Si eres usuario: Acceso
Semana do libro
Semana do Libro dende a casa: "Microcontos no espello" (4)
Enviado por Anónimo o Ven, 24/04/2020 - 16:52Seguen chegando máis "Microcontos no espello" para rematar esta "Semana do Libro dende a casa", se onte foron os nenos e nenas de 5ºA, hoxe chegounos unha morea de 5ºB.
Intentade lelos, son moi divertidos!
Se alguén máis se anima aínda está a tempo.
Semana do Libro dende a casa: "Microcontos no espello" (3)
Enviado por Anónimo o Xov, 23/04/2020 - 16:50Hoxe que é o Día do Libro parece que isto se vai animando, mirade cantos "Microcontos no espello" nos chegaron hoxe de 5ºA.
Sodes capaces de lelos? Intentádeo!
Semana do Libro dende a casa: "Microcontos no espello" (2)
Enviado por Anónimo o Mar, 21/04/2020 - 15:38Xa temos o primeiro "Microconto no espello". Moitas grazas Darío! Ademais mándanos unha indirecta! Ou será directa?
Ánimo aos demais, agardámosvos!
Semana do Libro dende a casa: "Microcontos no espello" (1)
Enviado por Anónimo o Lun, 20/04/2020 - 10:52Se non tivese pasado todo isto esta semana do 20 ao 24 de abril estariamos celebrando a Semana do Libro, porque como xa sabedes o día 23 de abril é o Día do Libro. Así que, na medida do posible, ímola celebrar "dende a casa", coa proposta "Microcontos no espello".
Agora estarédesvos preguntando... Que son os microcontos?, e por que no espello?
Os microcontos son relatos moi breves, feitos de xeito que en dúas ou tres frases temos que intentar contar toda a historia. No enlace deixámosvos unha breve explicación e algúns exemplos. Ollo non son para copiar!!!
O do espello é por complicárvolo un pouquiño, sabedes que se poñemos algo escrito diante do espello non o podemos ler, porque as letras vense do revés. Clicade neste enlace para a explicación.
Por último deixámosvos un exemplo, cun truquiño para que vos sexa máis fácil. Coma sempre agardamos os vosos "Microcontos no espello" no correo sequelonacasa@gmail.com.
