Algunha vez pensaches en facer un videoxogo... pero non sabías por onde comezar? Agora tes a oportunidade!
No CPI Alcalde Xosé Pichel imos ter un obradoiro de creación de videoxogos, impartido por m8factorial. Nel aprenderemos a deseñar personaxes e escenarios, a crear mecánicas de xogo e a empregar a programación para facer realidade as nosas ideas e desenvolver un videoxogo moi molón.
As sesións serán en horario de tarde, entre as 14:30 e as 16:00 para aproveitar o transporte do colexio, os luns para 1º e 2º e os xoves para 3º e 4º, entre novembro e febreiro. Para podermos organizar os posibles grupos, precisamos saber o alumnado que estaría interesado en participar, para o que é necesario que cubras este formulario de preinscrición, antes do día 29 de outubro. Os obradoiros son completamente gratuítos.
Anímate a participar e deixa voar a túa imaxinación!
