CEP Plurilingüe Xesús Ferro Couselo

Axúdanos a gravar o noso vídeo de "Mallando"... Os pais, nais, avós... que queirades estades invitados a pasar polo cole o martes 9 de xuño, ás 11:00 h., para bailar todos xuntos esta canción. Practica os pasos de baile co video dos panadeiros:

Un ano máis fomos invitados a carreira escolar máis importante de Galicia, a que organiza a ADE Escolarix xunto coa Secretaría Xeral para o Deporte.

Preto de 1000 nenos/as tomaron parte o mércores 03 de decembro, en Negreira, dunha proba cun nivel moi esixente e na que participaron 12 colexios.

Os nosos nenos/as pasárono en grande , xa que o tempo acompañou e non nos choveu nada. Ademáis, este ano trouxémonos dúas medallas en categoría benxamín femenino.

      Logo da charla que tivemos sobre a reciclaxe no colexio, agora colaboramos co concello de Valga na I Campaña de recollida de xoguetes eléctricos e electrónicos nos centros escolares do Concello de Valga. 

       No hall do colexio temos habilitado un recuncho onde depositar os vosos xoguetes, para posteriormente ser debidamente reciclados.

Este venres 21 de novembro, os/as alumnos/as de 4º curso e a súa mestra acudiran á presentación dun libro no que colaborou o noso colexio e os/as nosos/as alumnos/as. Trátase dun libro que recopila cantigas e cantares da zona de Valga e pon en valor a importancia de transmisión oral da nosa lingua.

      Este mércores achegarase ata o noso centro un técnico da empresa de recollida de lixo para dar unha charla e facer unhas actividades con todos/as os/as nenos/as do colexio.

      O tema é a reciclaxe de xoguetes que funcionen con pilas ou con electricidade, xa que se atopan nos contedores con moitos destes xoguetes. Ensinarannos como reciclar correctamente este tipo de obxectos, xa que levan compoñentes que hai que tratar de forma específica.

Comeza o proceso para a renovación de membros do consello escolar do centro.

Tedes máis información do proceso nos enlaces e nas notas que vos mandavos a casa desde o centro.

AS LARANXAS MAIS LARANXAS DE TODAS AS LARANXAS

O cursos de 1º, 2º e 3º acudirán mañán a Pontevedra á función de teatro desta obra que se celebrará as 10 horas.

Deixámosvos a nota de prensa que sacou a Consellería de Educación en relación a este espectáculo:

Este martes 30 de setembro teremos no colexio a reunión cos pais e nais dos alumnos/as. Nunha primeira instancia reunirémonos na biblioteca, onde o director exporá aspectos xerais deste curso para todos/as. Despois, cada un terá unha reunión co titor/a dos seus fillos/as na aula correspondente.

Na medida do posible, pedímosvos que acudades sen nenos/as.

Os libros de texto para o curso 2014/15 serán os mesmos que se usaron neste curso.

Adxuntamos as listas dos libros de texto coas editoriais e os ISBN.