O IES As Mercedes gaña a 1ª Competición de Eficiencia Enerxética na Formación Profesional
O noso IES acaba de gañar o primeiro premio, a nivel nacional, na competición de Eficiencia Enerxética, convocada por Schneider Electric e a Dirección Xeral de Formación Profesional, do Ministerio de Educación. O instituto levou este galardón cun traballo sobre a eficiencia enerxética no noso centro, co que conseguiu ser finalista no concurso xunto co instituto Antonio José Cavanelles, de Alicante, a cooperativa de ensino José Ramón Otero de Madrid, e o Instituto Cidade Xardín de Badajoz.
O traballo premiado foi realizado polo alumnado do segundo curso do ciclo Superior de Eficiencia Enerxética e Enerxía Solar Térmica, coordinados polos profesores Victor Paz e Alberto Pereira. O premio consiste en material valorado en 15.000 euros e un lector electrónico para cada alumno. Ademais aplicarase o proxecto no centro.