blogue dejosean
PONTE NAS ONDAS
Enviado por josean o Mér, 28/12/2011 - 17:54
PONTE...NAS ONDAS! é unha experiencia educativa que se vén desenvolvendo desde o ano 1995 grazas á cooperación entre escolas de primaria e secundaria de Galicia ( España ) e do norte de Portugal, coa participación doutros centros educativos doutros países.
Trátase dunha xornada que se iniciou coa emisión de 12 horas de programación radiofónica realizadas integramente por alumnos galegos e portugueses. Xa desde o ano 2003 chegou ás 24 horas de emisión con programas producidos por máis de 50 centros educativos. Estudantes de primaria, secundaria e ( desde a IX edición ) da Universidade, emiten programas de radio ( nas últimas edicións tamén de televisión por Internet ) elaborados por eles mesmos, en directo e en formatos moi diversos: concursos, variedades, música, entrevistas, conexións en directo entre diferentes estudos, etc. Aínda que o galego e o portugués son as linguas comúns da emisión, coa participaición de centros de Arxentina, Cuba, Chile e Colombia, o castelán tamén se incorporou á experiencia. Durante a xornada de comunicación os nenos e nenas dos todos os países participantes seguen a programación e participan activamente nela.
Bo Nadal dende o EEI Virxe do Carme
Enviado por josean o Ven, 23/12/2011 - 23:23
Dentro do plan de Normalización que estamos levando a cabo, intercambiamos felicitacións de Nadal cos centros de Infantil que tiñamos preto de nos como é o caso, desta vez do EEI Virxe do Carme. Aos nenos do primeiro Ciclo fixolles especial ilusión volver ter contacto cos compañeiros e mestres de anos anteriores, e fruto deste traballo foron postais tan fermosas coma estas.
Charla: Lesión Cerebral Traumática
Enviado por josean o Ven, 23/12/2011 - 13:16
O pasado 2 de Decembro recibimos no colexio a visita dun psicólogo que lles falou aos rapaces sobre as consecuencias e como convivir cunha lesión cerebral causada por un accidente. Posto que no colexio temos un rapaz que sufriu unha lesión deste tipo pareciunos do mais interesante que toda a nosa Comunidade Educativa coñecese mais de preto esta realidade. Para todos os que non poidemos asistir á charla queda a testemuña videografica na nosa páxina.
NADAL 2011 CEP SEQUELO
Enviado por josean o Lun, 19/12/2011 - 23:10E se primeiro foi a programación cultural do Concello de Pontevedra, logo o do noso pobo, desta vez toca o do noso colexio e neste pequeno programa de man, con postal de Nadal engadida coa que queremos felicitar ás familias de todos os que compoñemos a Comunidade escolar do CEP Sequelo, detallamos as actividades que imos realizar nestes días
Vive o Nadal coa túa xente
Enviado por josean o Lun, 19/12/2011 - 22:52En canto nos fixemos cun pdf das actividades que o Concello de Marín ten programadas para estas festas do Nadal xa vedes que non tardamos nada en poñelo á vosa disposición.
Un soño na bandexa
Enviado por josean o Lun, 19/12/2011 - 22:36Esta mañán os nenos de 1º estiveron acompañados de Mariné Lorenzo Corcoba e o seu libro "Un soño na bandexa", libro que está doado a Asociación Contra o Cancro. Mariñé encheu un libro de bos e dulces desexos e os nenos de primeiro encheron tamén a súa propia bandexa.
A árbore de Nadal
Enviado por josean o Lun, 19/12/2011 - 21:15E como non todo vai ser tradición aqui vos deixamos esta panxoliña un chisquiño mais moderna
Personaxes do Nadal galego
Enviado por josean o Lun, 19/12/2011 - 20:53Se os Reises Magos tiñan unha grande importancia no noso Nadal moitos outros persoaxes poboaban ao longo de Galicia as nosas festas. O mais coñecido pola difusión que está tendo últimamente entre asociacións e colectivos de carácter cultural é este APALPADOR proprio das Montañas Orientais de Galicia, do Courel e do Cebreiro, das Serras do Invernadoiro e que en Ourense é coñecido como o PANDINGUEIRO. A tradición aparece recollida neste libro de Xoán G
Pero mais preto de nos existen outras persoaxes que aparecen nestas datas como O DEMO ASUBIADOR de Vilaboa. O tal perello ten por ocupación escoller no aninovo o parvo da aldea, un parvo por ano. O demo inviste o seu lecer, que é moito, asubiando no ouvido do escolleito. A vítima pasa o ano escoitando campás e sen saber onde. Cumprido o prazo, o mítico pillabán afánase na elección doutro coitado, e, segundo din, isto leva acontecendo dende que as orellas penduran da cachola.
Panxoliñas, aninovos, aghinaldos, manueles, cantos de reises...
Enviado por josean o Lun, 19/12/2011 - 17:32Non era Lugo, as montañas do Caurel, o Apalpador, o Pandigueiro...era Marín e como en moitos pobos de Galicia había o costume de cantar e moito nestas datas. Reis, aguinaldos, manueles...todo isto cando os teus avós eran pequenos non era infrecuente oilo no mesmiño centro de Marín; maiormente cantado no castelán que eles coñecían, moi deficiente; pois ía destiñado a ser cantado ás xentes mais ricas do lugar que xa adoptaran o castelán como a lingua de prosperidade financieira i eran os que podían da-lo aguinaldo. De todos xeitos inda algunha cantiga en galego se conserva na memoria dos nosos maiores. Nos permitimonos traducir os textos que estaban en castelán que son os que deixamos entrecomillados
Esta casiña é pequena
e por dentro é de papel
e que vivan moitos anos
o home e maila muller,
e mailos fillos tamén
"Bendita sexa esta casa
e o canteiro que a fixo,
a dona que vive nela
é a flor do paraíso.
Non hai quen me acompañe
a ir a Belén
Non hai quen me acompañe
Soliña irei
Soliña irei"
E isto é só un pequeno exemplo do que era a tradición do Nadal no pobo de Marín no que tamén temos recollido algún Manuel que se cantaba na festividade do santo o 1 de Xaneiro, do estilo de:
"Viva o Sr. Manuel,
cabaleiro de gran gala,
A gastronomía do Nadal de Marín: a torta de rixóns
Enviado por josean o Lun, 19/12/2011 - 17:08Imos empezar pegandolle un saboroso bocado a este Nadal que comeza cun dos pratos mais típicos da gastronomía do Nadal en Marín: a torta de Rixóns. Para outro día deixaremos as mazás asadas que por ter o costume de servirse o día de Noiteboa en viño tinto con azucre non podemos divulgar neste sitio
Ingredientes para 6 persoas:
• Tres cuartos de quilo de fariña
• Dúas culleres de azucre
• Un ovo
• Unha fecha de aceite quente
• Rixóns
• Uvas pasas, piñóns, noces e outros froitos secos
• Canela en pó
• Anís
• Lévedo
• Unhas areas de sal
Modo de preparación
Para que quede ben traballada a masa é mellor prescindir de recipientes e mesturar os ingredientes directamente sobre a mesa, coas mans. Hai que arremangarse, como se fai coas empanadas, e empoirar con fariña a superficie sobre a que traballamos para evitar que o pastel se pegue.
LECER NO NADAL
Enviado por josean o Dom, 18/12/2011 - 21:41Se algún ten a oportunidade de achegarse a Pontevedra nas vindeiras festas de Nadal cos nenos estas son as actividades co Concello ten programadas. Pra poder velo fai dobre click enriba do folleto e move o zoom ata que teña a medida axeitada
En galego tamén se fai ciencia
Enviado por josean o Xov, 08/12/2011 - 22:56"En galego tamén se fai ciencia" é unha campaña promovida pola Comisión Interuniversitaria de Política Lingüística e integrada polas tres universidades galegas. Nela participan investigadores/as de prestixio de diferentes ámbitos científicos, ten como principais obxectivos avalar a validez da lingua galega tanto para a docencia como para a investigación e contribuír á desaparición de preconceptos sobre as linguas.
Magosto 2011
Enviado por josean o Xov, 08/12/2011 - 22:52Ademais dunha morea de castañas asadas....
FRAN ALONSO NA BIBLIOTECA
Enviado por josean o Mér, 30/11/2011 - 22:23Se onte contabamos cun artista intemporal no eido da nosa cultura, hoxe acudiu á nosa Biblioteca un dos mais recentes autores en galego, Fran Alonso co que compartimos unha mañá chea de poesía. Fran Alonso ven de editar un libro para adultos chamado "Ninguén", mais a obra da que nos viu falar foi a que nos utilizamos como libro de lectura no colexio "O meu gato é un poeta" e coa que este fin de semana tamén estará presente no Culturgal en Pontevedra acompañado de Xurxo Souto á carrego da banda sonora do libro. Se queredes saber algo mais da obra do autor ten un interesante blog na seguinte dirección http://cabrafanada.blogspot.com/
Visitounos Antón Castro
Enviado por josean o Mér, 30/11/2011 - 08:58Un compañeiro da provincia de Lugo, compoñente do grupo "Fuxan os Ventos" e mestre de mestres da nosa música tradicional e da nosa cultura oral popular visitounos onte, día 29 de Santos. Con él compartimos una mañanciña moi divertida ao mesmo tempo que aprendimos moitas cousas do que é mais noso, o que os que estiveron antes ca nos nos deixaron como herdanza. Antón Castro deixounos unha pequena semblanza do traballo que realiza, como mestre de música, no seu colexio de Outeiro de Rei.
Por que é bo aprender e falar galego?
Enviado por josean o Lun, 28/11/2011 - 22:13Dende o blogue Mil Primaveras cheganos este tríptico que alíl lle chegou dende a Escola Oficial de Idiomas de Pontevedra dos beneficios de falarmos dúas linguas dende moi pequenos.
Os pobos de España
Enviado por josean o Xov, 24/11/2011 - 21:10Localiza cos teus pais os distintos pobos de España e bate records. Ten coidado pois é altamente aditivo, sobre todo entre os pais. De todos os xeitos é unha boa forma de aprender xogando.
Para acceder ao xogo fai click na imaxe.
Se queres xogar coas provincias ou Comunidades vai aqui.
EDMODE
Enviado por josean o Dom, 13/11/2011 - 14:13A Cangas, os de Marín non imos só a chorar, ás vece tamén se atopan alí interesantes ferramentas didácticas coma este EdModo. Grazas aos compañeiros do Ceip Castrillón de Coiro puidemos adentrarnos en todas as calidades desta ferramenta online que permite ter unha maior interacción entre mestres e alumnos/as, mestres e mestres, alumnos/as e alumnos/as, unha ferramenta que favorece o ensino colaborativo. A única pega que lle vemos é que vai moi enfocada a aqueles centros onde os seus nenos dispoñen de acceso individualizado á rede, que non é o noso caso por agora, inda que o solicitaramos, máis algún rendemento lle sacaremos.
Se algún compañeiro lle quere botar unha ollada aqui deixamos un manual:
- « primeira
- ‹ anterior
- …
- 47
- 48
- 49
- 50
- 51
- 52
- 53
- 54
- 55
- seguinte ›
- última »