O día 17 de outubro, o alumnado de 6º de Educación Primaria asistiu a un taller sobre Divulgación da industria forestal, co que se pretendeu levar ás aulas a importancia e as vantaxes da industria forestal e contribuír a unha concienciación do alumnado na percepción da industria forestal como unha industria estratéxica innovadora e moderna.

Impartido por ASEFOGA.

Proxecto financiado pola Axencia Galega da Industria Forestal e en colaboración coa Asociación de Desenvolvemento Rural (ÓDEGA)

O martes 22 de outubro o alumnado de 1º e 2º de ESO desprazouse ata Santiago de Compostela para participar no programa financiado pola Consellería de Educación "Coñece as túas institucións" visitando o Parlamento e a Xunta de Galicia.

Actividade organizada polo Departamento de Xeografía e Historia.

O alumnado de 1º de ESO estivo a participar nun taller sobre habilidades e competencias sociais. Esta actividade enmárcase no Plan de Acción Titorial do centro e levouse a cabo nas catro sesións de Titoría que se indican a continuación.

Datas de celebración: 23 de outubro, 13 de novembro e 11 e 16 de decembro.

Impartido por: Yolanda Neira (psicóloga do Concello de Boqueixón)

O martes 5 de novembro o profesor de Xeografía e Historia, natural deste municipio, Severino Fernández Abel, impartiu unha charla ao alumnado de 3º e 4º de ESO sobre o Carlismo, co gallo da publicación do seu libro Unha matanza esquecida. Gastrar e Vigo (Boqueixón). Historia dun escarnio durante a primeira guerra Carlista.  Nela o autor fai unha investigación a partir da transmisión oral do seus antepasados.

Grazas Severino por ilustrar ao noso alumnado.  Algún deles con antepasados familiares entre as víctimas.

    O día 12 de novembro o alumnado de 1º e 3º  de ESO visitou os museos coruñeses: Aquarium Finisterrae, Domus e a Casa das Ciencias. Esta actividade estivo organizada polos Departamentos Didácticos de Bioloxía e Xeoloxía e Física e Química.