O pasado 20 de decembro entregáronse os premios do Ateneo Santa Cecilia nas distintas categorías. Obtivo o primeiro premio  no concurso de contos Iván Suárez Rey co conto "Thizos e a volta ao mundo" e o segundo premio Mateo Barcala Díaz co conto "Aventura de Nadal". Felicidades aos dous, sodes uns artistas¡¡¡

O día 28 de novembro veu Benito explicarnos que había dous tipos de pesca: de arrastre e de rede. Díxonos que o maior medo que pasara fora unha vez que atoparon unha especie de balea que estaba amarrada na barca e por pouco vira a barca. Dixo que para pescar sardiñas había unha rede onde engánchanse as cabezas e xa non saen.

Unha vez estaban pescando coa liña e pescou un tiburón martelo, liouse coa liña e case lle arrinca unha orella, quedoulle colgando e tiveron que coserlla no barco. E que Benito é todo un lobo de mar.

Iván Gomis, Tiago, Aitor e Pablo

Umberto era un mariñeiro que pasaba o Nadal no barco, case non vira aos seus fillos crecer; no Nadal traballábase tódolos días e só se comía un pouco de turrón. Tamén traballaba no arrastre e díxonos: "imaxinádevos que sodes peixes e fixo como se nos tirara unha rede e como se nos pescara a todos xuntos".  O que máis nos impresionou foi que pescou un tiburón martelo.

Lucia Couso, Pedro, Miguel e Dani.

Celebramos o magosto o venres 8 de novembro e fixemos moitos xogos como: tiro á diana, o limbo das castañas, relevos cunha castaña, pasar a castaña cun vaso... Despois repartiron as castañas para comer e o chocolate quente e uns biscoitos pequenos e mentres merendábamos xogábamos polo patio. Por último repartiron carbóns para pintar a cara e fumos para clase e tíñamos a cara chea de negro co carbón. Pasámolo xenial!!!

Mario, Xián, Estrella e Carlota

O día 25 de outubro fumos a plaza de toros de Pontevedra, había policías, cans e cabalos; vimos como os cans facían acrobacias, como axudaban aos policías cos delincuentes e se defendían. Un can levantou a bandeira de España, tamén había un home que facía de delincuente que lle robou o bolso a un policía e meteuse nun camión e o can saltou pola fiestra agarrouno dun brazo e o tirouno pola fiestra do camión. Despois chegaron os cabalos que saltaron un aro ardente e tamén defenderon o coche da policía e andaban facendo zig zag. Sabedes que se poden adoptar os cans policías? (podedes informaros na páxina "Héroes de 4 patas").

Rocío, Emma, Aitor e Naiara.

Os alumnos de 4º celebraron un samaín terrorífico!!!

Os alumnos de 4º escriberon un poema para celebrar o samaín. Esperamos que vos guste.

Segundo é un mariñeiro que traballou engraxando os motores dos barcos. Foi naúfrago, contounos que foi nunha balsa salvavidas e había unha pastilla que tomabas e xa non tiñas fame, eles non a tomaron porque en tres horas xa os recolleron. Contounos que se atoparon cun tiburón martelo que medía case coma unha aula e tamén contou que á hora de comer tiña que agarrar o plato porque se non caíache enriba.

Somos Mateo, Lucía Barreiro, Yésika e Marcos

Laura contounos que traballaba nunha empresa do porto que se adica aos moluscos, venden mexillóns, ameixas, algas... Que está moi satisfeita co seu traballo, aínda que é a máis pequena da empresa. Teñen unha máquina que limpa uns 50 kg de mexillóns nuns minutos; contounos que o que menos lle gusta do porto é que está moi sucio e o tránsito dos camións que transportan as aspas dos muiños de vento.

Noelia, Iván Suárez e Diego

Chuco foi un mariñeiro que nos explicou que os primeiros barcos eran de madeira, durmíase nunha táboa e daquela pensaban se ían comer ou non, non tivo zapatos ata os cinco anos; tamén nos contou que comezou con trece anos e que deu a volta ao mundo tres veces: dúas en barco e unha en avión. As mozas levaban o peixe na cabeza ata o mercado. Contounos como o porto foi cambiando dende que el comezou. Iván Gomis, Tiago, Aitor e Pablo

.

MATERIAL 4º EDUCACIÓN PRIMARÍA. CURSO 2019-20

  4 Libretas de pauta ancha (4mm.) tamaño folio con grapas (non espiral)

  1 Libreta cuadriculada tamaño folio con espiral

  2 Lapis staedtler Noris nº 2 HB

  2 Bolígrafos azul tipo bic

  1 Afialapis con depósito

  2 Gomas ( Milán,nata ou similar)

  1 Pegamento Stick pritt (mediano)

  1 Tesoira de punta redondeada

  1 Portafolios de plástico con broche

  1 Carpeta tamaño folio con gomas

  1 Regra de plástico duro ancha de 30 cm.

  1 Semicírculo (transportador de ángulos)

  1 Estoxo non metálico de cremalleira

  1 Caixa de cera duras (mínimo 12 cores)

  1 Caixa de cores de madeira Alpino ou similar (mínimo 12 cores)

  1 Caixa de rotuladores (mínimo 12 cores)

  1 Compás

  Axenda escolar

  Diccionarios de lingua galega e lingua castelá

LIBRO E CADERNO DE LECTURA PARA O PRESENTE CURSO:

  “Marco Polo no fue solo”.Pilar Lozano e Alejandro Rodríguez.Ed.Bruño.ISBN:

Libro: 978-84-216-9870-9

  Caderno : 978-84-216-7045-3

  MATERIAL PARA CLASE DE MÚSICA:

  Carpeta tamaño folio

  Libreta de pentagramas anchos

  Frauta doce

MATERIAL PARA CLASE DE INGLÉS

  Libreta dobre pauta tamaño cuartilla con espiral

  Carpeta de gomas plástico tamaño folio

  Subraiador azul ou verde

MATERIAL RELIGIÓN:

 BIBLIA

 NOTA:

Poñer o nome a todo o material e tráelo o antes posible.

Os alumnos de terceiro estivemos traballando as máquinas simples cos Legos. Ao final do curso expuxeron o tema aos pais e aos compañeiros de sexto nun intercambio de experiencias sobre máquinas simples e circuitos eléctricos. A continuación os deixo as imaxes sobre o intercambio de experiencias e do vídeo sobre a exposición dos nenos de terceiro.

Ola! Grazas por deixarnos vir e aprender de vós. Moitas grazas por ensinarnos como funciona o helicóptero, grazas porque salvades o noso medio ambiente e tamén as nosas vidas e sodes moi valentes, sodes heroes e cando vós salvades o bosque poñedes as vosas vidas en perigo e grazas por deixarnos as vosas ferramentas. E tamen vimos como despegaba o helicóptero.

De Mario Villaverde, Estrella Jiménez, Carlota Martínez e Xián López.

Neste mes os alumnos de terceiro saímos a coñecer as construcións na beira do río lameira: pontes, muíños, pombais, hórreos e o lavadeiro forman parte do patrimonio cultural do río Lameira.

Os nenos de terceiro fomos visitar o museo do mar de  Marín, onde nos explicaron as artes de pesca, os barcos propios da ría e doutras partes do mundo, especies de peixes e moluscos,...

Os nenos de terceiro estivemos reciclando materiais para sementar flores nas ventás. Primeiro pintamos caixas de fresas de distintas cores, despois empregamos botellas de auga para facer de macetas e agora soamente queda esperar que medren as flores.

Nesta galería fotográfica mostrase aos nenos de 3º B na realización do proxecto sobre o espacio. Vémonos na terra.

Na investigación espacial temos que coñecer os personaxes  e teorías máis importantes que fixeron posible as viaxes espaciais; desde Galileo Galilei ata Stephen Hawking, as súas teorías fixeron posible as viaxes de Yuri Gagarin, Neil Armstrong ou Valentina Tereshkova. Nesta viaxe Lucia Couso e Iván Gomis seran os nosos guías

Nesta expedición imos coñecer un pouco mellor a lúa, as súas fases e os eclipses. Os astronautas neste caso son: Iván Suárez, Lucía Barreiro e Naiara.