O titular ben podería ser o dun spot publicitario de nadal, mais o que acontence é un feito importante para a colectividade dancística galega e máis no concreto para a comunidade educativa do CDAN.

Raúl Ferreira cursou Grao Elemental e Grao Profesional na especialidade de Danza Clásica no noso centro. Ao igual que o resto de alumnado, esto implica 10 anos dun plan de estudos que ás veces resulta difícil de compatibilizar cos estudos de réxime xeral. Agora atópase en San Petersburgo realizando un curso de excelencia na prestixiosa Academia Vaganova de Ballet. Ferreira, que pisa as táboas que antes pisaron personaxes que marcaron o devir do ballet a nível mundial, está a recibir a máxima formación á cal pode aspirar un bailarín de ballet clásico.

Nunha sociedade como a nosa, onde a arte non só é minoritaria, senón que ademáis está a sofrir os inmerecidos recortes no ámbito educativo e social, o caso de Raúl é a constatación dun feito; o amor pola arte e pola danza -cunha forte carga de traballo, compromiso e constancia-, no que están implicados alumnado, profesorado e familias. É un sopro de ar fresto, unha mostra para sentírmonos orgullosos da labor realizada.

Onte, o centro que lle abríu as portas hai máis de dez anos recibíuno con amor e estima. El correspondeu co agradecemento en forma de clases, consellos e anécdotas do seu periplo vaganoviano. Frente del, o alumnado e profesorado con quen convivíu, aprendeu e compartíu. Atento, orgulloso, agradecido.

Non faltou a empatía, a felicidade e a alegría. Como antes fixeran Iris Pintos e Esther Latorre -bailarinas e coreógrafas contemporáneas recoñeciñas e premiadas polos seus traballos e saídas tamén do CDAN-, Raúl volveu a casa para compartir, para mostrar e para divulgar.

Polos ollos do alumnado que onte participou deste encontro, podemos asegurar que o camiño está sementado e que terá novos froitos. Toca continuar na senda, respectar os ciclos e seguir coa labor. E como no anuncio do turrón, que volvan os froitos a casa. A quen lle amarga un doce?.

A lucense Alba Barral, visitará o CDAN os próximos días 20 e 21 para traballar co alumando da especialidade de Danza Contemporánea.

A bailarina conta cunha extraordinaria traxectoria no campo da interpretación e da coreografía, como o demostran as numerosas mencións e recoñecementos que leva labrado nos últimos anos, tal é o caso da XVIII edición dos Premios Max das artes escénicas, coa nominación como finalista á Mellor Bailarina Principal polo espectáculo "Brutal love poems"

O vindeiro luns 19 de decembro, de 18,30 a 19,30 o Equipo de Dinamización da Lingua Galega organiza a actividade “Cóntoche un traxe”, que terá lugar na Aula Polivalente do Conservatorio Profesional de Danza de Lugo.

Xénero: narración oral / charla
Destinatarios: toda a comunidade educativa
Ponente: Montse Rivera
Duración: 60 minutos

Dunha maneira sinxela, orixinal e dinámica faremos unha viaxe no tempo para ver como era o vestiario dos nosos antepasados. A narración irá acompañada de cantigas referidas ás pezas de roupa que os vestían,
poemas de grandes da literatura galega nos que se alude a pezas do vestiario decimonónico e proxeccións de imaxes de traxes tradicionais e materias cos que se fabricaban as teas. Por outra banda, manipularemos
estas pezas de roupa e catro asistentes acabarán a charla vestidos como os seus tatara-tatara- avós. O resto do público, para que poida levar un recordo da mesma, poderanse sacar unha foto colocados tras un panel cunha imaxe masculina e unha feminina vestidos ao xeito tradicional.

OBRADOIRO BAILE TRADICIONAL

A continuación, para o alumnado de 1ºGP e para os asistentes ao Obradoiro de Danza Galega do centro, haberá unha clase impartida por Montse Rivera, que terá lugar na aula 6 do CDAN, de 20 a 22h.

• O Auditorio Gustavo Freire de Lugo acollerá o xoves 15 de decembro, a partir das 20:30 horas, o VII Festival de Danza a favor de UNICEF

Todos os fondos conseguidos con esta acción destinaranse a apoiar os nosos programas de cooperación e emerxencias coa infancia máis necesitada en máis de 150 países e territorios en desenvolvemento.

O Sábado 3 de Decembro terá lugar un Ballet Solidario "Polo dereito a unha educación digna das nenas e nenos de Honduras". O espectáculo, organizado pola ONG ACOES Galicia con Honduras, comezará ás 20.00 h. e no mesmo participarán a Escola Municipal de Danza de Oleiros, o Conservatorio Profesional de Danza da Diputación de A Coruña e o Conservatorio Profesional de Danza de Lugo.

Os beneficios que se obteñan irán destinados ás tres escolas que ACOES mantén no extrarradio de Tegucigalpa.

A iniciativa conta coa colaboración dos centros participantes ademáis dos Concellos de A Coruña e Oleiros e da Diputación de A Coruña.

Unha fila cero para quen desexe colaborar e non teña oportunidade de ir

A organización puxo en marcha unha "Fila 0" na conta da ONG onde se poderán ingresar os donativos.

As Entradas, que están á venda no quiosko Municipal da Praza de Ourense (A Coruña), tamén se poderán adquirir na taquilla do Ágora o día do espectáculo.

Tamén están a disposición en Ticketea: https://www.ticketea.com/entradas-ballet-entradas-gala-de-ballet-solidaria-con-honduras/

Máis info en www.ACOES.org