Ata aquí chegou o curso máis atípico e duro que lembramos, pero vivímolo con moita ilusión, forza, valentía e dedicación.
Foi un curso complicado para os máis peques pero leváronno como uns verdadeiros campións/as, sempre coa súa positividade, alegría e un sorriso constante aínda que non o puideran mostrar por culpa da máscara!
Aprendimos moito de todos/as eles/as… CANTO TEMOS QUE APRENDER DOS NENOS E NENAS SEMPRE!
O día de onte aínda que non puidemos celebrar de xeito conxunto o final de curso fixemos unhas actividades especiais que gozamos moito.
Comezamos o día cunha rica merendola de froita aderezada con sirope de chocolate, DELICIOSA!
Despois tocou ir ao pavillón a celebrar a graduación dos nenos e nenas de 6º de Infantil e de 6º de Primaria que rematan unha etapa moi bonita para comezar unha nova, seguro que estará cargada de novas emocións e ledicia.
Despois tocou xogar con diferentes propostas que invitaban a mover o corpo, que tanto nos gusta: xogamos a unha oca superando retos, relevos, tres en raia,… para finalizar bailando.
PASÁMOLO EN GRANDE!
Aquí tedes unha mostra de todo o que fixemos:
Foi un día cargado de emocións, despedidas…
Aos nenos e nenas de 6º de Infantil despedímolos con grandes apertas e cariño. Sempre seredes benvidos nas nosas aulas para seguir traballando de xeito conxunto con nós, deixades unha pegada moi grande.
Agora gozade da vosa nova etapa, que sexades moi felices.
Esperamos que todos os peques de infantil teñades un moi bo verán, aquí vos esperamos o curso que ven coas pilas cargadas para seguir aprendendo e medrando coa maior ilusión.
E aos nenos e nenas que comezan o curso que ven o cole tamén vos estamos esperando con moita gana e ilusión… ESTAMOS DESEXANDO COÑECERVOS!
Gozade do verán,
Quérenvos moito as vosas mestras de infantil.
