O pasado venres 10 de febreiro, os alumnos do 1º ciclo fomos de excursión a Ponteceso. Comezamos a nosa camiñata en Monte Branco, dende alí había unhas vistas marabillosas: podíase ver o río Anllóns, a ría de Ponteceso, Laxe e finalmente o mar Atlántico. Para chegar ao noso destino, a praia de Balarés, tivemos que andar arredor de 4 ou 5 quilómetros. Polo camiño vimos moitas cousas fermosas: corvos mariños e mazaricos, unha fonte onde vivía unha princesa encantada, dunas, marismas, cans, ovellas, ourizos, mexilóns... E despois de tanto camiñar por fin chegamos ao noso destino: a praia de Balarés.
No seguinte enlace podedes ver o ben que o pasamos.
