O xogo que vos propoñemos hoxe é a “carreira de sacos”, explícanola Pablo Torres na súa entrevista, é moi divertido e podemos realizalo moitos ao mesmo tempo, na actualidade é moi importante a distancia que gardemos cos nosos compañeiros/as polo que debemos practicar actividade física con sentidiño.

Como a carreira de sacos é coñecida por todos e todas, vou propor unha variante, a primeira actividade do vídeo é unha carreira de sacos con obstáculos, sabedes que podemos modificar as regras e adaptalas as nosas necesidades e  imaxinación, neste caso practican con bolsas de lixo, espero que vos gusten todas as actividades que vos envío para o día de hoxe e que probedes algunha.

Hoxe é o Día Mundial das Tartarugas Mariñas, en unha entrada anterior mostreivos un vídeo onde vos explicaban como realizar bolboreta en Lingua de Signos Española, e hoxe toca  “tartaruga”. É un dos meus signos preferidos!!!!

Como fai moito tempo que non fago unha entrada con un pouco de actividade física, xa que os xogos cantados, tiñan movemento, hoxe toca traballar, teredes que empregar a vosa imaxinación para buscar recursos pola casa para realizar os exercicios.

Comezamos a semana coa entrevista de Marcos, non é un “xogo cantado”, pero quedábanme algúns xogos tradicionais por mostrarvos, espero que vos guste.

A petanca ,e un xogo que podedes practicalo na actualidade, é sinxelo gardar as medidas de seguridade e traballamos os lanzamentos e a precisión, lembrade que ten que ser en un espazo de terra ou area, e podemos substituír as bolas por pedras, non rodan igual pero temos un xogo do día de África que é moi similar a este, lembrades como é? e como se chama?.

A entrevista do sábado vai a cargo dun compi de 5ºA, que nos trae un xogo no que podemos participar todos e todas, sendo posible xogar a calquera idade, só teremos que modificar un pouco os papeis que desenvolvemos...

Seguro que moitos e moitas de vos xa o coñeciades, pero teño un vídeo con unha canción que varía un pouco da enviada por José Manuel.

Desfrutade moito da fin de semana!!!!

Esta semana toca………….. un novo reto, están moi ben os vídeos que me mandades dos anteriores, vexo que o primeiro foi sinxelo e o segundo é máis complexo, vamos ver que pasa co terceiro.

Grazas a todos e todas as que me mandades vídeos ou fotos explicándome que vos resultou difícil ou sinxelo.

Espero comentarios, vídeos, fotos… e tamén algunha proposta… (profetamaraef@gmail.com). 

Desfrutade da fin de semana!!!!

#euficonacasa
#euquedonacasa

Na entrada de hoxe Hugo tráenos a entrevista que lle fixo a súa avoa, coñecedes este xogo?

Hoxe vamos traballar un pouco de coordinación, Iker propón o xogo que eu coñezo como “CHOCOLATE”, pero ten moitas máis denominacións, só precisades unha parella e moitas ganas de rir, podedes aumentar a velocidade de execución, o número de participantes, podendo ser un  trío,  grupos de catro, cinco…

En este vídeo explícanvos como son os pasos para iniciarvos en “chocolate”, espero que o practiquedes moito.

Comezamos a semana, e temos que iniciala con enerxía e moitas ganas de pasalo ben, a proposta para hoxe é de Rodrigo que nos explica un xogo que creo que moitos e moitas coñecedes, neste caso, poderemos xogar, sempre que gardemos a distancia de seguridade, polo que teremos un corro moi grande.

Só precisamos unha zapatilla, que lle poderemos roubar a un ou unha xogadora, ou substituíla por calquera obxecto. Encontrei este vídeo en youtube, pero hai moitos máis, onde varía a canción ou algunha outra norma do xogo.

Esperamos que vos gustara a proposta de hoxe e que nos sigades enviando moitos máis “xogos cantados”.

Xa é venres!!!!, e traio un novo reto para todos/as, teño uns correos que me demostran o rápido que superástedes o da semana pasada, vamos ver que pasa con este.

Hoxe toca practicar o salto, Mateo e Pablo propóñennos unha actividade de saltar a goma que lles ensinaron súas nais, existen moitas cancións para este xogo, seguro que coñecedes algunha que nos poidades ensinar, ou podedes preguntar.

Coñecedes aos protagonistas do vídeo?

Desfrutade moito da proposta de hoxe, só precisades unha goma (que podemos comprar en calquera mercería), e moitas ganas de xogar, para practicar podemos empregar dúas cadeiras para os extremos e así podemos repetir todas as veces que queiramos.

Para hoxe Pablo proponos o xogo do “Corro da pataca”.

Olaaa!!! Hoxe toca un pouco de coordinación óculo-manual, potenciando a coordinación e a memoria,  Clara preséntanos un xogo de palmas “Don Federico”, espero que vos guste e o practiquedes, é moi entretido, existen moitas variantes con respecto a letra e podemos realizar cambios nos movementos, xogar por parellas, tríos, grupos de catro, cinco,… xa sabedes que podemos modificar e complicar as actividades todo o que queiramos.

Buscando en Youtube encontrei este vídeo que se parece moito o que nos propón Clara na súa entrevista, podedes encontrar moitos máis…

Olaaaa!!!!!

Para esta fin de semana propóñovos un reto-xogo que me enviaron esta semana por whatsapp, e pareceume divertido, podedes retar a alguén da casa, do cole, da clase,… espero que vos guste!!!! envíovos o orixinal, espero poder cambialo polo meu reto superado.

Xa tiña ganas de enviarvos este vídeo, desfrutade!!

#euficonacasa

#euquedonacasa

Xa me chegou o primeiro xogo cantado, é de Pedro e de Daniel, eu non coñecía a “Roda roda” e vos?

Tamén nos envían un exemplo de execución.

Está xenial!!!! un xogo novo para comezar as recollida de "xogos cantados".

Esperamos as vosas entrevistas, vídeos, explicacións,....

#euficonacasa

#euquedonacasa

Xogo de palmas

Xogo con canción

Botar a sortes

Hoxe é o día de África, e continuamos con xogos tradicionais e populares, propóñovos tres xogos africanos, unha “Mariola Africana”, que non se parece moito a que coñecemos aquí, pero que ten en común que se xoga con cadrados, e gustoume porque nos introduce un pouco no que vamos a traballar dende a área de EF e de Música, tamén vos propoño un xogo que nos vale para practicar en calquera lugar, só precisamos unha parede, pedras e moitas ganas de xogar e por último un xogo de mesa, onde reunimos concentración e enxeño. Espero que vos gusten para comezar a semana!!! 

Un xogo moi similar a petanca, onde temos que lanzar pedras para tentar acercalas o máximo posible a parede, traballamos lanzamento e precisión.

E para rematar, un xogo de mesa. Mancala ou Kalaha.

Como podedes ver podedes realizalos todos na casa, non precisan un material especial, no Mancala ou Kalaha, envíovos varios vídeos un do xogo no taboleiro orixinal e outros dous con taboleiros que todos podemos facer na casa, gustoume moito o que se elabora coa caixa dos ovos, xa que pode ser un bo xogo de viaxe.