Como todos os anos en primavera saimos a facerlle unha visita ao río Lor e o río Selmo para avaliar o seu estado de conservación.

Nesta saída participou o alumnado de 5º de Primaria e 1º da ESO.

Ademais de inspeccionar o río segundo o protocolo establecido polo proxecto ríos, visitamos tamén, como ano pasado, unha das microrreservas do orquídeas do Courel para estudar a evolución no tempo de dúas especies de orquídeas: Orchis ustulata e Orchis morio.

Agradecemos a Carlos Cortizo, coautor da Guías das Orquídeas de Galicia, pola súa colaboración.

O pasado 27 de maio saimos o alumnado de 4º e 6º de Primaria aos ríos Lor e Selmo para facer as inspeccións dos ríos.

Alí tomamos os datos físico-químicos e tamén analizamos os macroinvertebrados que existen na auga do río, indicadores da súa calidade.

Por outra banda, e aproveitando a nova creación na Serra do Courel das Microrreservas de Orquídeas, quixemos coñecer esta familia de plantas e comezar a realizar un estudo científico que durará 4 anos.

Grazas a Carlos Cortizo, coautor da Guía das orquídeas de Galicia, aprendimos a identificalas. Agora aproveitaremos as saidas do proxecto ríos de vindeiros anos para continuar co noso traballo de investigación nas Microrreservas do Courel.

O sábado día 30 de abril fomos recoller o 2º premio na modalidade de Primaria co traballo "son importantes os microorganismos do solo para o crecemento das plantas?" e o 2º premio na modalidade de Secundaria co traballo "exito de polinización de Aceras anthropophorum, Orchis mascula e Ophrys sphegodes no Courel".

Para máis información podedes acceder o enlace da Voz de Galicia

http://www.lavozdegalicia.es/noticia/lemos/2016/05/03/span-langgl-colexi...

Do 18 ao 20 de novembro estivemos en Galiciencia no Parque Tecnolóxico de Galicia expoñendo os traballos de investigación que fixeramos.

Tamén aproveitamos para que nos explicaran que é a luz no obradoiro “Xogando coa luz”.

Foi unha experiencia inesquecibel para nós.

O pasado martes 17 de marzo, os alumnos de 5º e 6º de Primaria foron a Navia de Suarna a unha xornada de convivencia con centros de Pedrafita do Cebreiro, As Nogais, Cervantes e o propio Navia, para realizar un torneo de ping- pong, onde a verdade demostraron a súa valía.

O verdadeiro obxectivo perseguido era que puideran desfrutar deste deporte en compaña de nen@s doutros lugares, e ademais de pasar un bo rato co deporte, tamén coñecendo a diferentes compañeiros e compañeiras.

Aquí vos deixo unhas fotos destes profesionais do ping-pong, ata conseguiron unhas medallas!