CPI Domingo Fontán

Fondo libros, axuda libros e axuda material

FondoLibros

AXUDAS PARA LIBROS DE TEXTO E MATERIAL ESCOLAR

CURSO 2024/25

ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).

Prazo de solicitude: do 21/5/2024 a 21/6/2024

As solicitudes presentaranse preferiblemente por vía electrónica nos formularios normalizados dispoñibles na aplicación informática Fondolibros (https://www.edu.xunta.es/fondolibros/) a través da sede electrónica da Xunta de Galicia, https://sede.xunta.gal

Asemesmo, poderanse presentar as solicitudes presencialmente no propio CPI Domingo Fontán, descargando os seguintes formularios de solicitudes

Anexo I e Anexo II

ou recollendo os impresos na secretaría, e entregándoos despois debidamente cumprimentados.

1 adxunto

Becas NEAE

Departamento de orientación

CALENDARIO ESCOLAR 2024/2025

Calendario Escolar

Estimadas familias,

Achégase a ORDE do 12 de abril de 2024 pola que se aproba o calendario escolar para o vindeiro curso 2024-2025 na que se recolle, entre outros detalles, que as actividades lectivas comezarán o día 11 de setembro de 2024 e rematarán o 20 de xuño de 2025.

Podedes acceder ao documento completo premendo aquí.

Un saúdo.

Vacacións escolares

Os períodos de vacacións escolares no curso académico 2024/25 serán os seguintes:

– Desde o día 23 de decembro de 2024 ata o día 7 de xaneiro de 2025, ambos incluídos.
– Os días 3, 4 e 5 de marzo de 2025.

- O día 21 de marzo de 2025. (Festivo local establecido polo Concello)
– Desde o día 14 ata o día 21 de abril de 2025, ambos incluídos.

- O día 2 de maio de 2025. (Data pdágoxica establecida polo centro)

SPRING WEEK 2024

O grupo de 3º da ESO foi seleccionado para participar na actividade de inmersión lingüística en Inglés: Spring Week 2024.

A cualificación recibida polo noso proxecto foi a máis alta do seu grupo de idade e é resultado dun grande labor de innovación educativa desenvolvido estes últimos cursos polas Seccións Bilingües de Bioloxía (Carlos Castro) e Educación Plástica (Sara Rosales), coordinados pola profesora de Inglés (Susana Simó).

O Ensino CLIL (Aprendizaxe Integrado de Linguas) consiste en empregar linguas estranxeiras en materias non lingüísticas para mellorar as competecias do alumnado, abrir o campo de utilización do Inglés e ampliar o vocabulario específico.

Require un gran esforzo por parte de profesores e alumnos, o que se ve recompensado con recoñecementos e oportunidades coma ésta.

A Spring Week desenvolverase en Mondariz durante a derradeira semana de Abril.

Ligazón á resolución definitiva