Onte tivemos outras das actividades programadas para o celebrar as Letras galegas. Como xa vos dixemos, este ano a conmemoración é a Luisa Villalta, por iso Raquel Queizás veu a contarnos “As chaves de Lu”. Desfrutamos dunha xornada moi divertida todo o cole xunto e ata algún dos nosos compañeiros e compañeiras sacou o seu lado máis actor e actriz! 

Mañá é 17 de maio e celebramos o día das Letras Galega nas que se homenaxea á poeta Luisa Villalta. Dende o colexio levamos a cabo diferentes actividades sobre este día e outras que aínda están por chegar na seguinte semana. Aquí vos deixamos un vídeo-resumo sobre elas.

Ademais, dicirvos que este vídeo exporase no Museo Municipal de Manuel Torres de Marín, no acto que o concello realiza sobre as Letras Galegas. A celebración é ás 12.30 e o noso cole estará representado por unha persoa do claustro.

Por último, dende o Equipo de Dinamización da Lingua Galega xunto co Equipo de Biblioteca elaboramos un tríptico con recomendacións que podedes atopar na nosa biblioteca. Animádemos a visitala!

FELIZ DÍA DAS LETRAS GALEGAS!

Aproveitando os raios de sol e que onte foi o día do libro, fixemos un apadriñamento lector! Tivemos unha xornada de convivencia onde os nenos e nenas máis pequenas escoitaron un conto da man dos e das maiores. Ao rematar, cada grupo/parella fixeron un debuxo sobre o conto que acababan de escoitar. Como nos gustou estar todos e todas xuntas!

Dádelle o play para coñecer os contos!

Dende Audición e Linguaxe tamén traballamos coa radio escolar e co croma e aquí tendes a combinación das dúas!

Agardamos que vos guste tanto como a nós facelo!

Os nenos e nenas de 3º e 4º levan xa uns días escribindo as súas cartas para contarlles ao compañeiros e compañeiras do CEIP Plurilingüe do Carballal o ben que o pasaron no entroido. Esta semana, por fin recibimos a súas segundas cartas, que ganas tiñamos de que chegaran!

Aquí tendes unhas imaxes do ilusionados e ilusionadas que estaban lendo as cartas.Os nenos e nenas de 3º e 4º levan xa uns días escribindo as súas cartas para contarlles ao compañeiros e compañeiras do CEIP Plurilingüe do Carballal o ben que o pasaron no entroido. Esta semana, por fin recibimos a súas segundas cartas, que ganas tiñamos de que chegaran!

Aquí tendes unhas imaxes do ilusionados e ilusionadas que estaban lendo as cartas.

Hoxe trouxemos as nosas mellores galas para participar no concurso de disfraces! De unha en unha pasamos pola alfombra vermella para lucir o noso disfraz ante todo o colexio e algúns ata o acompañaron dunhas moi boas interpretacións!

Aquí vos deixamos o vídeo do desfile e outro con algunhas fotos que realizamos ao longo do concurso. Non puidemos ter mellor presentadora...A teacher María!

O xurado, composto por:

• Dani (compañeiro de 6º)
• Montse (mestra de música)
• María (presidenta da ANPA)
• Laura (mestra de Audición e Linguaxe)
• Sabela (compañeira de 6º)

Non o tiveron nada fácil para elixir aos gañadores e gañadoras

Agora...toca esperar ata mañá para coñecer quen son!

Esta semana celebramos o día da paz representando o noso río Lameira nun mural que enchemos con barcos, paxaros e peixes con mensaxes de paz. Tamén cantamos varias canción: “It’s time to change” de Juanes e “Help!” dos The Beatles coa Teacher María e “Que canten los niños” de José Luis Perales coa profe Montse. 

Aquí tendes as magníficas actuacións e algunhas imaxes do mural!

Achégase o momento de elixir cole para o próximo curso. Por iso, dende o noso centro, elaboramos un vídeo para todas aquelas familias que nos queiran coñecer. Agardamos que vos guste!

Vinde a aprender con nós!

Esta vez os nenos e nenas de 3º e 4º de Educación Primaria traénnos unhas receitas de nadal e inverno con moi boa pinta. Animádesvos a probalas na casa?

MOITAS GRACIAS A TODOS E TODAS!

Este ano os nenos e nenas de Infantil e Primeiro de Primaria elaboraron unhas postais moi chulas para felicitar o Nadal aos compañeiros e compañeiras da Escola Infantil O Grupo. A súa vez os alumnos e alumnas de 3º e 4º comezaron un intercambio de postais cos nenos e nenas de 3º do CEIP Plurilingüe do Carballal. Escribíronlle mensaxes tanto en Galego como en Inglés. 

Elaboralas foi moi divertido, pero recibir unha postal de parte dos outros nenos e nenas fíxonos moita ilusión!

Onte no CEIP Sequelo tivemos unha morea de cousas. Comezamos a mañá escoitando panxoliñas da man da profe Inés e moitos dos nenos e nenas do cole. Ao rematar, puidemos coñecer aos finalistas e gañadores e gañadoras do concurso de postais que dende o cole facemos cada ano.

Na hora do patio, tivemos unha sorpresa...Chegou Papá Noel! Os nenos e nenas de Infantil e primeiro non dubidaron en entregarlles a súa carta. Logo de xogar un pouquiño no patio, chegaron as actuacións! Os diferentes cursos foron cantando e interpretando cancións de nadal tanto en galego, coa axuda da profe Montse, como en inglés, coa axuda da Teacher María. Xusto cando estabamos rematando, tivemos outra sorpresa...Apareceu o apalpador! Os nenos e nenas de terceiro puideron darlles uns debuxos moi bonitos que eles e elas mesmas lle fixeron. Por último, para rematar o día de festa, a ANPA preparounos chocolate con churros moi delicioso. Que sorte tivemos!

Para que vexades un pouquiño da mañá deixámosvos dous vídeos: un cheo de imaxes e outro con algunhas panxoliñas e actuacións da mañá para que nos escoitedes entoar as nosas voces e  vexades como movemos o esqueleto. 

Ao longo deste mes, tamén desfrutamos do tren de Nadal do Concello que nos levou polas rúas de Marín para ver que chulas e navideñas están. No vídeo tendes algunha fotiño!

Por último, este ano o noso cole cumpliu 50 anos! Por iso fixemos unha tarta moi grande, decoramos unhas velas moi chulas e pegámosllas. Por suposto, cantámoslle cumpleanos feliz. Parabéns CEIP Sequelo!

Moitas gracias á ANPA por decorar o cole tan chulo de nadal, por eses churros con chocolate tan ricos e por toda a súa implicación!

Tamén agradecer a Papá Noel e ao apalpador por vir un ratiño ao noso cole e poder vivir un momento máxico cheo de ilusión! 

BO NADAL!

O pasado 28 de novembro tivemos “A trastenda dos contos”, un contacontos sobre o Día internacional da Eliminación da Violencia contra a Muller da man do CIM (Centro de Información á Muller) de Marín.

A actividade foi destinada para o alumnado de Educación Infantil, 1º, 2º e 3º de primaria. 

Que momento máis divertido pasamos!

A asociación socio sanitaria de enfermidades inflamatorias intestinais, ASSEII, visitou ao alumnado de 3º de educación primaria.

Ademais de coñecer un pouco estas enfermidades aprendemos moito sobre como coidar a nosa saúde. 

Fixéronnos recomendacións para que o noso intestino este ben coidado: 

·      

Debemos lavar ben as mans, sobre todo antes das comidas. 

·      

É importante que bebamos moita auga. 

Tamén falamos do que comemos, da necesidade de ter unha dieta variada e non comer produtos ultraprocesados nin bolería industrial.

Foi moi divertido, sobre todo cando nos contaron como afecta o que comemos ás nosas cacas. 

v 

Provocan gases: o repolo, a coliflor, os cogombros, leite, froitos secos, cebolas, ...

v 

Provoca cambios de cor: espárragos, remolacha, pílulas de ferro, amorodos, salsa de tomate,...

v 

Producen cheiros: legumes, brócoli, ovos, allo, queixos fortes,..

v 

Axudan co cheiro: zume de arandos, de laranxa, perexil, iogur,...

v 

Poden provocar diarrea: cereais integrais, verduras de folla, pasas de uva, vexetais crus, ...

v 

Axudan coa diarrea: puré de mazá, bananas, arroz fervido, tapioca, ...

v 

Axudan co estrinximento: froitas en compota, vexetais cocidos, froitas frescas, auga, bebidas mornas ou quentes,...

O mundo animal é máis sabio que o humano?

Os cans sempre revisan as súas cacas, cando se nota mal do estómago “púrganse” comendo herba para provocar o vómito.

Recomendáronnos non usar papel hixiénico de cores, o branco é mellor para poder valorar a cor das túas feces.

Antes de tirar da cisterna debemos inspeccionar o que deixamos, a súa cor, forma e cheiro. Ninguén o vai facer por nós.

Xa que estamos no váter, tamén aprendemos como debemos sentarnos, erguendo as pernas empregando un tallo. 

Queremos dar as grazas as persoas de ASSEII polas súas explicacións e polo seu tempo.

Remata o curso e déixovos un resumo con algunhas das actividades que fixemos. Agora toca descansar, Feliz Verán !!!

O  pasado venres Alba Castro de 3º de primaria foi a Coruña a recoller o premio polo concurso de microrrelatos que convocou a Unidade de Cardioloxía infantil, a Unidade de Ciruxía Cardíaca, a Área  Sanitaria de Coruña e Cee e a Asociación Galega de Cardiopatías Conxénitas e Familiares.

Dende o Colexio pareceunos importante visibilizar a labor que levan a cabo e apoiarlos participando neste concurso.

A nai de Alba explicounos como foi a experiencia:

" Ha sido una experiencia maravillosa porque allí estaban los médicos y los pacientes de muchos trasplantados de corazón rencontrándose después de mucho tiempo. Escuchar a padres y pacientes fue muy emotivo".

 Na semana adicada ás Letras Galegas visitounos a escritora Maria Xosé Lamas para presentarnos a súa obra "Debuxos con palabras". A continuación foi entrevistada polo alumnado de 3º na radio da biblioteca. Esperamos que vos resulte interesante esta entrevista.

O xoves pasado os nenos/as de 3º curso foron a Portas.

Correron con outros nenos/as da súa idade no Campionato Provincial de Campo a través.

Noraboa!

"A Gran Aventura do Corpo Humano"

Vigo acolle unha exposición interactiva

sobre o corpo humano.

Os cursos de 3º e 4º disfrutaron dunha xornada de ciencia

experimentando e divertíndose ao mesmo tempo.

Remataron a visita á exposición interactiva cunha representación no

Circo de Nadal.

 Órganos xigantes do corpo humano

para ver e tocar.

 Que día máis axetreado!! Primeiro escoitamos as panxoliñas que preparou a profe Inés cos nenos e nenas de 6º, logo asistimos a actuación do mago Paco e... non podía faltar a visita de Papá Noel que nos visitou dúas veces, na clase e na biblioteca!!

Ademáis tomamos un chocolate quente con churros que nos preparou a ANPA!!!

Gracias a todos e todas!!

Dende aquí desexámosvos  un Bo Nadal, cheo de paz e, sobre todo, saúde !!!

 O venres demos un paseo no tren de Nadal. A mañá estaba fresquiña, pero nos íamos superpreparados e pasámolo xenial!!