CONCERTO DE FIN DE CURSO POLO DÍA EUROPEO DA MÚSICA
OBRADOIRO DE PANDEIRETA
Moitas grazas!
LETRAS GALEGAS 2024
Os nenos e nenas de Infantil e Primaria fixemos unha selección das palabras máis fermosas do galego para nós.
https://drive.google.com/file/d/17pIq2FLv5qNIcmTQH_zYhA8WLU2xbFAd/view?usp=drive_link
FORMULARIOS DE MATRÍCULA
O prazo oficial de matrícula para o curso 2024/25, é do 20 de xuño ao 10 de xullo pero para axilizar o proceso rogamos que se respecten as datas propostas:
Do 20 ao 30 de xuño:
- EDUCACIÓN INFANTIL (so alumnado de novo ingreso): Deberán presentar
- Documentación: Fotocopia tarxeta sanitara do menor.
Dúas fotos tamaño carné.
Informe médico no caso de alerxias alimentarias.
Sentenza no caso de separación ou divorcio.
- EDUCACIÓN PRIMARIA (so alumnado de novo ingreso): Deberán presentar
- Documentación: Fotocopia tarxeta sanitara do menor.
Dúas fotos tamaño carné.
Informe médico no caso de alerxias alimentarias.
Sentenza no caso de separación ou divorcio.
- EDUCACIÓN SECUNDARIA: Deberán presentar
Do 1 ao 5 de xullo:
- 3º ESO: Formulario matrícula
Seguro escolar (1, 12. Pagarase na secretaría do centro)
- 4º ESO:Formulario matrícula
Seguro escolar (1,12€. Pagarase na secretaría do centro)
Do 5 ao 10 de xullo:
- 1º ESO:Formulario matrícula
- 2º ESO:Formulario matrícula
Todo o alumnado deberá presentar a autorización de imaxe e a autorización de contorna.
DATAS IMPORTANTES A TER EN CONTA ESTE FINAL DE CURSO
DATA |
ACTIVIDADE |
Venres 14 de xuño | 12.00h: Acto de graduación do alumnado de 6º de Infantil. |
Venres 21 de xuño |
Último día lectivo Último día para presentar a solicitude de participación no Fondo Solidario de libros de texto, de axuda para mercar libros e material escolar. |
Martes 25 xuño |
Entrega das certificacións académicas (4º ESO) ao rematar o acto de graduación. |
Do 20 ao 30 de xuño |
Plazo de matrícula Educación primaria (só alumnado de nova incorporación) |
Do 1 ao 10 de xullo |
Plazo de matrícula Educación Secundaria. Para axilizar o proceso, rogamos que o alumnado de 3º e 4º de ESO se matricule antes do 5 de xullo. |
A partir do 10 de xullo | Entrega dos vales de libros (1º e 2º Educación Primaria) e de material a quen corresponda. |
12 de xullo | Publicación das listaxes provisionais de admitidos fondo de libros. |
Ata o 15 de xullo | Reclamacións ás listaxes provisionais. |
18 de xullo | Publicación das listaxes definitivas de admitidos do fondo de libros. |
EXAMES NA ESO
CARREIRA CAMIÑO DAS LETRAS
Este ano o noso centro participou, como é costume dende hai varios anos, na X Carreira Camiño das Letras.
Nesta carreira o alumnado conseguiu o trofeo ao Centro educativo con máis participantes
Noraboa a todos eles e elas!!
CACHARRÓFONOS. 2º ESO
O alumnado de 2º da ESO sacou todas as súas habilidades creativas para realizar uns
fantásticos instrumentos musicais caseiros, cada cal máis orixinal. Pódese ver o
resultado nunha exposición situada na entrada do Edificio de Secundaria.
SOLICITUDE DE USO DOS SERVIZO DE COMEDOR E TRANSPORTE. CURSO 2024/25
Todo o alumnado actual do centro (salvo o que esté cursando 4ESO) debe facer a solicitude dos servizos de comedor e transporte escolar para o curso 2024/25.
No día de onte recibíchedes o impreso de solicitude polo alumnado e deberá ser cuberto e remitido antes do 31 de maio.
Tamén tedes o impreso dispoñible nos ficheiros adxuntos por se tedes calquer problema co remitido a través alumnado.
FONDO SOLIDARIO DE LIBROS DE TEXTO E SOLICITUDE DE AXUDA LIBROS E MATERIAL ESCOLAR CURSO 2024/25
A Consellería de Educación vén de publicar a Orde do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.
- Prazo de presentación de solicitudes: Ata o 21 de xuño de 2024.
- Forma de presentación:
- No centro: Presentando o Anexo I e II debidamente cumprimentado.
- Na sede electrónica: A través da aplicación fondolibros.
Resumo das axudas
PLAN DIRECTOR PARA A CONVIVENCIA E MELLORA DA SEGURIDADE NOS CENTROS
Nestas últimas semanas véñense desenvolvendo no CPIP Antonio Orza Couto diferentes charlas enmarcadas dentro do Plan Director para a Convivencia e Mellora da Seguridade nos Centros Educativos e as súas Contornas, dirixidas ao alumnado de 5º e 6º de EP e a todos os grupos da ESO, e impartidas por un axente da Garda Civil.
Neste curso as charlas estiveron centradas no ciberacoso, a violencia de xénero e os delitos de odio. Estas temáticas foron tratadas polo axente dun xeito ameno e práctico na procura dunha participación activa do alumnado e coa pretensión de que percibiran a gravidade duns feitos e actitudes que están moito máis preto do que ás veces somos quen de recoñecer.
Dende o CPIP Antonio Orza Couto continuamos contribuíndo a unha educación pública, de calidade e baseada na convivencia e igualdade.
OBRADOIRO DE ECOPERCUSIÓN
Todo o alumnado da ESO do CPIP Antonio Orza Couto participou o 30 de abril nun obradoiro de ecopercusión dirixido por Didier Díaz en diferentes quendas. As nenas e nenos puideron gozar dunha sesión de convivencia na que coñeceron a utilidade de material de refugallo, como tubaxes ou caldeiros de pintura, convertido en instrumentos de produción de ritmos e melodías.
Este obradoiro forma parte dunha liña formativa de convivencia do noso centro, na que participou tamén o profesorado, e que ademais é parte das actividades propostas para o CPinclúe: convíve-t, coa pretensión de desenvolver ao máximo as potencialidades do noso alumnado e unha educación de calidade baseada na convivencia.
Parabéns á conunidade do CPIP Orza Couto por garantir os valores e convivencia nun ensino público e de calidade.
Premendo no seguinte enlace poderedes acceder a algún video de mostra do que deu de si a actividade.
https://drive.google.com/file/d/13Jzo7ynKTihpVOMQlroqM7FZ5fK2HpQU/view?usp=sharing, https://drive.google.com/file/d/13KUX4BpwwT3dfLPNtvAIeIcd4sdYsi6l/view?usp=sharing
BOLSAS PARA ALUMNADO CON NECESIDADE ESPECÍFICA DE APOIO EDUCATIVO
EUROPEAN FEILE 24
O equipo de Fútbol Gaélico xestionado pola ANPA do noso centro vén de proclamarse subcampión na European Feile 24 que se celebrou no Centro de Negocios Montecastelo de Vigo a pasada fin de semana.
O noso equipo enfrontouse na eliminatoria de grupos contra o Bruselas, o Xelmirez I e o Basei de Suiza. Perderon o primeiro partido fronte o Bruselas e gañaron os outros dous pasando a semifinais coma segunda de grupo.
Na semifinal enfrontáronse ao primeiro clasificado do outro grupo, o Keltoi de Vigo, resultando vencedores nun partido moi emocinante.
Na final non puideron superar ao Bruselas, obtendo un segundo posto moi meritorio e acadando un fito nunca antes conseguido, que un equipo galego chegara á final deste Torneo.
Premento nas imaxes poderedes acceder á cobertura do torneo polos distintos medios periodísticos. (Televisión de Galicia a partir do minuto 50)
Parabéns rapaces e rapazas!!!
Como ben proclamaba a pancarta que vos acompañaba, estamos orgullos e orgullosas de todos vós!
TRES ALUMNOS PARTICIPAN NA OLIMPIADA DE MATEMÁTICAS DE 2º ESO
O xoves día 25 de abril, Breixo, Jose e Manuel desprazáronse a Santiago para representar ao CPIP Antonio Orza Couto na fase comarcal da olimpíada galega de matemáticas de 2º ESO. Algúns problemas sairon e outros non, pero pasaron un bo rato.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »