O venres 21 de Decembro despedimos o trimestre e demos paso as vacacións de Nadal cun pequeno festival no que participou todo o centro. Os últimos días empezamos a decorar o colexio para este día e a ensaiar para facelo o mellor posible diante dos nosos compañeiros e compañeiras e das nosas familias. 

Empezamos o Festival cos nenos e nenas de Educación Infantil e Primeiro Ciclo de Primaria que cantaron unha panxoliña, ao igual que os rapaces e rapazas de 3º a 6º que nos deleitaron co "We wish you a merry Christmas". Finalmente todos participamos no karaoke aínda que ao principio ninguén se atravía a ser o primeiro, pero despois non queríamos soltar o micrófono. 

O broche final foron os deliciosos pinchos que puidemos degustar todos gracias á nosa cociñeira.

Podedes ver as fotos do Festival na nosa GALERÍA DO CENTRO.