blogue dejosean
ACCIÓN POÉTICA
Enviado por josean o Xov, 30/01/2014 - 11:26Acción Poética é un movemento poético nacido en México, consistente en encher paredes das urbes con mensaxes optimistas extraídos de poemas, cancións...con tinta negra baixo fondo branco. Seguendo este esquema enchimos as nosas paredes de mensaxes cara o día da Paz
CONCURSO DE DEBUXO DE NADAL 2013 ATENEO SANTA CECILIA
Enviado por josean o Ven, 17/01/2014 - 14:26Entre os gañadores do Concurso de Debuxo que como cada ano polo Nadal organiza o Ateneo Santa Cecilia, está Ángel Hermida Campos de 6º. Parabéns!!!
RECURSOS AUDIOVISUAIS
Enviado por josean o Mér, 08/01/2014 - 22:00Facendo Click nos seguintes enlaces teredes acceso a unha detallada descripción de todos os recursos audiovisuais cos que conta o Equipo de Normalización e Dinamización Lingüística. Se vedes que algún pode servos de interese ou utilidade facédenolo saber polo menos cun día de antelación para podervolo localizar.
Calquer outro material audiovisual qu necesitedes ou que vexades de utilidade en galego, poñédevos en contacto connosco
FESTIVAL DE NADAL 2013
Enviado por josean o Ven, 27/12/2013 - 20:28Continuando con aquelas tradicións que nos acompañaron nestes 40 anos o Noso Festival do Nadal contou cunha clásica obra de teatro e moitas pero moitas panxoliñas como a que nos cantan os nenos de 2º
E un pequeno resumo do que foi a festa:
O MEU MENINO JESUS
Enviado por josean o Ven, 27/12/2013 - 20:10Por un intre, achegámonos ao noso veciño Portugal, e mais concretamente á zona Sur do Alentejo, con esta panxoliña que adaptamos mínimamente ao galego e que os nenos de 4º A cantan (ou iso din eles) co acompañamento á zambomba/sarronca da profe de PT Mari Mar
CANTÁMOSCHE OS REISES 2013
Enviado por josean o Ven, 27/12/2013 - 20:01A melodía desta panxoliña debemoslla ao bo facer de Guillerme Ignacio, a voz cantante de Quempallou que a recolleu na nosa vila e que amablemente nola amosou. Para a letra collimos case toda a que a él lle transmitiron e a que Mini e Mero recolleron nunha panxoliña que eles titularon como "Os da Manta" pero que consta dunha melodía sensiblemente diferente á nosa. E con ela os nenos de 4º A foron cantar por algunha outra clase.
E indo cantarlle os Reises aos nenos de primeiro a xogada saiulles redonda. Non lles deron pouco, un touciño enteiro e a metade doutro; déronlles uns anacos de biscoito riquisimo e agasallaronnos ademáis con estoutra panxoliña.
UN NADAL DE PANXOLIÑAS
Enviado por josean o Ven, 27/12/2013 - 19:44Coma tódolos anos o inestimable traballo da profe Inés viuse plasmado nestas panxoliñas cos nenos interpretaron tan ben tanto nas suas saídas ao Centro Sociocomunitario, como ao IES Illa de Tambo, coma o Grupo Escolar
II PREGUNTA DO TABOLEIRO DE NORMALIZACIÓN
Enviado por josean o Mar, 17/12/2013 - 00:45Tardamos máis da conta en volver darvos unha pregunta para que lle busquedes solución. Se o ano pasado falabamos da Gastronomía tipica de Marín (algún coa vista destes saborosos pratos vai engordar) tal como o bacallau con coliflor, torta de rixóns ou mazá asada nunha cunca de viño do pais con azucre; desta vez preguntadelle aos vosos pais, nais, avós ou avoas
"QUE COSTUME TIÑAN OS MARIÑEIROS DA VILA O DÍA DE FIN DE ANO ÁS MESMIÑAS DOCE EN PUNTO DA NOITE"
Traédenos as respostas antes do Xoves. E unha de gastronomía navideña típica de Marín.
POEMA PARA SANTI FREIRE
Enviado por josean o Mar, 17/12/2013 - 00:23Santi Freire cando nos visitou, pediunos que lle enviaramos o video do recitado do seu libro "Martingadas", mais a nos sabianos a pouco e remexendo nos versos do seu libro, mesturandoos axeitadamente e engadindolle uns novos, os rapaces crearon este poema novo.
Poema para Santi Freire from josean paz on Vimeo.
ENTREVISTA DOS RAPACES DE 6º A ALBERT HOMS PARA REVISTA ZONA PRESS
Enviado por josean o Dom, 15/12/2013 - 22:49A máis rechamante fichaxe do Club de Baloncesto Peixe Galego, Albert Homs na compañía do entrenador do equipo visitou o centro escolar do Sequelo para ser entrevistado polos nenos de 6º para a revista de basket en Galego "Zona Press" que edita e dirixe o periodista coruñes Óscar Losada Castro, que tamén estivo presente no centro presentando a revista e actuou como moderador da entrevista. Foi unha hora onde os rapaces, moitos deles fans do baloncesto e algúns deles compoñentes das categorías inferiores do club fixeronlle tanto a Albert (campeón coa seleción española sub 18 do prestixioso torneo de Manheim, mundial junior oficioso) como a Óscar un sinfín de preguntas ao redor do marabilloso mundo do baloncesto. Algún deles ata coñecía que marca de zapatillas usaba. A entrevista contou tamén coa presencia do escritor Miguel Angel Alonso Díaz, un gran aficionado a este deporte e proximamente colaborador na revista
SAIMOS NO XABARÍN CLUB
Enviado por josean o Dom, 08/12/2013 - 20:30Os do Xabarín tiveron a deferencia de mencionar o noso traballo nunha reportaxe de 3 minutiños esta tarde ás 14:00. Sempre é de agradecer que se recoñeza o teu traballo, inda que o foses facer de igual xeito. Alí estaban os nosos alumnos e os do EEI Monte da Guía, os primitivos impulsores do proxecto. Mais tamén aparecen fotos dos rapaces da Veiga a onde levamos o proxecto, ademais do Ceip Castrillón de Coiro e ao CPI de Navia de Suarna.
E se queredes ver o que emitiron en video facendo click aquí e mais aquí
SAIDA DIDACTICA DO PRIMEIRO CICLO "A NENA E O GRILO NUN BARQUIÑO"
Enviado por josean o Dom, 08/12/2013 - 18:22Os nenos do primeiro ciclo acudiron ao Centro Cultural Caixanova dentro das actividades que todos os anos se ofertan para escolares á representación de "A nena e o grilo nun barquiño" de Magín Blanco. O espectáculo contou coa música que se recolle no libro CD do autor. Os nenos pasaron un rato agradable cantando cancións coma este "Don Ramón".
Se queres ver as fotos da xornada fai click enriba desta foto
UNHA DORNA DE LIBROS, UN MAR DE ILUSIÓNS
Enviado por josean o Dom, 08/12/2013 - 00:20Entre os gañadores no concurso de microrrelatos, dentro da actividade cultural levada a cabo polo BNG de Marín baixo o título de "Unha dorna de libros, un mar de ilusións" foi premiado un neno do noso colexio co seu relato "A Mar Pequeno esgótanselle as pilas". O do pantalón vermello é Eloy Álvarez Santos da clase de 4º A.
"VENRES" DE SANTIAGO FREIRE E DANI PADRÓN
Enviado por josean o Sáb, 07/12/2013 - 23:47Aquí tedes un adianto do que ides poder dispoñer na Biblioteca do Centro, grazas á enorme amabilidade de Santiago Freire.
REGALA GALEGO!
Enviado por josean o Sáb, 07/12/2013 - 23:34Como cada ano chegan ás nosas mans, por agora só en formato dixital, as recomendacións dos Equipos de Normalización dos colexios do Morrazo para facer do Nadal algo aínda moito máis noso. Música, literatura, cine....
VISÍTANOS O ESCRITOR SANTIAGO FREIRE
Enviado por josean o Sáb, 07/12/2013 - 23:27Visitounos Santiago Freire Cordeiro para presentar o seu novo libro "Venres", un libro que recolle a visión do coprotagonista do famoso libro de Daniel Defoe "Robinson Crusoe" do seu encontro co náufrago. Dous mundos chocan no libro, o do "mundo civilizado" de Robinson e o dos aborixens representado en Venres. Ao contrario dos seus libros de poesía, editados dentro da mesma editorial de Cangas, ven nunha esmerada edición que conta cun magnifico traballo do ilustrador gráfico Daniel Iglesias Padrón.
Os rapaces recitaron xunto con Santiago, poemas do seu libro Martingadas que xa tiñan traballado o ano anterior e do seu próximo libro de poemas que inda está por publicar.
SAN ANDRÉS, 30 DE NOVEMBRO
Enviado por josean o Mér, 04/12/2013 - 08:52O 30 de Novembro é festa en moitos sitios de Galicia, o "San Andrés, trompos aos pés", o "San Andrés de Teixido, ha de ir de morto o que non foi de vivo" e como non o San Andrés de Praceres que é o que máis de preto nos toca. E dentro do noso proxecto de "Nota a nota cara ao galego" onde están metidas varias aulas do colexio o aula de 4º A elixiu e adaptou aos tempos esta canción amplamente espallada por toda Galicia, na versión da illa de Ons.
PREMIADOS NO CONCURSO DE MICRORELATOS DE TERROR
Enviado por josean o Xov, 21/11/2013 - 20:21Á espera de facer algo digno, tanto en papel como dixitalmente, cos traballos dos finalistas, xa ía sendo hora que deramos a coñecer aos premiados. A verdade é que foi moi difícil elexir entre todas as obras presentadas pola calidade dos traballos. Parabéns a todos os que lle botaron imaxinación terrorífica ao asunto...
SOLUCIÓNS DO CONCURSO DO TABOLEIRO DE NORMALIZACIÓN
Enviado por josean o Xov, 21/11/2013 - 19:30Dabamosvos tempo atrás tres adiviñas e por fin aqui tedes as solucións e as facianas dos gañadores. Antes de ver o video considerade que esa chousa á que se refire a terceira adiviña é a barriga.
A CANTIGA DO MAGOSTO
Enviado por josean o Xov, 21/11/2013 - 12:50Os nenos de primeiro cantaron así de ben a cantiga coa que, coa axuda da profe Mari Mar todas as aulas cantamos tamén
- « primeira
- ‹ anterior
- …
- 38
- 39
- 40
- 41
- 42
- 43
- 44
- 45
- 46
- …
- seguinte ›
- última »