Si, primeiro xestionan o seu pequeno cinema, e logo eles fan a súa propia curta para verse en pantalla. Botando man da súa desbordante imaxinación espontánea, cada un eles constrúe unha pequena parte dun video-conto. E cun pouco de maxia, antes de marchar para a casa, convidan aos maiores que os acompañan á estrea da súa propia peli.

Non hai máis que verlles a cara mentres miran a pantalla. Unha actividade lúdica na que o galego é a lingua de comunicación natural e coa que todos acabamos aprendendo.

Finalidade
· Ofrecer unha actividade lúdica co galego como medio de comunicación normalizado.
· Espertar o interese pola creación artística en galego.
· Propiciar a adquisición de vocabulario novo.
· Coidar a corrección lingüística fonética e ortográfica.
Como o facemos
Coñecernos, xogar, imaxinar, contar

Tres profesionais encárganse de levar a cabo a actividade facilitando o ambiente lúdico e distendido preciso. Da man do revisor das palabras, as nenas e nenos participantes convértense nos protagonistas dunha experiencia única e diferente co galego que dura aproximadamente tres horas.

Tralas presentacións previas e reparto de chapas, escollemos as peliculiñas da carteleira que se proxectan no cinema máis pequeno do mundo. Cada unha achéganos a un universo diferente co que xogar. Ao rematar votamos canto nos gustan en papeletas de votación. Do mesmo xeito, pouco a pouco (a pouco) imos construíndo o seu conto que gravamos entre todos e estreamos no cine antes de que remate a xornada como se fose por arte de maxia.

Esta actividade terá lugar en Marin, o domingo día 16 de Setembro, na alameda Rosalía de Castro. Os rapaces interesados poden anotarse hoxe e mañá no concello ou o mesmo día na caravana. O aforo e de 20 nenos!.