Hoxe, martes 17 de xaneiro, contamos no noso cole con Xosé, que traballa no centro “Quérote+” de Lugo, estos centros dependentes da Consellería de Política Social da Xunta de Galicia, prestan un servizo de información e asesoramento á xuventude galega naquelas áreas nas que poden aportar un maior entendemento social e facilitar o crecemento persoal das nosas mozas e mozos.
Nesta ocasión, Xosé, traballou coas alumnas e cos alumnos diversos conceptos relacionados coa sexualidade, afectividade e como dende os medios de comunicación social, a sociedade en xeral … transmítesenos determinados estereotipos de xénero, canons de beleza … e como iso inflúe no noso xeito de relacionarnos cos demais e aceptarnos a nos mesmos.
Os alumnos e as alumnas participaron activamente neste Obradoiro, respondendo as preguntas que se lle formulaban e reflexionando sobre as dúbidas que foron xurdindo ao longo da actividade.