CIFP Porta da Auga

Fotos do curso de operador de plataformas móviles de persoal, celebrado os días 23 e 24 de xaneiro. 

Pinchar na foto seguinte:

Continuando na liña de anos anteriores o noso centro contou onte cunha charla informativa e preventiva sobre Drogas enmarcada dentro do “Plan Director para a convivencia e a mellora da seguridade nos centros educativos e nos seus contornos” impartidas por expertos das Forzas e Corpos de Seguridade do Estado.

 Esta charla é a primeira deste curso escolar 2014-2015 e estará seguida por outras charlas informativas/formativas os días 4 de febreiro e 24 de marzo sobre Violencia de xénero e Riscos asociados a Internet  e ás novas tecnoloxías (especialmente acoso sexual, difusión de contidos de natureza sexual por teléfonos móbiles, venta de menores, prostitución infantil e utilización de menores na pornografía) 

 Estas actuacións teñen a finalidade de favorecer a mellora da convivencia e o achegamento destes profesionais aos cidadáns ao mesmo tempo que facilita actuacións moi en consonancia coa Acción Titorial e as propostas do Plan de Convivencia desenvolvidas nos centros.

VISITA AO PARLAMENTO DE GALICIA E AO MUSEO DO POBO GALEGO

Alumnos/as de 1º de Ciclo Medio de Xestión Administrativa e de 1º de Ciclo Superior de Administración e Finanzas acudiron a Compostela o pasado martes 12 de febreiro, para visitar o Parlamento de Galicia e o Museo do Pobo Galego.

Durante a visita matutina ao Parlamento puideron coñecer as distintas dependencias do edificio (salóns, salas de grupos, biblioteca, ...), así como parte da súa importante colección de obras de arte. Recibiron unha explicación sobre a historia deste edificio nobre, e sobre a importante actuación nel realizada para adecualo ás súas funcións como edificio parlamentario. Non faltou, como é lóxico, a asistencia ao Salón de Plenos, onde presenciaron un debate do pleno da cámara.

A primeira hora da tarde visitaron o Museo do Pobo Galego. Nel recóllese a historia recente do noso país no que ten a ver cos oficios, vivenda, hábitat, costumes, ..., importante de cara a coñecer a nosa realidade actual. Non faltou tampouco a subida polas distintas aspas da súa escaleira helicoidal, un prodixio arquitectónico deste edificio nobre en Santo Domingos de Bonaval.

A valoración das visitas resultou moi positiva, sendo do agrado de todas as persoas participantes. Esta actividade complementaria foi programada en relación cos módulos Empresa e Administración do CMXA e Xestión da Documentación Xurídica e Empresarial do CSAF.

VISITA AOS XULGADOS AOS XULGADOS DO SOCIAL DO ALUMNADO DE ADMINISTRACIÓN

As alumnas e alumnos de 2º curso de Ciclo Medio de Xestión Administrativa e de Ciclo Superior de Administración e Finanzas visitaron o luns 17 de decembro os Xulgados do Social de Lugo. Asistiron ás vistas de varios xuízos sobre despedimentos, reclamacións de cantidade, modificacións substanciais das condicións laborais e encadeamento de contratos temporais.

Alumnado e profesorado consideraron moi satisfactoria a actividade, xa que lles permitiu constatar como se aplican no mundo laboral os dereitos e deberes relacionados con distintos aspectos da vida laboral estudados en clase.

As persoas participantes desexan agradecer a todas as persoas intervenientes nos xuízos a súa colaboración para o bon aproveitamento da actividade, e, en especial, á Sra. Xuíza titular do Xulgado nº 3 as súas explicacións.

VISITA A PULL & BEAR

 O 19 de outubro os grupos de 2º do C.S. de ADMINISTRACIÓN E FINANZAS e 2º CICLO MEDIO DE XESTIÓN ADMINISTRATIVA do CIFP PORTA DA AUGA de RIBADEO visitou o CENTRO LOXÍSTICO DE PULL&BEAR, sito en Narón-Ferrol,   que pertence ó grupo INDITEX, que opera nos 5 continentes, co fin de ver o seu proceso loxístico de distribución  e deseño para afianzar os coñecementos adquiridos nas  aulas.

Dende esta páxina dar as grazas ó persoal da empresa que nos explicou e mostrou amablemente as suas instalación.

VISITA A FÁBRICA DE SARGADELOS

O Pasado 9 de outubro os grupos de 2º  C.S. de ADMINISTRACIÓN E FINANZAS e 2º C.M. de XESTIÓN ADMINISTRATIVA do CIFP PORTA DA AUGA de Ribadeo-Lugo VISITOU A FÁBRICA DE SARGADELOS  co fin de coñecer o seu sistema de producción en planta circular e comprobar que son fieles o seu eslogan que é a marca da casa: DESEÑO, CULTURA, HISTORIA E CALIDADE. Dar as grazas polo seuacollemento os/as traballadores/as de esta “pequeña gran industria”.

O pasado Xoves 29 de Xaneiro 2015, o noso centro tivo a oportunidade de disfrutar da visita das Forzas Armadas. Na charla a cargo de Jesús Longarela da Subdelegación  de Defensa de Lugo  tratáronse os sistemas de acceso para as escalas de tropa e marinería, Sub-oficiales e Oficiales. Características dos postos de traballo, formación permanente e específica, estudos universitarios, asi como detalles da recentemente publicada convocatoria 2015. Esta charla presentase como unha opción laboral máis, destacando a profesionalidade do relator adaptándose aos diferentes niveis  educativos, así como as súas necesidades e características.

Ademais houbo un tramo de rogos e preguntas na que o alumnado tivo a posibilidade de realizar cuestións de interese particular ao respecto.

Inminente publicación da convocatoria de Acreditación de Competencias 2015, estimándose o comezo do prazo de solicitudes para o oito de xaneiro.

No noso centro ofertaranse as unidades de competencias do ciclo medio de Obras de Interiores, decoración e rehabilitación dentro da familia profesional de Edificación e Obra Civil.

Consulta da convocatoria en http://www.edu.xunta.es/fp/acreditacion

Véndete para emprender!.

Onte o “coach” profesional, relator e formador Felipe García Rey estivo no CIFP Porta da Auga coa súa conferencia Véndete para emprender!.

Nela se traballaron as aptitudes e actitudes de cara ao emprendemento, facendo fincapé na motivación e no poder de cada un/ha de nos para encamiñar o noso desenvolvemento académico, profesional e persoal.

Este evento, enmarcado dentro das actividades de Emprendemento do CIFP,  contou coa colaboración da Deputación de Lugo, e os asistentes foron  tanto alumnado e profesorado do CIFP como persoas externas ao centro.

 A través destas iniciativas preténdese dar as claves necesarias para enfrontarse con éxito á busca de emprego mediante o autocoñecemento, a seguridade nun mesmo/a, e a análise das novas exixencias do mundo laboral.

A conferencia tivo lugar no Salón de Actos dende as 12:00 ata as 15:00.

Visita do alumnado da Familia de Administrativo a INDITEX (ARTEIXO)

Visitáronse, o 15 de decembro,as instalacións de INDITEX en Arteixo na Coruña, uns dos maiores grupos de distribución de moda no mundo con máis de 6.460 tendas en 88 países.

O alumnado puido ver as áreas de diseño, fabricación e loxística

Obradoiro de primeiros auxilios. Soporte vital básico.

O 27 de novembro de 2014 realízase en colaboración co persoal do 061 no Salón de actos do CIFP Porta da Auga o Obradoiro de primeiros auxilios. Soporte vital básico. Co obxectivo de aproximar ao alumnado do CF GM Atención as persoas en situación de dependencia e ao alumnado do CF GS Educación infantil aos procesos e protocolos da emerxencia e a adquisición de destrezas na realización dun SVB.

Visita á residencia de maiores de burela a ao fogar residencial “ conchita” de Vilaoudrid

O luns, 15 de decembro, os alumnos e alumnas do CM Atención a Persoas en Situación de Dependencia, visitaron a Residencia de maiores de Burela e o Fogar residencial “Conchita”,  en Vilaoudrid - A Pontenova. Aínda que os dous centros teñen como obxectivo procurar a maior calidade de vida das persoas maiores que, por diversas circunstancias, non poden ou non queren permanecer no seu  fogar, cada un deles presta os seus servizos en contextos moi diferentes; “ Conchita”,  oferta un máximo de 12 prazas nun establecemento case de carácter familiar nun entorno rural, mentres que a residencia de Burela, de titularidade pública, ten 88 usuarios e integra, ademais, un centro de día. Deste xeito, os alumn@s tiveron a oportunidade de achegarse á realidade que lles ocupa, coñecendo as diferentes modalidades de servizo  no ámbito da atención a persoas en situación de dependencia.

Durante o día 13 de Novembro de 2014, nas instalacións do CIFP PORTA DA AUGA, tivo lugar a CHARLA FORMATIVA EN RELACION CO PRAN DE AUTOPROTECCION, impartida polo arquitecto técnico D. Jesús Valencia Sar, que tamén está titulado como técnico superior en riscos laborais. A citada charla ten periodicidade anual e consta de 2 horas presenciales de duración. Foi dirixida a todo o persoal membro da comunidade educativa do CIFP.