I Feira da Enerxía de Galicia Feira Internacional de Galicia ABANCA. |
|
Lugar: Silleda.Pontevedra Data: 14 -15 abril 2016 Unha feira que reúne empresas, institucións, profesionais e consumidores para mostrar o sector da enerxía desde múltiples enfoques: Enerxías renovables (biomasa, solar, eólica, hidráulica, xeotérmica, mariña…) Enerxías convencionais (petróleo, gas, carbón…) Movilidade (vehículos eléctricos…) Aforro e Eficiencia Enerxética Material e equipos para instalacións Electrónica Industrial e automatización Eco-construcción e rehabilitación eficiente |
|
Unha feira internacional con 93 expositores directos de España, Francia e Portugal, representando a 241 firmas de dezaseis países e cunha afluencia de 5500 visitantes. A Consellería de Educación solicitou a participación dos centros de Galicia nos que se imparten ciclos formativos da familia profesional de Enerxía e Auga: o IES Universidade Laboral de Culleredo, o CIFP Ferrolterra, o CIFP As Mercedes de Lugo e o CIFP A Farixa de Ourense. E tamén solicitou a participación do CIFP Someso para mostrar os proxectos de innovación vinculados ao aforro e eficiencia enerxética desenvoltos polo equipo Bioconstrución Someso. |
|
Actividades: Exposicións de solucións técnicas relativas a produción, e utilización da enerxía; aforro enerxético, eficiencia enerxética e economía de recursos realizadas polos centros de formación profesional, fundamentalmente a través de proxectos de innovación. |
|
Destinatarios: Empresas, institucións, profesionais e consumidores. |
|
A exposición de Someso consistiu nunha pequena representación das principais solucións técnicas de bioconstrución asociadas aos proxectos de innovación desenvolvidos: Construción con palla embalada (Recursos didácticos para a construción bioclimática: Módulo Bioclimático Experimental “A Vieira” 2011-12), Cubertas verdes (Solucións enerxéticas e de climatización natural na bioconstrución 2014) e Fornos solares como recurso didáctico para enerxía solar e construción bioclimática (Premio a innovación educativa en enerxías renovables en Galicia 2004). |
|
Os alumnos Ismael Alborés, Miguel Ángel Santos e Steven Rial presentaron o proxecto “Granxía”, desenvolvido no módulo Empresa e Iniciativa Emprendedora sobre solucións de enerxías renovables para granxas en Galicia. |
|
A exposición foi visitada por: Vicepresidente da Xunta de Galicia, Alfonso Rueda; Conselleiro de Economía, Emprego e Industria, Francisco Conde e o Conselleiro de Cultura, Educación e Ordenación Universitaria, Román Rodríguez, a os que se lles explicou en detalle as vantaxes enerxéticas, ambientais e formativas das solucións propostas. |
|
Mais información: Páxina web da Feira de Enerxía de Galicia: http://www.feiraenerxiagalicia.com/
Páxina web da Consellería de Cultura, Educación e Ordenación Universitaria: http://www.edu.xunta.es/fp/feira-enerxia-galicia http://www.edu.xunta.gal/portal/node/18714
|
|
Reflexo nos medios de comunicación: |
|
Televisión de Galicia. | |
La Voz de Galicia |
|
Retorno a la página principal del portal de Biocontrución Someso: | |