CIRCULAR Nº 16
Rastro solidario 2013
Recordamos que o xoves 20 de xuño celebraremos o Rastro Solidario 2013. Polo tanto, pregámoslle que se está interesado en doar algún xoguete, libro, Cd, DVD, etc o vaia entregando no centro ao titor correspondente.
Poñemos o venres 14 de xuño como data límite.
Ata este momento hai moi pouco material doado, no caso de non recoller o suficiente suspenderíase a actividade.
· Fin da campaña de recollida de aceite usado
Co fin das clases damos por concluida a campaña de recollida de aceite usado por este curso.
· Festival fin de curso
O venres día 21 celebraremos o fin do curso cun festival no que teremos unha exhibición de actividades extraescolares, a actuación dun mago, bailes de alumnos de infantil, primaria e secundaria e entrega dos premios do concurso de fotografía. Este festival ao que quedades todos os pais convidados comezará ás 11:30 cunha duración prevista de dúas horas.
Este día cumprirase o horario habitual con servizo de comedor e transporte, podendo saír os buses uns 10 minutos antes.
Os pais que asistan ao festival e teñan pensado recoller aos seus fillos despois deberán comunicalo aos seus titores con dous días de antelación mediante unha nota. A hora de saída destes alumnos será ás 13:40.
· Entrega de notas
As notas serán entregadas polos titores o venres 21, agás no caso dos alumnos de 3º e 4º ESO quen por atoparse de excursión as recollerán o martes 25 ás 10:00.
l Prazos de matrícula.
Días 20 e 21 de xuño: alumnos novos de infantil e primaria.
E. Secundaria obrigatoria: do 25 xuño ao 10 xullo (alumnado que aprobe todo en xuño). Para unha atención máis rápida, respecten estas datas:
Días 25 e 26 de xuño: 1º de ESO
Días 27 e 28 de xuño: 2º de ESO
Días 1 e 3 de xullo: 3º de ESO
Días 4 e 5 de xullo: 4º de ESO
Días 8 e 9 de xullo: Entrega de documentación complementaria.
· Axudas para libros:
Infantil e primaria: Mes de xuño
Secundaria: Do 25 ao 10 de xullo
Na páxina web do centro, no apartado de Secretaría, pódese consultar toda a información referente á matrícula, axudas para libros e solicitude de novas paradas.
San Sadurniño, 12 de xuño de 2013
A Directora
