Febreiro 2019
Mañá de actividades extraescolares en Afundación. Primeiro e segundo cursos.
Enviado por Anónimo o Xov, 28/02/2019 - 22:28O pasado martes o alumnado de primeiro e segundo asistimos a varias actividades extraescolares levadas a cabo por Afundación. A primeira delas foi un concerto didáctico a cargo de Mamá Cabra "Eu cociño, ti cociñas?", no que a través da música amosábase a riqueza e a importancia da alimentación e da cociña. Despois de facer un pequeno descanso para merendar, asistimos a un "Obradoiro de Entroido" no que nos contaron varias historias sobre o loro Ravachol, protagonista do Entroido de Pontevedra, e tamén fixemos máscaras.
A tripulación do Lameira XIX
Enviado por Menchi o Mér, 27/02/2019 - 12:40Nesta galería fotográfica mostrase aos nenos de 3º B na realización do proxecto sobre o espacio. Vémonos na terra.
Investigación Espacial
Enviado por Menchi o Mér, 27/02/2019 - 12:31Na investigación espacial temos que coñecer os personaxes e teorías máis importantes que fixeron posible as viaxes espaciais; desde Galileo Galilei ata Stephen Hawking, as súas teorías fixeron posible as viaxes de Yuri Gagarin, Neil Armstrong ou Valentina Tereshkova. Nesta viaxe Lucia Couso e Iván Gomis seran os nosos guías
A Lúa
Enviado por Menchi o Mér, 27/02/2019 - 12:17Nesta expedición imos coñecer un pouco mellor a lúa, as súas fases e os eclipses. Os astronautas neste caso son: Iván Suárez, Lucía Barreiro e Naiara.
Corpos Celestes
Enviado por Menchi o Mér, 27/02/2019 - 11:45Nesta terceira expedición imos investigar sobre os corpos celestes: estrelas, constelacións, cometas, asteroides e buratos negros. Os exploradores nesta ocasión foron: Pablo, Estrella, Carlota, Yésika e Miguel.
Aprendices de Arqueoloxía
Enviado por xose o Mar, 26/02/2019 - 13:26Noticia publicada no FARO DE VIGO
Dámos a noraboa a Manuel, de 3º, pois grazas á súa iniciativa de remitir unha carta ao Concello con información das súas pesquisas arqueolóxicas, fomos invitados a ver un día o traballo que se fai nas excavacións arqueolóxicas de Marín.
Aqui podemos ler a carta que Manuel redactou e enviou ao concelleiro de Urbanismo:
E nesta fotografía podemos ver a Manuel moi entusiasmado sostendo nas súas mans a contestación por escrito do propio concelleiro de Urbanismo, Manuel Santos.
Os Planetas
Enviado por Menchi o Mar, 26/02/2019 - 12:39Nesta segunda expedición do Lameira XIX os nenos de terceiro fomos coñecer os planetas do noso sistema solar. Os tripulantes foron: Aitor, Noelia, Emma, Xián, Pedro, Tiago, Marcos e Diego. Xa veredes que aprendemos cousas moi interesantes destes planetas.
A Galaxia
Enviado por Menchi o Mar, 26/02/2019 - 12:21Os nenos de terceiro fomos ao espacio a exlorar. Nesta primeira aventura a nosa nave "O Lameira XIX" percorreu a galaxia, o sistema solar, o sol, a vía lactea e os buratos negros. A tripulación desta primeira misión espacial está formada por: Mario, Rocío, Daniel, Mateo e Miguel.
Día de Rosalía, 24 de febreiro
Enviado por Anónimo o Xov, 21/02/2019 - 21:03Como xa sabedes o día 24 de febreiro conmemórase o Día de Rosalía de Castro; como a data cae en domingo nós realizaremos diversas actividades na semana seguinte. Para aprender algo máis sobre ela, deixamos esta imaxe interactiva con diversa información.
COMPOSTAXE COS PEQUENOS
Enviado por josean o Mar, 19/02/2019 - 09:32O día 15, os nenos de 6º, fomos explicarlles a 2º, 3º e 4º como funcionaba o composteiro do colexio. Pasámonos polas súas clases e levámolos fóra para amosarlles o composteiro e o aireador, que é un aparato que serve para facer buracos no compost para que os vermes respiren e non se morran. Nos traballos ensinámoslles o que se podía botar (peles de froitos, cascas...) e o que non (plásticos, latas...), o cubo azul que contiña follas e paus para botar no interior do composteiro e así axudar aos vermes a compostar as peles e o demais.
