V Festival de Danza Unicef

Por quinto ano consecutivo os alumnos e alumnas do Conservatorio Profesional de Danza de Lugo organizan unha gala de danza en pro de UNICEF. Será o Salón Regio do Círculo das Artes de Lugo o que acollerá o próximo mércoles 26 de novembro ás 20.00 h o devandito festival.
Un espectáculo no que os máis pequenos do Conservatorio profesional de danza de Lugo mostrarán pezas curtas que reflicten o traballo en diferentes disciplinas da danza.

A totalidade dos fondos recadados destinaranse aos programas de UNICEF para garantir os dereitos dos nenos en todo o mundo.