Un ano máis celebramos o entroido con doces típicos, disfraces relacionados cos proxectos que estamos traballando este curso (robótica e o río Lameira), concurso de disfraces, música e moito ambiente neste "XV Obradoiro da Filloa".

Como xa sabedes o día 24 de febreiro conmemórase o Día de Rosalía de Castro; como a data cae en domingo nós realizaremos diversas actividades na semana seguinte. Para aprender algo máis sobre ela, deixamos esta imaxe interactiva con diversa información.

Como cada ano por estas datas despedimos o trimestre cun clásico do colexio, o noso "Festival de Nadal", no que non faltou de nada; puidemos disfrutar das actuacións do noso alumnado con: panxoliñas, bailes, unha pequena representación teatral e a entrega de premios aos finalistas e gañadores do concurso de "Tarxetas de Nadal".

Con este resumo do que foi o festival aproveitamos para desexarvos un Feliz Nadal e Próspero Ano 2019.

Durante o mes de Novembro estivemos traballando a poesía seguindo a proposta da Asesoría de Bibliotecas para celebrar este curso o Día das Bibliotecas "Poéticas diversas na biblioteca escolar".

Nós eleximos como tema das nosas creacións poéticas o río Lameira, como traballo dentro do Proxecto iniciado o curso pasado "Arredor do Lameira".

Aquí vos quedan as poesías que creastes, algunhas da vosa propia invención e outras a partir de poemas coñecidos.

Xa se achega o Nadal, e como cada ano, no colexio empezamos a celebración destas datas co clásico concurso de Tarxetas de Nadal, este ano ademais propuxémosvos compoñer un pareado co que felicitar estas festas. Aquí podedes ver as tarxetas finalistas e gañadoras.

O alumnado de 1º curso inventamos un conto no que aos protagonistas, Noa e Marcos, sucédenlle moitas cousas cando están paseando preto do río Lameira: Atopan un pirata, entran nunha casa embruxada, a bruxa invítaos a té con pastas... Será todo isto certo? Para averigualo teredes que ver a nosa representación.

O alumnado de segundo curso inventamos un conto terrorífico que ao final resultou ser un mal soño na noite de Samaín, pero... Que medo pasou o protagonista, Martiño!!!

O alumnado de 4ºA fixemos un conto que se desenvolve no noso colexio e do que somos protagonistas todos os nenos da clase, que temos que artellar un plan para salvar á mestra... De que ou de quen? Conseguirémolo?... Só vendo a nosa representación o descubriredes.

O alumnado de 4ºB creamos un conto que se desenvolve nun muíño, uns nenos perdidos no bosque atopan un muíño donde refuxiarse, pero... Que pasará alí? Non deixedes de ver a nosa representación se queredes averigualo.

O alumnado de 6ºA creamos polo Samaín un conto terrorífico que se desenvolve en Marín, no río Lameira, camiño do colexio; aquí vos queda, seguro que pasades moito medo cando o vexades.

• A exposición de "lecturas de medo", das que puidestes disfrutar nos días previos. 
• O obradoiro de contos terroríficos inventados e representados por vos memos. 
• Finalizando o día 31 coa visita á "Casa do terror" que como cada ano prepara a ANPA. Este ano ademais houbo premios para as cabazas "máis terroríficas" e "máis divertidas".

A última semana do curso entregamos un exemplar da nosa revista a cada un dos alumnos/as do colexio. Nas súas 40 páxinas recollemos traballos do alumnado, excursións, e todo tipo de actividades levadas a cabo durante o curso. Unha felicitación ao seu consello de redacción, integrado por Álvaro, Ángela, Assia, Bryan, Miriam e Uxía.

Parabéns para Saúl Mariño Recamán que gañou o primeiro premio na categoría de Primaria. Xunto a él outros catro compañeiros resultaron finalistas:  Álvaro Pereira Omil, Jorge Fernández Beloso, Martina Pazos Iglesias e Víctor Moreira González, que ademais foi un dos cinco finalistas destacados. É esta a segunda vez, nas súas seis edicións, que este premio recae nun alumno do CEP Sequelo.

A noticia aparece publicada no Diario de Pontevedra.

E tamén aparece publicada no blog Cousas de Carragal, de Marín.

Impresión dun dos finalistas:

 "Eu fun ao acto, moi nerviosa, porque non quería ler o meu relato diante de moitas persoas. Fun coas miñas curmáns, a miña nai e o meu pai.  Ao chegar, vin que había 5 persoas de xurado, mais 4 micrófonos, aquilo fixo que me sentira máis nerviosa aínda. Ao final só os gañadores tiñan que leer o seu relato. Agasalláronnos a cada un de nós cos libros onde estaban os nosos relatos.

 Todo o acto acabou cunha canción dun coro da Academia de Ópera de Pontevedra".

Os ganadores das distintas categorías

Os nenos de 4º estiveron investigando a vida de Mª Victoria Moreno para escribir un pequeno rap coa súa biografía. O resultado foi este:

Victoria Moreno

gañou o premio

das letras galegas

por facer poemas.

A cuarta muller 

en levar o premio

por escribir en galego.

Filla de mestra 

e pai militar

ela facia as letras bailar.

O día 16 de maio os alumnos de 5º de primaria fixemos unha obra de teatro. Esta obra esta adicada a María Victoria Moreno.

María Victoria Moreno naceu en Cáceres, adicouse a escribir contos infantís e tamén era profesora. Na obra está representada a vida de María Victoría Moreno.

 Espero que vos gustara.

 Despois de adoptar un libro con motivo do Día do Libro, realizamos a actividade "O río dos libros" que consistiu en cubrir unha ficha en forma de libro na que debiamos poñer uns datos do libro adoptado: Título, autor, data de publicación, editorial, tema do libro e un pequeno resumo. Recopilamos todas as fichas nuns murais en forma de río aos que titulamos "O río dos libros".