O pasado 11 de marzo celebramos o día internacional da muller, coa gran sorte de poder contar coa colaboración da Banda da Loba. Fixemos unha entrevista por videochamada facendo coincidir ademais esta actividade coa semana da prensa. As preguntas foron encamiñadas a pór en valor a superación de barreiras das mulleres e o sacrificio que supón compaxinar unha carreira musical coa vida laboral.

Existe igualdade no mundo da Investigación? Esa é a principal pregunta que se fai Laura de 2º ESO no seu proxecto de investigación deste curso. Para tratar de respondela realizou varias entrevistas a científicas galegas de ámbitos e organismos de investigación diferentes: dende a investigación forestal, os productos mariños, ata as nanopartículas para o deseño de novos fármacos contra o cancro.

Neste día, o alumnado da ESO e máis Xoel de Primaria fixo a lectura e interpretación de diferentes poemas de Rosalía. Ademáis, dende o Obradoiro de Igualdade analizamos a figura de Rosalía como referencia das escritoras galegas e tamén a súa faceta feminista. Amenizamos o acto tocando a Alborada para Rosalía. Formando parte dun chamamento feito a tódolos músicos para dar unha alborada de groria na súa honra. Grazas especialmente a Laura (2º ESO) e a Julián.

O luns tivemos un taller de alimentación saudable por parte de Alba de cruz vermella. Aprendemos sobre os alimentos que debemos meter na nosa dieta e como distribuir as cantidades de xeito adecuado, como facer un menú saudable e tamén falamos dos ideais de beleza nesta sociedade.

  O día 24 de xaneiro de 2022 fixemos a nosa cuarta etapa do Camiño de Santiago: Sarria – Portoma-rín. Chegamos ó cole, collemos os bocadillos de cadaquén, e fomos recorrendo polo camiño os profes que faltaban. Entre pitos e frautas rematamos por chegar a Sarria ás once e media, despois dunha viaxe chea de vistas bonitas.

O pasado 20 de decembro de 2021, a piques de rematar o anoe o primeiro trimestre, fixemos a nosa terceira etapa do Camiño de Santiago: o tramo Triacastela – Sarria, vía San Xil. Foi unha andaina agradable porque hai moito verde co que encher  a vista.

Este xoves, Juan Gutiérrez, de Aesleme, falounos por videochamada ao alumnado da ESO, das consecuencia que pode ter conducir ou ser pasaxeiro dun coche sen as debidas medidas de seguridade ou baixo os efectos do alcol

Son moitas as situacións do noso mundo que viven moi lonxe do que coñecemos como PAZ. Non podemos nomealas todas, nin podemos posiblemente cambialas radicalmente. Pero neste día, quixemos reflexionar sobre tres realidades para axudarnos a, polo menos, non ser indiferentes! e cultivar os valores necesarios para que a Paz sexa cada día máis unha realidade.

Hoxe en 4º, 5º e 6º continuamos co taller sobre Igualdade e revisamos a biografía de varias mulleres relevantes na historia e a súa aportación ó mundo actual.