Dentro da programación de Educación Física de Primaria e Secundaria, fixemos una actividade conxunta, dentro das unidades didácticas de “Actividades e deportes no medio natural”, con diferentes cursos. Esta actividade está enmarcada dentro da campaña de Escalada na Escola que AMI realizou en colaboración coa Deputación da Coruña.
A actividade foi realizada no rocódromo de Riazor na provincia da Coruña, e foi impartida por persoal especializado de AMI ( asociación de montañeiros independentes). Na mencionada actividade participaron os alumnos de 5º e 6º Educación Primaria e 1º e 2º ESO do noso centro.
A duración da mesma, foi de dúas horas , una delas teórica, sobre contidos dos deportes de risco e actividades na natureza diversos: material, seguridade, especialidades, técnica, etc, e outra práctica , onde os rapaces e rapazas e tamén as profesoras, ascenderon experimentando a escalada en parede vertical. A experiencia foi moi positiva, coa participación total de todo o alumnado, repetindo moitos dos alumnos/as varias veces a actividade e mostrando un bo comportamento na execución da mesma. Descubrimos por outro lado, que temos verdadeiras escaladoras e escaladores, que mostraron gran habilidade técnica na ascensión!. Parabéns a todos/as!
