blogue dejosean
INTERCAMBIO DE MARCAPAXINAS CO EEI O GRUPO
Enviado por josean o Mar, 23/04/2013 - 00:56Co gallo do Día Mundial do Libro, os alumnos de 1º, 2º e 3º intercambiaron marcapaxinas cos alumnos do EEI O Grupo
INTERCAMBIO DE MARCAPÁXINAS CO EEI O GRUPO
Enviado por josean o Mar, 23/04/2013 - 00:24Confeccionamos marcapáxinas con lemas de ánimación á lectura en galego. Participaron os alumnos de 1º, 2º e 3º que os intercambiaron cos do Grupo. Este é o exemplo dun deles.
O XABARÍN 18 NO CEIP EDUARDO ÁVILA BUSTILLO DE A VEIGA
Enviado por josean o Xov, 18/04/2013 - 08:05Enviouse ao colexio co que estamos realizando un apadriñamento lingüístico a exposición do noso proxecto do ano pasado o Xabarín 18. Aquí o tedes en A Veiga (Ourense)
O XABARÍN 18 EN A VEIGA
Enviado por josean o Xov, 18/04/2013 - 00:04Os compañeiros do Ceip Álvaro Bustillo fixéronnolo honor de colgar o noso proxecto do ano pasado nos corredores do seu colexio. Graciñas e que o disfrutedes, rapaces.
Mónica Camaño falanos de Vidal Bolaño
Enviado por josean o Mar, 16/04/2013 - 00:21A actriz de Cangas do Morrazo, Mónica Camaño estivo connosco o venres 12 de abril, para falarnos do autor, actor, escritor e director ao que se lle adican este ano as letras galegas, autor co que compartiu escenario en varias das súas obras. A súa traxectoria ten máis percorrido no TEATRO, tamén da man de RVB e Teatro do Aquí ou proxectos vinculados a el co CDG: Doentes, Xelmírez ou a Gloria de Compostela, A burla do Galo, Os Papalagui, Mar Revolto, Rosalía, Animaliños e Bailadela da morte ditosa con Teatro de Ningures. Como RVB escribiu no manifesto fundacional do Teatro do Aquí: "Nalgún recuncho ignorado do noso presente, ten que haber un teatro do hoxe e do aquí posible. Un teatro con fe abondo en si mesmo e na sociedade na que nace e á que serve..."
II XOGOS FLORAIS: DÍA MUNDIAL DO LIBRO
Enviado por josean o Lun, 15/04/2013 - 23:44Escribe un texto narrativo de non mais de dúas carillas onde apareza a palabra CHALANA e participa no noso concurso do día Mundial do Libro. Prazo de entrega dos traballos ata día 19 de Abril
As Campás de Manuel María
Enviado por josean o Mar, 02/04/2013 - 21:05Este video xa tiñamos que telo subido antes de Semana Santa pero por motivos técnicos non poido ser e de verdade co sentimos, pois é un traballo ao 100 % dos nenos, dende a gravación ata a edición. O primeiro dos seus traballos ao 100% para o día da Poesía cun poema de Manuel María.
ROSALÍA SEMPRE VIVA. VIVA ROSALÍA!
Enviado por josean o Lun, 01/04/2013 - 18:44Alumnos do noso colexio visitando a exposición no Museo Torres.
Rosalía do A ao Z
Enviado por josean o Dom, 31/03/2013 - 19:38VIDAL BOLAÑO EN PRACERES
Enviado por josean o Mar, 26/03/2013 - 22:35A primeira obra teatral de Vidal Bolaño, O Xogadeiro, estréaa no colexio do Sagrado Corazón de Placeres, durante a celebración do Día do Aprendiz . Por desgraza, non se conserva esta obra fundacional do seu teatro. Mais aí, nesa experiencia sen testemuña, comeza a historia do autor máis prolífico da nosa literatura, do dramaturgo esencial do noso teatro, do cineasta que dirixiu teatro porque non puido facer cine. Contaba só con 15 anos e a obra durou 2 minutos, seica ás monxas non lle fixo moita graza cunha enorme pedra que portaban dous actores fixese un furado no escenario.
21 DE MARZO: DÍA DA POESÍA. CHEGA A PRIMAVERA
Enviado por josean o Mar, 26/03/2013 - 22:31Nunca un poema nos ensinara tanto. Grazas a este poema de Manuel María traballamos distintas áreas do currículo Coñecemento do Medio, Música, Lingua e Literatura Galega e como non da nosa rica cultura popular. De Coñecemento do Medio aprendimos co cuco é unha ave migratoria que chega aos nosos lares coa primavera, que pón os seus ovos nos niños de paxaros insectivoros máis pequenos para que lle manteñan as súas crias, que moitas veces bota do niño á cría do paxaro; por iso é co nome de CUCO lle vén que nin pintado. Ensinounos que o seu autor era un tal Manuel María nativo dunha das chairas mais importantes de Galicia, a Terra Chá, que localizamos no mapa e que precisamente este poema aparecía nun libro do autor que tiña ese nome. Aprendimo-lo poema coa música que Suso Vaamonde lle deu e indo cantandoo polas clases do primeiro ciclo; cando lle explicamos aos mais pequenos que significaba que O CUCO TE CAPASE a profe Ana que é de Aldán contounos como na cultura popular de Aldán o entendían. Nós xa sabiamos que cando os nosos labregos oían cantar ao cuco coa andorga baleira ian ter mala sorte todo o día, por iso, como moitas veces tiñan que empezar a traballar antes de poder almorzar tiñan a precaución de ter nas súas mesiñas de noite un vaso con auga, para enganar dese xeito ao fado e que o cuco non os CAPASE; pero en Aldán, polo que nos contou a profe Ana, polo visto, cando cantase o cuco tiñas que polo menos levar unhas moediñas nos petos para que non estiveses sen elas para o resto do ano. E xa vedes que dende o eido do Vocabulario engadimos dúas palabras polisémicas ao noso tesouro lingüístico: CAPAR e CUCO
GAÑADORES DO CONCURSO-ACRÓSTICO
Enviado por josean o Mar, 26/03/2013 - 22:26As facianas dos gañadores do concurso-acróstico sobre Rosalía de Castro
ACRÓSTICO PARA ROSALÍA
Enviado por josean o Mar, 26/03/2013 - 20:13
O PRIMEIRO DE ABRIL VAN...
Enviado por josean o Mar, 26/03/2013 - 02:44Preguntalle na casa aos teus pais e avós como vivían esta data e que vos completen este refrán. "O primeiro de Abrl..." Deixa a túa resposta
no buzón de Normalización ata o día 3 de Abril.
VISITA DE ANA ALONSO
Enviado por josean o Dom, 24/03/2013 - 21:07Os nenos de cuarto de Primaria recibiron o venres 22 de marzo a visita da escritora Ana Alonso, coa que estiveron falando do seu libro "El palacio subterráneo". A autora amablemente contestou a todas as súas preguntas e asinou exemplares do devandito libro.
Ana Alonso residiu durante a meirande parte da súa vida en León. Licenciada en Ciencias Biolóxicas pola Universidade de León e amplia os seus estudos en Escocia e París. Ten publicado oito poemarios e, entre outros, recibiu o Premio de Poesía Hiperión (2005) e o Premio Ollo Crítico de Poesía (2006)
Escritora, traductora, bióloga e profesora de secundaria, Ana Alonso destacou, ademais de polos seus libros de literatura xuvenil, pola súa incursión na poesía, obtendo un acesit no premio adonais 2003.
NOS TAMÉN CREAMOS
Enviado por josean o Ven, 22/03/2013 - 22:44Por segundo ano entramos no concurso de OQO de curtas animadas "Nos tamén creamos"
OQO AGASÁLLANOS
Enviado por josean o Ven, 22/03/2013 - 20:11Agradecerlle a OQO primeiro a súa aposta pola nosa lingua e logo que non agasallaran pola parvadiña de colocar un dos seus libros no noso muro do facebook.
DÍA DA POESÍA NO NIÑO NOVO DO VENTO
Enviado por josean o Ven, 22/03/2013 - 14:47De todos os videos que levamos feitos (que son moitos) este e o que fixeron os do outro sexto (que publicaremos o antes posible) son dos que mais orgullosos estamos. Son o primeiro traballo en video feito ao 100% polos rapaces: eles mesmos grabaron con móbiles o video nas súas casas, editaron o video cun programa de edición de video, metéronlle a música de fondo e para acabar subírona ao youtube. E o resultado final é o que aquí podedes ver. (E continuará)
ALBORADA DE ROSALIA
Enviado por josean o Ven, 08/03/2013 - 16:22Aquí tedes a nosa versión que dende o Sequelo non habiamos ser menos. A pura Capella e sen case ensaios. E inda algo queda no tinteiro rosaliano do Sequelo
- « primeira
- ‹ anterior
- …
- 42
- 43
- 44
- 45
- 46
- 47
- 48
- 49
- 50
- …
- seguinte ›
- última »