROS E MATERIAL ESCOLAR

DEVOLUCIÓN DOS LIBROS DO CURSO 2023/2024

21/06/2024 (Data límite)

PUBLICACIÓN LISTAXES PROVISIONAIS

10/07/2024

RECLAMACIÓN ÁS LISTAXES PROVISIONAIS

Ata o 15/07/2024

PUBLICACIÓN DAS LISTAXES DEFINITIVAS

17/07/2024

ENTREGA DOS LIBROS DE TEXTO

Pendente de determinar

ENTREGA DOS VALES

A partires do 01/07/24, sempre que xa se teña formalizada a matrícula. En caso de dúbida chamar por teléfono para confirmar.

MATRÍCULA PARA O CURSO 2024-2025

Xov, 02/05/2024 - 18:00 — admin

Prazos de matrícula:

Educación infantil e primaria: do 20 ao 30 de xuño

Educación Secundaria Obrigatoria: do 24 de xuño ao 8 de xullo.

Teñen que facer matrícula:

- Alumnado novo no centro de calquera nivel.
- Alumnado do centro que cambia de etapa, é dicir os que pasan a 1º de Primaria ou 1º da ESO.
- Todo o alumnado da ESO

O resto do alumnado: soamente ten que cubrir os impresos de autorizacións, datos e transporte, a solicitude do comedor escolar e entregar unha foto recente tamaño carné.

Horario de administración: de 9:00 a 14:00. Non se precisa cita previa.

(Solicitude de comedor aínda non dispoñible)

Impreso matrícula Educación Infantil e Primaria	Impreso matrícula 1º, 2º e 3º de ESO	Impreso matrícula 4º de ESO
Autorizacións, datos e transporte alumnado que non precisa matrícula		Autorizacións, datos e transporte alumnado que fai matrícula
	Solicitude comedor

6 adxuntos

SOLICITUDE DE ADMISIÓN NOVO ALUMNADO

Dom, 07/03/2021 - 04:55 — admin

Destinatarios:

Alumnado de nova incorporación que solicita praza no noso centro.

Prazo:

O prazo de presentación de solicitudes de admisión abrangue dende o día 1 ao 22 de marzo, ámbolos dous inclusive.

Solicitude:

Será única e presentarase por medios telemáticos ou ben, na secretaría do centro que se solicita en primeiro lugar.

Preme no logo do proceso de admisión para accederes á aplicación informática de admisión.
A través da sede electrónica co código de procedemento ED550B.
Para accederes ao modelo, preme aquí.

Vacantes:

Expostas no centro.

Listaxe provisional:

Antes do 25 de abril, será publicada no taboleiro de novas a relación nominal de todo o alumnado admitido e non admitido por curso.

Por mor da protección de datos, non será facilitada información algunha telefónicamente.

Listaxe definitiva:

Antes do 15 de maio no seu taboleiro de anuncios a relación nominal de todo o alumnado admitido e non admitido por curso.

1 adxunto

EDUCACIÓN INFANTIL. Vídeo de presentación da etapa

Mar, 23/02/2021 - 05:19 — admin

O periodo de presentación da solicitude de admisión para o curso 2021/22 será desde o 1 ata o 20 de Marzo.

Este ano, por motivo da pandemia, non podemos celebrar unha xornada de portas abertas e contar coa vosa presencia nin ca presencia dos peques tal e como nos gustaría.

Aínda así, non queremos que vos quededes sen coñecer o cole e sen ver un anaco do noso mundo e de como traballamos en Educación Infantil.

Aquí tedes un vídeo que resume un pouquiño a nosa metodoloxía e forma de traballar.

Para nós o principal é que os nenos e nenas veñan ao cole contentos e creando un clima de afecto e confianza.