Educación Infantil

Benvidos/as un curso máis ao blog de infantil!

Desde que comezou o curso demos a benvida a novos compañeiros e compañeiras de 3 anos e aprendimos a relacionarnos todos xuntos!as :)

Estamos completamente adaptados ás novas rutinas!!

En Outubro comezamos o traballo por ambientes, que tanto nos gusta

No ambiente de mates, lecto e ciencias este mes traballamos de xeito manipulativo a chegada do outono.

Na badexa sensorial xogamos a facer trasvases con lentellas e pasta de dinosaurio. Na zona científica puidemos observar coas lupas os elementos de outono e da natureza, pesalos, crear libremente e manipular para apreciar todas as súas formas e texturas.

Tamén puidemos crear na zona de lectoescritura os trazos na badexa de area, na mesa de luz ou crear os nomes dos dinosaurios con letras móbiles.

Na zona de lóxica contamos animáis, castañas, creamos figuras co Tangram e construimos cos policubos.

No ambiente de luces e sombras demos comezo o curso xogando con numerosos recursos.

Contamos co retroproxector e elementos do outono para plasmar na parede, tamén unha mesa de luz chea de café, landras, cucharas, pinceis, pinzas… coas que realizar diferentes manipulacións.

No espazo da luz negra contamos con materiais e xogos de construción especiais que brillan na escuridade e por último non podían faltar as cabanas que tanto nos gustan con xogos para buscar e adiviñar palabras e elementos do outono coa axuda das lanternas. Sen dúbida non nos aburrimos nadiña!

No ambiente de xogo simbólico e construcións, xa que nos atopamos no outono, estivemos a experimentar con dous minimundos ambientados nesta época, formados con herba, madeira, cogomelos, piñas e variedade de animais. Por outra banda, na zona de construción, creamos moitas edificacións ficticias con material de refugallo, como: tubos, anacos de madeira, pedras, cortizas… e logo empregamos outros recursos como: os policubos, pezas de madeira e plástico…Para rematar, na zona de xogo simbólico, non podía faltar o xogo na cociña, os bonecos, os coches e moitos disfraces, deixando renda solta a nosa imaxinación!

E rematando, no ambiente sensorial e artístico organizamos diferentes propostas vinculadas en gran parte coa estación do outono. Contamos cun espazo de pezas soltas (corchos, anacos de madeira, depresores de diferentes tamaños e grosores, chapas, pedras, piñas…) no que probar e experimentar coas diferentes posibilidades destes materiais. Tamén dispoñemos dunha zona na que poder pintar coas cores do outono e follas variadas que poder estampar; así como outro espazo destinado a construir coa axuda de arxila, paus, landras, noces e castañas. Xa fóra da aula empregamos a tuff-tray para experimentar cos sentidos, realizar trasvases, empregar os coladores e, en definitiva, para espertar a imaxinación e a creatividade dos nenos e nenas.

Ata a próxima, un saúdo!

Bo día familias.

Benvidas de novo, familias!

Ímosvos contar o que fixemos este mes nos ambientes que tanto nos gustan!

No ambiente simbólico e constructivo tivemos diferentes propostas de xogo que xa coñecemos no noso rincón simbólico como a casita, animais, coches, cociña… e a maiores démoslle a benvida á primaveira. 

Contamos cun minimundo con insectos e cores primaverais, outro minimundo con dinosaurios de todo tipo e tamén xogamos con diferentes pezas de construción como pedras apilables e rollos de cartón de diferentes tamaños.

No ambiente artístico e sensorial contamos con diversas propostas coas que os nenos/as deixaron voar a súa imaxinación. 

         Na mesa sensorial dispuxeron de alimentos moi coñecidos por eles como sopa, lentellas e arroz, os cales puideron explorar en todas as súas dimensións empregando utensilios como coladores, embudos, botes de distintos materiais, culleres…

         Tamén tiveron a oportunidade de realizar obras de arte en “3D” empregando plastilina e paus de distintos tamaños, así como, sal e azucre para colorear con tizas e traballar a mezcla de cores . 

         Dispuxeron tamén dun espazo para pintar sobre distintos materiais, como papel continuo, cartón rugoso… empregando distintas técnicas, utensilios e materiais como témpera líquida e témpera sólida, pincéis, as propias mans… Sen esquecernos, por suposto, dos debuxos que realizaron con tiza e carboncillo cos que puideron traballar as distintas perspectivas dos obxectos entre outros moitos aspectos.

Por outra banda, no ambiente de lecto, mates e ciencia dispuxemos varios recunchos con diferentes actividades.

No primeiro deles contamos cun microscopio co que poder observar elementos naturais (cunchas, flores, pedras…), podemos facer mesturas con especias empregando as pipetas, pinzas embudes e, tamén, temos unha balanza. De todo isto, podemos rexistrar o resultado no papel ben empregando a escritura ou mediante o debuxo.

Noutro temos xogos de conciencia fonolóxica e para formar as palabras que máis nos gusten. Na mesa de luz podemos facer construcións con pezas de distintas formas xeométricas; e, no último recuncho, unha actividade de emparellar os insectos iguais, o Tangram e a de realizar series con depresores de distintas cores.

Por último, no ambiente de luces e sombras empregamos mesas de luces para dúas bandexas sensoriais, unha de auga e outra de area.

Co retroproxector puidemos experimentar con distintos materiais para siluetear, crear, repasar… había un montón de posibilidades.

Así como, creamos covas con construccións colgantes e cidades de cores.

Ata a próxima!!