Con motivo do Día do Libro, compartimos convosco "BOOKFLIX" unha selección dos nosos libros favoritos! Así que xa sabedes, a ler! :)
Curso 2020-2021
II Ruta d@s nen@s
Tras moitos cambios debido ó tempo, por fin o pasado xoves o alumnado da ESO puido ir de camiñata.
Guiados por Orlando fixeron unha ruta circular saíndo dende o colexio, subindo a Parada e regresando de novo ó colexio polo Monte Cido.
Durante a camiñata coñeceron moitos lugares de interese como o Muíño de Parada e o nacemento do río Parada. Ademais viron numerosas formas xeolóxicas, como o Covallón do Cido, a Dolina dos Currais, o Torcal do Cido... moitas delas recollidas nos poemas de Uxío Novoneyra.
Penas de Vitureira
Planta de luz de Parada
Baixada de Parada
Dolina chegando á Cova do Tarelo
Préstamo de tablets
Queridas familias,
Dende a biblioteca do CPI Poeta Uxío Novoneyra, comezaremos a ofrecer o servizo de préstamos de tablets proximamente. Para sacar o máximo proveito deste servizo e de todas as súas posibilidades, convidámosvos a solicitar o carné de usuario da Rede de Bibliotecas Públicas de Galicia da biblioteca de Quiroga para os vosos fillo/as. As familias interesadas deberán completar o formulario na seguinte ligazón:
https://catalogo-rbgalicia.xunta.gal/cgi-bin/koha/opac-memberentry.pl
Dende a biblioteca do centro, facilitaremos o trámite final e non será necesario que vos despracedes ata Quiroga, pero en caso de estardes interesados e facer a solicitude telemática, precisaremos fotocopia do DNI dun dos titores mais a súa sinatura. Unha vez sexades usuarios da Rede de Bibliotecas Públicas de Galicia, poderedes acceder ao préstamos das tablets e acceder, ademais, a eBiblio Galicia.
Que é eBiblio e como funciona?
eBiblio é un servizo de préstamo electrónico a través de Internet, que as bibliotecas e servizos de lectura pública poñen a disposición do cidadán. eBiblio ofrece unha plataforma tecnolóxica que permite acceder ao catálogo e realizar o préstamo de obras en formato dixital para poder lelas en diferentes dispositivos: tabletas, teléfonos intelixentes, computadores persoais ou lectores de libros electrónicos.
Que preciso para acceder ao préstamo en eBiblio Galicia?
Os usuarios da Rede de Bibliotecas Públicas de Galicia poderán acceder a eBiblio Galicia para facer os préstamos identificándose mediante a súa chave de usuario e contrasinal.
Que podo atopar en eBiblio Galicia?
eBiblio Galicia ofrece aos cidadáns unha colección de novidades editoriais de todo tipo. De acordo coa clasificación que se utilizou para a selección e adquisición das obras, existen libros electrónicos co seguinte contido:
- Ficción para público adulto, incluíndo narrativa, poesía e teatro.
- Obras xerais sobre ciencia e tecnoloxía, ciencias sociais, arte e humanidades.
- Obras xerais relacionadas con cuestións de saúde, autoaxuda e desenvolvemento persoal, formas e actividades relacionadas co lecer, viaxes, deportes e informática de interese xeral.
- Ficción orientada ao público infantil e xuvenil, incluíndo narrativa, poesía e teatro.
- Obras de non ficción para o público infantil e xuvenil, incluíndo todo tipo de materias (arte, música, historia, ciencia e tecnoloxía, lecer, deportes etc.)
- Audiolibros, versións íntegras da obra escrita, narradas por profesionais e gravadas en formato audio.
Celebración do Día Internacional da Muller
Este martes celebramos o día Internacional da Muller coa visita de dúas veciñas do concello, Tamara e Ana.
Falaronnos do seu traballo e experiencias na atención e axuda a domicilio e fixéronnos partícipes de tódalas cousas boas que a súa labor lles aporta, así como dos desafíos que teñen que afrontar diariamente.
Ademais, contestaron tódalas preguntas do noso alumnado e profesorado.
Moitas grazas ás dúas!
Día de Rosalía 24 febreiro
O 24 de febreiro, celebramos o día de Rosalía con poemas, facendo chapas e co concerto de Uxía Lambona e a Banda Molona
Hospitaleiros sin Fronteiras
O pasado martes tivemos a visita de Miguel, da ONG de Hospitaleiros sen Fronteiras. Falounos da realidade dos nenos Talibés de Senegal, do seu día a día, dos seus xoguetes, dos seus instrumentos musicais, do seu modo de vida...
Deixámosvos algunhas fotos.
Moitas grazas Miguel!