CPI Plurilingüe Virxe da Cela |

Festival de Nadal 2023!

Mar, 26/12/2023 - 19:08 — admin

Este xoves 21 de decembro celebramos un ano máis o festival de Nadal.

Comezamos este marabilloso día coa visita de Inmaculada, gran traballadora que dedica moito tempo e cariño ao nosos amigos máis peludiños, desde a protectora de animais APADAN.

Como cada ano, quixemos axudar cun mercadiño solidario, onde os nenos e nenas crearon infinitas manualidades como adornos navideños, colgadores para as chaves e moitas cousas máis. Tivemos a sorte de contar tamén co material proporcionado por APADAN, como calendarios, camisetas, chapas, ...

Grazas a este traballo e á colaboración das familias e profesorado conseguimos, ao mercar tantos agasallos, recaudar 823,60€, destinados íntegramente a APADAN. Esperamos que estos animaliños pasen unhas mellores festas de Nadal e dende o CPIP Virxe da Cela, animámosvos a adoptar.

Sen máis dilación, xa tedes aquí todas as actuacións para que poidades velas de novo con máis tranquilidade e para todas esas persoas que non puideron asistir. Esperamos que vos guste o noso traballo que foi feito con moito cariño e esforzo.

Gozade vendo os fabulosos bailes, as marabillosas obras de teatro e as fantásticas panxoliñas, tanto coma nós gozamos facéndoas.

1. VÍDEO PRESENTACIÓN.

2. BAILE EDUCACIÓN INFANTIL - PESADELO ANTES DE NADAL. (BAILE)

3. 1º EDUCACIÓN PRIMARIA - RUDOLF O RENO. (BAILE)

4. 4º EDUCACIÓN PRIMARIA - LOTERÍA DE NADAL. (OBRA DE TEATRO)

5. 2º EDUCACIÓN SECUNDARIA - ARTURO EN NADAL. (BAILE)

6. 3º EDUCACIÓN PRIMARIA - CRÓNICAS DE NADAL. (BAILE)

7. 1º + 2º EDUCACIÓN PRIMARIA - PAÍS DA FANTASÍA (PANXOLIÑA)

8. 5º EDUCACIÓN PRIMARIA - O GRINCH. (BAILE)

9. 2º EDUCACIÓN PRIMARIA - O ELFO. (BAILE)

10. 6º EDUCACIÓN PRIMARIA - FOGARES DE NADAL. (OBRA DE TEATRO)

11. 1º EDUCACIÓN SECUNDARIA - FROZEN. (BAILE)

12. 4º EDUCACIÓN PRIMARIA - REIS VS SANTA.(BAILE)

13. 3º EDUCACIÓN PRIMARIA - NOITEBOA PANAMEÑA. (PANXOLIÑA)

14. 3º + 4º EDUCACIÓN SECUNDARIA - SÓ EN CASA. (BAILE)

15. 6º EDUCACIÓN PRIMARIA - CONTO DE NADAL. (BAILE)

Ademais destas incribles actuacións, fixemos un concurso de imaxes de Nadal onde todo o alumnado recibiu un diploma por participar, xa que fixeron un traballo moi bonito.

Pero a clase gañadora deste ano foi: 4º Educación Infantil!!! Parabéns ao alumnado e a súa mestre. Queredes ver estas obras de arte? So tedes que facer click aquí.

E xa por último, rematamos este magnífico festival coa chegada das nosas Maxestades os Reis Magos. Lembrade: Hai que portarse ben que Papá Noel mais Eles están a botar unha ollada a todo o que facemos.

FELICES FESTAS A TODOS E TODAS!

A comunidade educativa do CPI Plurilingüe Virxe da Cela deséxavos un bo nadal e un próspero 2024!

Xov, 21/12/2023 - 07:39 — admin

Bono deporte

Ven, 15/12/2023 - 14:24 — admin

O alumnado de 2º da Ed. Primaria a 4º da ESO por estar inscrito no programa Xogade (en colaboración co Concello) pode acollerse ao Bono deporte ofertado pola Xunta.

Dentro do Bono entra a compra de material e equipamento deportivo para o menor ou contratación de servizos relacionados coa práctica da actividade deportiva. Cada bono terá un valor de 120 € e terá a consideración de bono desconto do 80 % da compra ou servizo adquirido.

Os bonos estarán dispoñibles na web www.bonodeporte.gal así, como toda a información da convocatoría.

A descarga polas persoas beneficiarias será desde o 8 de xaneiro de 2024 ao 29 de febreiro de 2024.

Educar en positivo: desenvolvemento de habilidades para a vida

Mar, 14/11/2023 - 10:37 — admin

Achegámosvos información sobre o obradoiro titulado "Educar en positivo, desenvolvemento de habilidades para a vida" dirixido ás familias do alumnado do CPI Virxe da Cela. A primeira sesión terá lugar o martes 28 de novembro. Animádevos a participar!!

1 adxunto

Visita a Burgos e Atapuerca do alumnado da ESO

Dom, 12/11/2023 - 17:13 — admin

O alumnado da ESO do CPI Virxe da Cela de Monfero tivo a oportunidade de descubrir un dos lugares máis importantes a nivel mundial en canto a estudos de evolución humana se refire. No Centro de Arqueoloxía Experimental (CAREX) e no Paleolítico Vivo, tivemos a oportunidade de familiarizarnos coa vida do Paleolítico, e mesmo tivemos a oportunidade de descubrir algunha das especies de animais que habitarían a Península Ibérica naqueles tempos.

Nos xacementos de Atapuerca e no Museo da Evolución Humana descubrimos, entre outras cousas, os restos máis antigos de homínidos que se teñen atopado ata o de agora en Europa, con unha idade de 1.300.000 anos. Para completar a viaxe, visitamos tamén a catedral de Burgos, primeira catedral gótica da Península Ibérica.

Para máis información, podedes visitar o blog do departamento de Ciencias Naturais.

RTV Enxebre pola participación infantil

Lun, 16/10/2023 - 05:01 — admin

Desde a Fundación Ayuda en Acción achegáronnos algunhas das reflexións e propostas que fixo o alumnado de 5º de Educación Primaria e, que queren transmitir ao conxunto da Comunidade educativa, sobre un tema que lles preocupa: a conciliación familiar.
Foron froito dun proceso de traballo de participación infantil e para levalas a cabo contaron coa colaboración de toda a comunidade educativa do centro e co apoio da Consellería de Política Social e Xuventude da Xunta de Galicia e da Fundación "la Caixa", a través da dinamización da radio escolar.
Así, esperamos que este traballo de investigación integral e de tanto esforzo por parte das nenas e nenos de 5º de EP poda ser tomado en consideración, así como que as súas propostas e preocupacións podan ter resposta pola súa parte.

Carta do alumnado do CPI Virxe da Cela

CLUB DE LECTURA LARPACONTOS

Mér, 20/09/2023 - 07:40 — admin

Club de Lectura Larpacontos by veracruces on Scribd

blogue de admin

Comezo das clases

Mér, 06/09/2023 - 08:19 — admin

Queremos dar a benvida a toda a comunidade educativa para o novo curso escolar 2023-2024 que arrinca para todo o alumnado o día 11 de setembro de 2023.

Imos aló!!

Deixámosvos a continuación información importante para o inicio de curso:

Reunión informativa coas familias de infantil:terá lugar o xoves 7 de setembro ás 11:30 horas na Aula de Usos Múltiples do edificio de secundaria.

Entrega dos libros do fondo solidario: venres 8 de setembro no seguinte horario:

3º e 4º Educación Primaria: 11:30 – 12:00 horas
1º e 2º Educación Secundaria: 12:00 – 12:30 horas
3º e 4º Educación Secundaria: 12:30 – 13:00 horas

Inicio das clases: O luns 11 de setembro comezan as clases co horario habitual de setembro (entradas ás 9:45 horas e saída ás 15:30 horas, agás os martes que será ás 16:30 horas).

Os horarios dos grupos da ESO os colgaremos o xoves 7 na web do centro.

Os servizos complementarios de transporte e comedor comezarán o mesmo día como é habitual.

1 adxunto

Impreso de solicitude de comedor escolar (ANEXO II. Modelo de autodeclaración)

Mar, 04/07/2023 - 07:50 — admin

O día 3 de xullo de 2023 publicouse a Intrucción 2/2023, da secretaría xeral técnica da consellería de cultura, educación, formación profesional e universidades, do 1 de xuño, sobre funcionamento dos comedores escolares de xestión directa no curso escolar 2023-2024.

Está aberto o prazo para o precedemento de autodeclaración dos prezos públicos pola utilización do comedor. Deberán de achegar o Anexo II (documento adxunto) cumprimentado antes do 8 de agosto de 2023.