Desta volta, o alumnado estuda a circulación maior e menor coa axuda dun corazón xigante. O alumnado verbalizaba ao que ía pasando ao mesmo tempo que percorría as distintas aurículas e ventrículos.

Aproveitamos o estudo do aparato respiratorio e facemos unha maqueta que nos mostra o seu funcionamento.

Nesta ocasión para aprender dun xeito máis manipulativo o alumnado fixo un lapbook sobre o universo e unha maqueta do sistema solar.

Velaquí distintas modos de representas as células vexetais e animais. Os nen@s foron moi creativos e empregaron distintos materiais.

Con motivo da viaxe a Cantabria do alumnado de 3º de ESO, estivéronse facendo na aula traballos previos con mapas topográficos dos lugares a visitar, así como o traballo coas diferentes escalas e medicións, a través da páxina web do Instituto Xeográfico Nacional, e cos perfís topográficos sacados a partires dos diferentes mapas.

Na materia de Ciencias da Natureza, os alumnos e alumnas de 6º B, en grupos de traballo, encargáronse de expoñer eles mesmos o que sabían sobre os cinco reinos nos que se clasificamos aos seres vivos.

Foi un traballo de investigación e exposición oral no que demostraron os seus coñecementos e tamén as súas habilidades comunicativas, ademais de desenvolver a capacidade de traballo en equipo.

Foi moi interesante!

Ao abeiro da nosa participación no proxecto Protexe os animais (Plan Proxecta) e grazas a colaboración das familias dos nenos e nenas de Educación infantil, este é o resultado do noso mural “Eu e a miña mascota”. Nel, aparecen as fotos de case todo o alumnado coa súa mascota, aproveitando a ocasión para falar dos coidados de cada un deles e tamén do seu nome e cariño que lle temos. Esperamos que vos guste!

O alumnado de 5º A realizou a súa primeira visita ao laboratorio, para ir tomando contacto co método científico.

Aprenderon algunhas normas básicas para acceder ao laboratorio ademais do nome dalgún material específico.

Puideron manexar a lupa binocular e o microscopio. Viron a parede celular dunha cebola.