Sabías que só en España hai máis de 3 millóns de persoas que padecen enfermidades raras?

Cada ano, o 28 de febreiro, celébrase o Día Internacional das Enfermidades Raras, co obxectivo de crear conciencia e axudar a todas as personas que padecen esta condición a recibir o debido diagnóstico e tratamento para garantirlles unha vida mellor.

Na web diainternacionalde temos información básica para saber máis.

E tamén na web de FEDER (Federación Española de Enfermidades Raras) podemos descargar materiais da campaña.

 PROPOSTA:

Sumámonos á proposta da ANPA Aidón, do CEP Sequelo, para que nos comentedes nesta entrada se coñecedes alguha enfermidade rara ou algunha persoa que a padeza e cal é a vosa experiencia en relación con ela. Tamén o podedes comentar no Facebook da ANPA Aidón.

Para commemorar o Día de Rosalía, o vindeiro mércores, día 24 de febreiro, achegámosvos o traballo elaborado por un grupo de mestres/as dos equipos de EDLG de varios centros de ensino. O material consiste nunhas unidades didácticas para primaria (elaboradas o curso pasado) e un Genially elaborados este curso.

A ligazón do Genially é: https://view.genial.ly/5ff75e8bc217200ce77cc6d5

As unidades didácticas, elaboradas polo seminario Galán, para os diferentes cursos de educación primaria:

UD 1º E 2º PRIMARIA DÍA DE ROSALÍA.pdf

UD 3º E 4º PRIMARIA DÍA DE ROSALÍA.pdf

UD 5º E 6º PRIMARIA DÍA DE ROSALÍA.pdf

A semana pasada traballamos a autoestima na aula de 1º B. Pinchando na imaxe podemos descargar unha presentación multimedia con imaxes do proceso e o resultado obtido.

 Este ano celebraremos o "Día da Paz" o próximo día 29 de xaneiro coas seguintes actividades:

RECOMPILACIÓN DE RECURSOS PARA ALUMNADO DE INTEGRACIÓN TARDÍA CON DESCOÑECEMENTO DAS LINGUAS VEHICULARES, CASTELÁN E GALEGO

1. APPS PARA DISPOSITIVOS MÓBILES

- DUOLINGO (Aplicación para aprender idiomas, tamén ten servizo web,  precisa rexistrarse)

- MOSALINGUA (Aplicación para aprender idiomas, precisa rexistrarse na web)

 2. RECURSOS PARA APRENDER CASTELÁN

- TEJIENDO EL ESPAÑOL, LA RUECA ASOCIACIÓN.  (Manual para profesor e alumno, pdf de 124 páxinas, pódense imprimir páxinas)

 -  https:/aprenderespanol.org Exercicios de vocabulario, gramática, con actividades diversas.

- www.ver-taal.com Exercicios de vocabulario temático, etc. Con debuxos e son.

. https://www.spanishlearninglab.com/, web con leccións de castelán básico e fichas imprimibles en pdf.

3. RECURSOS WEB PARA  APRENDIZAXE DE CONTIDOS CURRICULARES (Alumnado que coñece a lingua francesa)

A) ÁREA MATEMÁTICAS:

. KHAN ACADEMY FRANCE

O alumno pode seguir videotitoriais con explicacións, realizar exercicios online ou imprimir probas en pdf.

. TOUPTY.COM  (Fichas imprimibles con exercicios e solucións)

. MATHS-PDF.FR  (Fichas imprimibles con exercicios que se poden seleccionar de unha lista)

. JEUXMATHS  (Explicacións de contidos e exercicios online)

 B) ÁREA LINGUAS:

C) ÁREA DE CIENCIAS:

. PASS-EDUCATION  (Planeta Terra e os seres vivos, textos en francés, precisa rexistro na web)

D) PLATAFORMAS ENSINO

. SCHOOLMOV.FR  (Varias materias, precisa rexistro na web)

Estimadas familias:

Lembrámoslles que dende o 11 de xaneiro ata o 8 de febreiro poden presentar a solicitude de reserva de praza para o IES Illa de Tambo, que é o centro adscrito ao noso colexio.

As solicitudes deberanse presentar no noso centro ou a través da aplicación "admisionalumnado" da Consellería de Educación da Xunta de Galicia. A fin de facilitarlles o proceso o luns entregaremos os impresos aos seus fillos e fillas. Cando os teñan cubertos pódenos presentar en secretaría en horario de 9:00 a 9:50 ou de 13:10 a 14:00. Lembren que deben timbrar na porta principal para ser atendidos. Para calquera dúbida chamen por teléfono nese mesmo horario.

 O venres 4 de decembro ás 18h00 terá lugar a videoconferencia "A educación a distancia (3º a 6º PRIMARIA)" a cargo de Sérgio A. Nunes Garcia, dentro da escola de familias organizada polo CFR de Pontevedra e o CEP Sequelo. O acceso á mesma realizarase a través da seguinte ligazón:

https://eduxunta.webex.com/eduxunta-pt/j.php?MTID=m2910b5c11c7b97cfae9d01f92820adef

 Instrucións de acceso:

• Lembren usar un navegador Chrome.

• Nas familias cuxos fillos e fillas estean en E-Dixgal recoméndase que empreguen o computador subministrado polo centro educativo para familiarizarse con el.

• No caso de acceder con dispositivo móbil (tablet ou teléfono) deben descargar a aplicación Cisco Webex Meetings e acceder desde ela á ligazón.

• Lembren pór un nome e un correo electrónico (calquera). Se non introducen un nome e un correo non poderán acceder á reunión. Para practicar e sabermos que familias se conectan, poden usar o nome do seu fillo/a e curso (ex. Miguel Solla 3B).

• A xuntanza será gravada para un posterior acceso á mesma.

Guión da xuntanza

1. Webex. Conexión. Forma de entrada (nome, correo-e). Normas básicas de funcionamento e comportamento.

2. Normas en confinamento.

3. Aula Virtual / Edixgal. Funcionamento básico, entrada nun curso. Emprego da app de Moodle. Entrega de tarefas (pdf). Outras funcionalidades (calendario, foros, mensaxería).

4. Protección de datos: imaxe e datos de alumnado.

5. Abalar. Funcionalidades básicas.

6. Tempo aberto a dúbidas.

O venres 4 de decembro ás 16h00 terá lugar a videoconferencia "A educación a distancia 1º-2º PRIMARIA)" a cargo de Sérgio A. Nunes Garcia, dentro da escola de familias organizada polo CFR de Pontevedra e o CEP Sequelo. O acceso á mesma realizarase a través da seguinte ligazón:

https://eduxunta.webex.com/eduxunta-pt/j.php?MTID=m4096b0bf0bab7fa3536b528e6468aaa8

 Instrucións de acceso:

• Lembren usar un navegador Chrome.

• No caso de acceder con dispositivo móbil (tablet ou teléfono) deben descargar a aplicación Cisco Webex Meetings e acceder desde ela á ligazón.

• Lembren pór un nome e un correo electrónico (calquera). Se non introducen un nome e un correo non poderán acceder á reunión. Para practicar e sabermos que familias se conectan, poden usar o nome do seu fillo/a e curso (ex. Miguel Solla 3B).

• A xuntanza será gravada para un posterior acceso á mesma.

Guión da xuntanza

1. Webex. Conexión. Forma de entrada (nome, correo-e). Normas básicas de funcionamento e comportamento.

2. Normas en confinamento.

3. Aula Virtual. Funcionamento básico, entrada nun curso. Emprego da app de Moodle. Entrega de tarefas (pdf). Outras funcionalidades (calendario, foros, mensaxería).

4. Protección de datos: imaxe e datos de alumnado.

5. Abalar. Funcionalidades básicas.

6. Tempo aberto a dúbidas.

Conmemoramos o Día Internacional das Persoas con Discapacidade  co obxectivo de promover os dereitos e o benestar das personas con discapacidade en tódolos ámbitos da sociedade, así como concienciar sobre a súa situación en tódolos aspectos da vida.

Para ese propósito propoñemos dous vídeos para velos e comentalos co noso alumnado. Son: Cuerdas, curtametraxe de 10 minutos de duración, de Pedro Solís García. Foi o gañador do Goya® 2014 na categoría de "Mellor curtametraxe de animación española".

O segundo vídeo, de 4 minutos de duración, titúlase "O regalo", e o seu protagonista é un canciño moi xoguetón.

E no caso de coñecer xa estes vídeos, temos máis posibilidades na CARTELEIRA INCLUSIVA que nos propón o blog Averroes da Junta de Andalucía.

Publicación dos criterios e procedemento de distribución de máscaras entre o alumnado matriculado en educación primaria, ESO e educación especial en centros públicos e concertados no curso 2020/21  (Orde de 6 de novembro de 2020)

O alumnado que resultou beneficiario das axudas de material será tamén, directamente, beneficiario das máscaras, sen necesidade de presentar solicitude. Nese caso as familias serán informadas polo colexio cando se dispoña das máscaras.

O resto do alumnado que non foi beneficiario das axudas de material por diferentes circunstancias, deberá entregar solicitude, sempre que reúna os requisitos esixidos:

- a) Pertenza a familias cunha renda per cápita igual ou inferior a 6.000 €.

- b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.

O prazo para presentación de solicitudes remata o xoves 26 de novembro. As solicitudes deberán presentarse presencialmente no centro docente onde estea matriculado o alumno utilizando o formulario normalizado (anexo I) dispoñible na sede electrónica da Xunta de Galicia, https://sede.xunta.gal.

• Solicitude (Anexo I)
• Comprobación de datos dos membros computables da unidade familiar (Anexo II)

  O pasado venres, Mael chegou ao colexio cunha cesta de cogomelos. Quería compartir con todos os seus compañeiros a súa afección polos fungos.

 
 Seus pais iniciárono nela e agora encántalle saír ao monte os fin de semana para recollelos e despois poder degustalos.

Agora, grazas a Mael, os de 2º curso sabemos un pouco máis dos cogomelos. Por exemplo, sabemos que non debemos coller aqueles exemplares que non coñezamos. Isto é moi importante porque hainos comestibles e non comestibles.  Ademais, amosounos distintos exemplares, como son o boletus edulis ou os cantarelos, entre outros.

Unidades didácticas para infantil e primaria de Samaín 2020 e do Magosto 2020, elaboradas polos EDLG de varios centros de ensino da Coruña, con diferentes textos, actividades e manualidades.

 Samaín 2020                                             Magosto 2020

ORDE do 25 de xuño de 2020 pola que se aproba o calendario escolar para o curso 2020/21 nos centros docentes sostidos con fondos públicos na Comunidade Autónoma de Galicia.

Días lectivos: do 10 de setembro de 2020 ao 22 de xuño de 2021.

Periodos de vacacións:1. Nadal: desde o día 23 de decembro de 2020 ata o día 7 de xaneiro de 2021, ambos inclusive.

2. Entroido: días 15, 16 e 17 de febreiro de 2021.

3. Semana Santa: desde o día 27 de marzo ata o 5 de abril de 2021, ambos inclusive

Outros días non lectivos: 2 de novembro, 7 de decembro (Día do ensino), e 18 de maio.

No curso 2020-2021 participamos no programa ARCO (Apoio, Reforzo de Competencias e Orientación), dirixido ao alumnado de 4º, 5º e  6º de primaria, co obxecto de favorecer a participación do alumnado no grupo-clase e a consecución do seu máximo desenvolvemento emocional, intelectual, social e profesional, e financiado polo Fondo Social Europeo (FSE).

Grazas a esta iniciativa temos á nosa disposición unha profesora de apoio, con horario a media xornada, que ofrece atención ao alumnado seleccionado para o programa, ata un total de 15 alumnos e alumnas de 4º, 5º e 6º de primaria, en horario lectivo e dentro das aulas ordinarias.

Máis información sobre o programa.

Gravación do webinar "Medidas hixiénicas de prevención ante a covid-19 nos centros educativos para persoal non docente", da Consellería de Educación.

Os seres humanos, e en xeral o reino animal, somos esencialmente emocións (alegría, tristeza, medo e rabia son as máis básicas). O ser humano desenvolveu evolutivamente outra capa: a razón, os pensamentos, que obteñen a súa enerxía e se sustentan sobre esas emocións. De aí a importancia de aprender a educalas para conseguir unha mente ordenada que nos conduza ao benestar e a unha vida feliz.

Para traballar a educación emocional é moi coñecido o modelo do GROP (Grup de Recerca en Orientació Psicopedagógica) da Universitat de Barcelona, baseado en cinco dimensións:

1. Conciencia emocional: capacidade para tomar conciencia das propias emocións e das emocións dos demais.

2. Regulación emocional: capacidade para manexar as emociónss de forma axeitada.

3. Autonomía emocional: capacidade de sentir, pensar e tomar decisións por un mesmo.

4. Competencia social: capacidade para manter relacións axeitadas con outras persoas.

5. Competencias para a vida e o benestar: capacidade de adoptar comportamentos apropiados e responsables para afrontar satisfactoriamente os desafíos diarios.

A seguir engadimos algúns recursos básicos para afrontar a educación emocional no nivel de educación primaria:

Web do goberno de Aragon, http://carei.es/recursos-de-inteligencia-emocional/, que recompila unha lista de recursos audiovisuais (curtametraxes, películas...) así como outros enlaces, como por exemplo a Guía didáctica para la educación socioemocional elaborada pola Junta de Andalucía.

Enlace ao programa completo de intelixencia emocional da Diputación Foral de Gipuzkoa, dirixido á etapa de educación primaria e organizado en tres niveis: 6 a 8 anos, 8 a 10 anos e 10 a 12 anos, con libros de contidos e fichas de actividades. No blog Aula de Elena, tatopamos un resumo moi completo deste programa.

Programa de Educación Emocional de María Dolores Hurtado Montesinos, editado por Región de Murcia, 2015, dirixido a distintos niveis educativos, con moitas actividades, do que temos un resumo no blog Aula de Elena, e que tamén podemos descargar neste enlace.

Programa Escolar de Desarrollo Emocional (PEDE) elaborado pola Consejería de Educación do Principado de Asturias. Inclúe guía, caderno para traballar na aula, caderno para casa e  actividades para pais e nais. Dirixido a alumnado de 8 a 12 anos.

Outro programa específico para 1º e 2º cursos de primaria, con amplo repertorio de actividades é o de Barreda Marín, M. (2016). Programa de Educación Emocional para primer ciclo de primaria. Projecte Final del Postgrau en Educació Emocional i Benestar.Barcelona: Universitat de Barcelona. Dipòsit Digital:http://hdl.handle.net/2445/107401

Club Peques Lectores, Selección de 10 libros infantís para a educación emocional.

Hai infinidade de recursos audiovisuais (videocontos, curtas, etc.,) que se poden seleccionar directamente na web (youtube...).

Finalizamos cunha contribución a nivel teórico, Educación emocional y competencias básicas para la vida, artigo de Rafael Bisquerra, en Revista de Investigación Educativa, 2003, Vol. 21, n.º 1, págs. 7-43.

Achegamos dúas presentacións multimedia para axudar a explicar aos nenos todo o relativo ao coronavirus.

Manual de coronavirus para nenos/as, (formato odp) elaborado por Ángeles Ruíz Vázquez, farmacéutica comunitaria, dirixido especialmente aos cursos de infantil e primaria.

Manual de coronavirus para nenos/as (formato pdf)

Coronavirus para familias, (formato odp) presentación con información xeral para todos os públicos.

Coronavirus para familias (formato pdf)

O Ministerio de Educación convoca Axudas e subsidios para alumnado con necesidade específica de apoio educativo derivada de discapacidade,  trastorno grave da conduta, trastorno do espectro autista ou altas capacidades.

 O prazo para solicitar a bolsa remata o día 30 de setembro (mércores).

Podemos obter información sobre a convocatoria no seguinte enlace:

http://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/primaria-secundaria/necesidad-especifica-apoyo-educativo.html

e tamén dun modo máis detallado no novo Portal de Bolsas de Educación:

Que documentación necesitamos? 

Pasos a seguir para solicitar a bolsa

A solicitude hai que cubrila na sede electrónica do Ministerio de Educación: https://sede.educacion.gob.es/sede/login/inicio.jjsp?idConvocatoria=1399

Instrucións polas que se incorporan a declaración de actuacións coordinadas en materia de saúde pública aprobadas polo Consejo Interterritorial do Sistema Nacional de Salud Pública (D.O.G nº 174 bis do 28-08-2020) e a actualización das recomendacións sanitarias do Comité Clínico ao protocolo do 22 de xullo de adaptación ao contexto da COVID 19 nos centros de ensino non universitario de Galicia para o curso 2020-2021

Instrucións do 30 de xullo 2020