CIFP Porta da Auga

Adxuntamos as bases da convocatoria do I CONCURSO "MEMES POLO GALEGO"

Animádevos a participar!

O pasado venres, 10 de xaneiro, o conxunto do alumnado do CIFP Porta da Auga xunto co alumnado do IES Dionisio Gamallo achegouse ao Cine-Teatro de Ribadeo co fin de asistir á proxección do documental "Tódalas mulleres que coñezo", dirixido por Xiana Teixeiro, que nos acompañou na presentación e posterior coloquio sobre o filme. Esta actividade foi organizada pola Comisión de Igualdade do CIFP Porta da Auga. Dende o noso centro damos as grazas a Xiana Teixeiro pola realización deste filme sensibilizador e pola súa presenza, así como tamén ao profesorado e alumnado do IES Dionisio Gamallo pola súa asistencia, compromiso e participación activa neste acto. Parabéns a todas as compoñentes da Comisión de Igualdade polo seu bo facer!

Convocatoria do proceso de acreditación de competencias profesionais en Galicia 2020

A Consellería de Educación publicou a Orde do 29 de novembro de 2019, pola que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unida-des de competencia do Catálogo Nacional de Cualificacións Profesionais, de distintas familias profesionais.

QUE É A ACREDITACIÓN DE COMPETENCIAS?

É un proceso destinado a recoñecer, avaliar e acreditar oficialmente a competencia adquirida a través da experiencia laboral e outras aprendizaxes non formais. A acredi-tación de competencias realízase sobre unidades de competencia dos títulos de for-mación profesional vixentes. Para elo a A Consellería de Educación, Universidade e Formación profesional convo-ca cada ano o proceso de acreditación de competencias profesionais.

          En cada convocatoria establécese a oferta de unidades de competencia e o número de prazas de distintas familias profesionais, os prazos de solitude de inscrición, o ca-lendario do proceso e as sedes onde se realiza todo o proceso.

CALES SON AS FASES DO PROCESO DE ACREDITACIÓN?

       1º Inscrición.

2º Asesoramento: Nesta fase asígnase un asesor/a que acompañará e aconsellará ó candidato/a para que teña máis posibilidades de superar a fase de avaliación.

3º Proceso de avaliación: Nesta fase poderase demostrar as competencias profe-sionais para as que se solicite a acreditación mediante métodos de avaliación apro-piados ás características do candidato/a.

4º Acreditación da competencia profesional: Nesta fase entregarase unha acredi-tación de cada unha das unidades de competencia unha vez que se supere o proceso de avaliación.

SOLICITUDES:

Prazo: do 13 de xaneiro ao 7 de febreiro de 2020.

Cada participante presentará unha única solicitude. Poderá elixir unha ou va-rias unidades de competencia das que se convocan, sempre que estean incluí-das nun mesmo ciclo formativo e se desenvolvan nunha mesma sede.

A solicitude de participación no procedemento deberá presentarase obrigato-riamente por vía electrónica na sede electrónica da Xunta de Galicia (https://sede.xunta.gal) e requirirá cubrir previamente os datos na aplicación in-formática que se atopa no enderezo www.edu.xunta.es/acreditacion, desde on-de deberá xerarse o formulario normalizado. Esta aplicación está activa a partir do 13 de xaneiro de 2020.

Os datos relacionados coa documentación xustificativa do historial profesional e/ou formativo e dos requisitos de participación no procedemento deberán car-garse na devandita aplicación informática.

Para a presentación das solicitudes poderá empregarse calquera dos meca-nismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

TAXAS:

Fase de asesoramento: única taxa de 20´73 euros.

Fase de avaliación: 10´37 euros por competencia.

CALENDARIO DO PROCESO 2020

O CIFP Porta da Auga rematou o ano 2019 celebrando a IV Xornada da Diversidade Funcional organizada polo Departamento de Servizos Socioculturais e á Comunidade: grazas ás asociacións Entrecanes (Oviedo), ADACE (Lugo) e á Fundación Eu Son (Burela) por compartir as vosas experiencias e coñecementos con nós!

Os/as gañadores/as dos premios á mellor portada e contraportada das programacións dos módulos impartidos pola familia de Administrativo, dentro do Ciclo de FP Básica Servizos Administrativos, foron:

• María García
• Ainhoa Lorigados
• Fabián García
• David Álvarez

Parabéns aos e ás premiados/as!

Onte, 25 de novembro, alumnado e profesorado do CIFP Porta da Auga participuo na xornada contra a violencia de xénero promovida polo Concello de Ribadeo, dentro das actividades programadas dentro da campaña "Ribadeo en Negro", desta vez co lema "Ribadeo, Camiño Seguro". Dende o noso Centro, e asociado á nova Comisión de Igualdade creada no mesmo, inauguramos o noso logo "Porta Lila", co eslógan "Vivas e Libres", plantexado para a ocasión.

Dende o CIFP Porta da Auga animámosvos a colocar esta foto como foto de perfil nas vosas redes sociais (Whatsapp, Instagram...) co fin de sumarnos á mobilización polo Día Contra a Violencia de Xénero que se celebrará o vindeiro luns 25 de novembro.

O Departamento de Servizos Socioculturais e á Comunidade vén de realizar recentemente novas actividades complementarias á formación: o pasado 23 de outubro o alumnado de primeiro curso do Ciclo formativo de Atención a Persoas en Situación de Dependencia (modalidade ordinaria e Dual) visitou as instalacións da Residencia de Persoas Maiores de Ribadeo ademais de asistir a unha charla sobre o funcionamento dos Servizos Sociais do Concello. Así mesmo, o día 13 de novembro os mesmos grupos de alumnado realizaron unha actividade fóra do centro educativo centrada na detección de barreiras arquitectónicas na contorna urbana.

O pasado 30 de outubro toda a comunidade educativa do CIFP Porta da Auga viviu unha xornada distinta con motivo da celebración do Samaín e o Magosto. Degustáronse castañas recén asadas e ademais todas e todos desfrutamos de xogos organizados polo alumnado do Ciclo Formativo de Educación Infantil. Así mesmo, algunhas e algúns participantes mostraron a súa creatividade cos seus vestidos e disfraces baseados na temática do Samaín. Para rematar a xornada preparáronse uns pinchos que sentaron base para establecer vínculos e xerar un ambiente de boa convivencia no no noso centro. Moitas grazas a todas as persoas participantes, destacando especialmente o grande labor e esforzo dos/as compoñentes da Comisión de Convivencia e do Equipo de Dinamización da Lingua Galega do Centro!