Escola de familias

Estimadas familias,

O próximo luns 27 de febreiro levarase a cabo unha nova sesión da Escola de Familias do CPI Domingo Fontán e das Escolas de Educación Infantil de Romai e Lantaño.

Unha das preocupacións comúns, tanto das familias como do profesorado, é o coidado do benestar emocional das crianzas e o seu acompañamento para favorecer a resiliencia, o desenvolvemento das competencias emocionais e a autoestima.

Raquel Pedrouso, especialista en intelixencia emocional, acompañaranos na próxima xornada da Escola de Familias para axudarnos a mellorar as competencias emocionais en familia.

Co fin de facilitar a conciliación, a rapazada poderá permanecer nas instalacións co acompañamento de persoal do centro, mentres as súas familias participan na actividade.

Importante: Para facer unha previsión das persoas participantes, agradecemos a confirmación de asistencia mediante correo electrónico cpi.domingo.fontan.portas@edu.xunta.gal ou no teléfono 886151634.

A vosa presenza é moi importante, agardámosvos!

Onde? Biblioteca do CPI Domingo Fontán

Cando? 27 de febreiro ás 17.45h

Organiza: Departamento de Orientación en colaboración co CFR de Pontevedra.

Estimadas familias,

O próximo luns 14 de novembro ás 17:45h na biblioteca do centro volve a Escola de Familias (charla e café) do CPI Domingo Fontán.

Recibiremos a Antonio Rial Boubeta, profesor da Universidade de Santiago de Compostela e experto en adiccións na xuventude, para falar do uso intensivo de internet, as redes sociais e os videoxogos na adolescencia, así como dos problemas a nivel emocional e de convivencia que traen consigo.

O profesor Antonio Rial exporá datos reveladores a este respecto e reflexionará coas familias asistentes sobre este non tan novo problema. Asemade, propoñerá algunhas claves e ferramentas para poder afrontalo no día a día.

Co fin de facilitar a conciliación, o alumnado (escolarizado no centro) poderá permanecer nas instalacións acompañado de persoal do centro mentres as súas familias participan na actividade.

Animádevos a asistir, a vosa presenza é moi importante!

Biblioteca do CPI Domingo Fontán

O luns 14 de novembro de 2022 ás 17.45h

Folleto protexe ós teus fillos do TABACOoms

Estimadas familias,

Despois da traxectoria que levamos este curso na Escola de Familias do CPI Domingo Fontán e das Escolas Unitarias de Lantaño e Romai, a cal comezamos avaliando as necesidades e intereses, e continuamos priorizando a formación en xestión emocional, normas e límites, agora queremos poñer en práctica o que aprendemos. Por este motivo convocámosvos para un novo world-café onde poñeremos en común a resolución de casos prácticos reais aplicando as estratexias aprendidas ata o de agora.

Os casos prácticos serán as vosas propias demandas que tedes formulado en ocasións ao profesorado, sendo esta información tratada dende o anonimato, por suposto. De todos xeitos podedes enviarlle a Silvia, a orientadora, aquelas cuestións, casos ou situacións nas que necesitades pautas concretas para unha mellor resolución, e encargarémonos de traballar sobre eles na Escola de Familias, onde entre todas e todos buscaremos as estratexias adecuadas. O envío desta información pode ser a través do correo silvia.puga@edu.xunta.es ou chamando ao 886151631, unha semana antes da sesión para poder preparar o material necesario.

Gustaríanos contar con vós. Unha vez máis contaremos con servizo de atención a nenas e nenos coa colaboración da ANPA, para facilitar a vosa asistencia e a conciliación. A vosa presenza é importante.

Nais, pais, avoas, avós, irmás… toda a familia conta na educación das crianzas, animádevos a vir.

Importante: haberá merenda, en caso de contar con intolerancias alimenticias por favor comunicádello á orientadora antes do 20 de marzo

ONDE? Na biblioteca do CPI Domingo Fontán

CANDO? O martes 24 de marzo de 2020 ás 17.30

Agardámosvos!

Organiza: Departamento de Orientación

en colaboración co CFR de Pontevedra.

Colabora ANPA de Portas.

Estimadas familias,

A Escola de Familias do CPI Domingo Fontán e das Escolas Unitarias de Lantaño e Romai, continua a súa traxectoria, dando resposta ás cuestións que vos preocupan e buscando conxuntamente estratexias para facilitar a educación das nenas e nenos.

Entre as preocupacións comúns que extraemos da primeira sesión deste curso están a xestión de rabietas en nenas e nenos pero tamén os conflitos na adolescencia; as compañías, como xestionalas; a presión do grupo e o risco de exclusión; a autoestima e a autocrítica; o carácter; as frustracións; os valores cos que actúan as nosas fillas e fillos; saber dicir que non; como xestionar as negacións e prohibicións; onde poñer os límites. Para todas estes interrogantes temos unha pequena base da sesión anterior onde falamos de educación emocional, e desta volta imos afondar e adquirir novas estratexias da man de CARMEN LOUREIRO, experta en educación emocional e con quen aprendemos na primeira sesión do curso pasado.

Gustaríanos contar con vós. En caso de ter dificultades de asistencia por coidado das nenas e nenos poñédevos en contacto con Silvia (a orientadora). A vosa presenza é importante.

Nais, pais, avoas, avós, irmás… toda a familia conta na educación, animádevos a vir!

Importante: haberá merenda, en caso de contar con intolerancias alimenticias por favor comunicádello á orientadora antes do 30 de xaneiro.

ONDE? Na biblioteca do CPI Domingo Fontán

CANDO? O luns 3 de febreiro de 2020 ás 17.30

Agardámosvos!

Organiza: Departamento de Orientación en colaboración co CFR de Pontevedra

Estimadas familias,

Despois da boa acollida do inicio da Escola de Familias deste curso do CPI Domingo Fontán e das Escolas Unitarias de Lantaño e Romai, queremos darlle continuidade a este proxecto común, dando resposta ás cuestións que vos preocupan e buscando conxuntamente estratexias para facilitar a educación das crianzas.

Entre as preocupacións máis comúns que extraemos da primeira sesión, están a xestión emocional e a comunicación, ambas base para educar nestes tempos tan complexos. A boa xestión emocional das nenas e nenos facilitará calquera outra cuestión como pode ser o uso adecuado das redes sociais, a educación sexual, a inclusión, as relacións co grupo de iguais, a xestión de triunfos e fracasos, o éxito escolar, a prevención do acoso escolar, os procesos de adaptación, a xestión das rabietas, do estrés, da frustración, etc. En definitiva, unha boa xestión emocional pasa por ter unha autoestima sólida como base para construír unha personalidade saudable e saber xestionar as situacións diarias.

Nesta aprendizaxe contaremos con DANIEL NOVOA, un psicólogo experto en educación emocional que nos axudará a encontrar as estratexias que necesitamos para esta complexa labor da educación.

Gustaríanos contar con vós. En caso de ter dificultades de asistencia por coidado das nenas e nenos poñédevos en contacto con Silvia (a orientadora). A vosa presenza é importante.

Nais, pais, avoas, avós, irmás… toda a familia conta na educación, animádevos a vir!

Importante: haberá merenda, en caso de contar con intolerancias alimenticias por favor comunicádello á orientadora antes do 28 de novembro.

ONDE? Na biblioteca do CPI Domingo Fontán

CANDO? O martes 10 de decembro de 2019 ás 17.30

Agardámosvos!

Organiza: Departamento de Orientación en colaboración co CFR de Pontevedra

Estimadas familias,

Durante este curso escolar queremos retomar a Escola de Familias do CPI Domingo Fontán e das Escolas Unitarias de Lantaño e Romai, co fin de ofertar unha serie de encontros e recursos para tratar temas de interese para a comunidade educativa de Portas.

Para iso imos comezar facendo un primeiro encontro no que a través da dinámica “world-café” debateremos sobre o que nos preocupa da educación das nosas fillas e fillos e extraeremos estratexias que nos axudarán no día a día.

Gustaríanos contar con vós. En caso de ter dificultades de asistencia por coidado das nenas e nenos poñédevos en contacto coa orientadora do centro e trataremos de buscar unha solución. A vosa presenza é importante.

Nais, pais, avoas, avós, irmás… toda a familia conta na educación das crianzas, animádevos a vir.

Importante: haberá merenda, en caso de contar con intolerancias alimenticias por favor comunicádeo á orientadora antes do 29 de outubro.

ONDE? Na sala de audiovisuais do CPI Domingo Fontán

CANDO? O luns 4 de novembro de 2019 ás 17.30

Agardámosvos!