E.D.L.G.

Outro ano máis e por desgraza, temos que conmemorar o Día para a eliminación da violencia contra a muller.

Coma noutras ocasións, deixamos unha serie de recursos para traballar o tema en galego.

Esperamos que nun futuro non moi lonxano, non teñamos que seguir deixando recursos deste tipo, porque a violencia xa estea erradicada.

Neste enlace, podedes atopar unha UD para Infantil e Primaria.  Esta, é outra UD para Infantil.

Aquí podedes acceder a unha UD para Primaria, e aquí a outra.

Neste outro, podedes atopar unha UD para Secundaria, xunto con outra nova.

Neste, atoparedes os recursos que facilita a Deputación da Coruña.

E neste outro, podedes atopar a UD sobre a exposición que temos estes días no centro no corredor da planta baixa, entre o comedor e a saída do patio.

Dende o EDLG agardamos que sexan de proveito, e que nun futuro próximo, tal e como desexamos máis arriba, podamos prescindir deles.

Nin unha menos, nin unha máis!

O curso pasado fomos un dos centros participantes no programa "21 días co Galego e +".

Foron días moi intensos, tanto de preparación e celebración, como de repaso e reflexión de todo o feito nese tempo.

Custou facerse con tódalas fotos das múltiples actividades levadas a cabo, pero penso que por fin, fomos quen de reunir se non todas, case todas.

Para que poidades gozar delas, aquí deixo o enlace á recompilación.

Dende o EDLG desexamos que ese + do 21 días se estenda moito no tempo e se poda converter nun para sempre.

Con motivo do día do libro, neste curso fixemos distintas actividades.  Acompañounos Sechu Sende en Secundaria e Blanca Escrigas en Infantil e Primaria.

E ademais, algunhas persoas animáronse a ser partícipes persoalmente dos libros, completando as capas co propio corpo!!

Para ver as achegas que se fixeron, pica aquí.

E a ler! Que iso abre portas, mundos e mentes!

Hoxe comezamos a andaina no 21 días co galego e +!!!

E hai dous vídeos de xente que nos quere dar a benvida:

O primeiro é o institucional, e podemos velo aquí.

O segundo é o do resto de centros participantes e podemos velo aquí.

Só desexarvos que teñades tanta ilusión coma o EDLG de que isto saia estupendamente, e que o pasedes súper ben durante estas semanas!

Comeza o 21!!! 

Este curso e para conmemorar o 25N, sumámonos á proposta da FANPA Ferrolterra no III Programa Escolar de Ferrolterra pola eliminación da violencia de xénero.

Trátase de facer visibles as víctimas invisibles, que son tamén as fillas e fillos das mulleres que sofren o maltrato.

Se queres ver o díptico do programa e gozar dunha pequena realidade aumentada, pica aquí.  Para poder vela, hai que descargar a seguinte aplicación (é segura aínda que salte o aviso!):  https://trainnova.com/compartidos/Violeta.apk

Só é válida para Android.  Unha vez descargada, enfócase a portada do díptico e gózase da realidade aumentada.

Nin unha menos, nin unha máis!