Xa tes na entrada da biblioteca a exposición de obras recomendadas polo Club de lectura Libros ao Cabo que tratan a temática LGTBI
Yéssica Veloso de 3°ESO A agasallounos con esta preciosidade de BD que adapta o texto de María Victoria Moreno.
Hoxe acompañounos no noso paseo virtual polo madrileño Barrio de las Letras Noelia Iglesias, doutora en literatura e especialista na no teatro do Século de Ouro.
Propúxonos películas e a lectura dalgúns sonetos de temática amorosa e conversou con nós sobre o Madrid da época de Lope de Vega, un dos personaxes da novela de Rosa Huertas que estabamos a comentar.
Tróuxonos tamén unha copia dun rueiro da época co que puidemos ver que prazas e rúas conservan o mesmo nome e cales foron rebautizadas.
Recomendámosche a nosa exposición "Os Océanos" que xa podes ver fronte á Secretaría do centro, xunto á exposición fotográfica sobre o Prestige, e coa que queremos conmemorar esta efeméride da que poderás saber máis abrindo o ollo de boi.
http://www.un.org/es/events/oceansday/
Achégate a visitala e poderás ver expostos nela os fondos da biblioteca (os oceánicos non, os documentais) relativos a esa temática: novela, poesía, BD, guías de natureza, documentais, filmes, etc...
E a fermosa decoración creada polo equipo para esta ocasión que significa tanto nun centro como o noso, situado ao pé do Atlántico.
O alumnado de 1º ESO A adaptou este contiño da autora homenaxeada polas Letras galegas este ano: Mª Victoria Moreno; que transcorre nunha pequena illa alumeada por un faro.
Tras facer unha chuvia de ideas e un guión previo en común, fixeron cada un/ha unha viñeta para compor colectivamente este cómic en dúas planas xigantes que podes ver na entrada do centro, xunto á exposición sobre a autora.
Os traballos presentados ao concurso de BD sobre a biografía de María Vitoria Moreno foron marabillosos e as votacións estiveron moi axustadas. Pero, finalmente, estes foron os que resultaron premiados.
En primaria Antía, de 4°A
No primeiro ciclo de ESO, Lucía de 1°A
No segundo ciclo de ESO, Óscar e Estéfano de 3°A
Ademais dos premiados, todo o alumnado asistente ao acto de conmemoración recibiu "un lapis para escribir a súa propia historia de amor co galego".
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
