Bo día! Hoxe comparte con vós, Naiara García Eidón de 6ºB, unha manualidade moi chula chamada "Ximnasta". A ver si vos animades vós a facer a vosa. Saúdos.

¡Hola! Me llamo Uxía y tengo 12 años. Mi cole es el C.E.P. Sequelo de Marín (Pontevedra). Sé que no me conoces y pensarás... ¿pero de quién es esto? Yo tampoco te conozco y te mando esta carta para darte mucho ánimo y para desearte una recuperación pronta y segura.

P.D.: ¡NO TE RINDAS!

#JUNTOSPODREMOSCONSEGUIRLO

#QUÉDATEENCASA              

 Uxía Portela Dasilva - 6ºB

Carta aberta a un enfermo do virus

Ola! Ti non me coñeces; eu a ti, tampouco. Son Óscar, teño 11 anos, son de Marín (Pontevedra); máis concretamente da parroquia de San Xulián. Espero que te atopes, dentro das túas circunstancias, ben. Estarás maldicindo a este virus e aos seus culpables, se os hai. Que saibas que eu tamén o estou facendo. 

Sempre mente positiva. Disto vaise saír, cedo ou tarde, co traballo de todos os cidadáns, dos teus médicos, das túas enfermeiras, das nosas familias, de todos e todas. Fai plans para cando estés san. Iso sí, o primeiro propósito é abrazar e bicar aos nosos seres queridos e aos nosos amigos. Comidas e ceas, quedadas no parque, facer deporte ao aire libre,… Todo o que nos gusta.

Por certo, na miña familia, tamén tocou a lotería do virus. O meu tío Carlos, que vive en Madrid, leva 12 días aislado na súa habitación, con síntomas de Coronavirus, sobre todo febre. Fixéronlle a proba, pero a día de hoxe, non sabe o resultado. 

Sé forte e non baixes a garda, que o bichiño anda por todos os recunchos. 

Moita sorte e ata vernos!!

ÓSCAR DE LA TORRE ABOAL – 6º B CEP Sequelo-Marín

UN DÍA CON NAIARA

Ás 9.30h: Levántome e almorzo con tranquilidade.

Ás 10.00h: Séntome no meu escritorio e  acendo o ordenador para comezar a facer as tarefas que o profe nos vai mandando.

Ás 11.30h: Hai días que me tomo un descanso e merendo algunha cousa coma no colexio. 

Ás 12.00h: Continúo coas actividades que mandan os profesores. 

Ás 13.00h: Recollo todas as tarefas e axúdolle á miña nai a facer a comida.

Ás 14.00h: Séntome a comer.

Ás 15.00h: Miro un pouco a tele con programas que me gustan.

Ás 16.00h: Comeza a quenda de xogar co meu irmán pequeno. Dende  xogos de mesa ata manualidades. Tamén bailamos e divertímonos facendo manualidades para o colexio do meu irmán.

Ás 18.00h: Merendo.

Ás 18:30h: Continúo pasando o tempo con cousas en familia.

Ás 20.00h: Saio á ventá a aplaudir. Tamén poñen cancións e divertímonos moito.

Ás 20.30h: Hora de recoller, preparar a cea e cear.

Ás 21.30h: Voume para cama.

Naiara García Eidón – 6ºB

Ola, boas tardes. Hoxe tamén engadimos outra nova sección á nosa páxina: "Manualidades dende casa". Para inaugurala, Irene Pazos Iglesias de 6ºB vos ensina como facer flores de papel. Animádevos a facelas! 

Ola, de novo. Aquí déixanos outra mostra do seu arte, Irene Pazos Iglesias de 6ºB, tocando a guitarra e cantando esta fermosa canción do grupo "La Quinta Estación". Parabéns.

Ola!. Déixovos un enlace a un blogue que levaba un tempo parado, onde podedes atopar diferentes actividades. Neste enlace diríxevos á páxina "Coronavirus". Aí podedes ver varias suxestións para facer na casa. Saúdos.

Coronavirus

Facendo clic no seguinte enlace, veredes o Calendario escolar 2019-2020.

Calendario 2019-2020.

Ola a todos. Chámome Irene Pazos Iglesias e son de 5ºB. Quérovos presentar o blg que creei con actividades feitas en Scratch, programa que serve para facer xogos, animacións e historias interactivas con linguaxe de programación. Estivemos traballando con el en clase e xa fixemos varias actividades. Aquí vos deixo o enlace ao meu blog. Só tedes que facer clic enriba da imaxe. 

Aquí vos deixamos o conto que preparamos en 5ºB para o día de Samaín. Como este ano estamos a usar portátil e pizarra dixital, metimos uns fondos e sonidos no noso conto. Perdoade algún despiste porque estabamos algo nerviosos. Esperamos que vos guste.

Alumnado de 5ºB.

Ola a todos. Este mércores 31, celebramos no noso colexio a festa do Samaín. Viñemos disfrazados e case dabamos tanto medo coma os personaxes que atopamos cando visitamos a casa do terror, que era arrepiante. A exposición das cabazas era moi bonita e déronnos chuches a todos.

Os alumnos de 5ºB.

O pasado luns 29 de outubro, o alumnado de 5º de primaria asistiu á obra de teatro "De los cuentos a las cuentas", organizada por Abanca dentro do seu programa de educación financieira; co que pretende facer chegar aos nenos o valor do esforzo, a previsión, a xestión adecuada do diñeiro, o aforro e a solidariedade. 

>

O decreto de admisión está no DOG do Venres, 15 de marzo de 2013. Facede clic no enlace de abaixo: https://www.xunta.gal/dog/Publicados/2013/20130315/AnuncioG0164-120313-0...

Aquí tedes a relación dos libros para este curso 2017-2018.

Aquí podedes ver o calendario para este curso 2017-2018, inclusive os dous días non lectivos en Marín.

O COMEZO DO CURSO 2017-2018 SERÁ O  LUNS 11 DESETEMBRO ÁS 09:00H. POLA PORTA DIANTEIRA ENTRARÁ O ALUMNADO DE 4º, 5º E 6º E

POLA PORTA TRASEIRA (PATIO DE COLUMNAS) ENTRARÁ O ALUMNADO DE 1º, 2º E 3º.

Este xoves visitounos a alcaldesa María Ramallo e a concelleira de Medio Ambiente e Benestar Social Marían Sanmartín para inaugurar oficialmente o grafiti ralizado na fachada da primeira vivenda preto da entrada e entregarlles os premios aos tres finalistas do concurso que se realizou para escoller un debuxo que representara ao colexio. 

Dentro da IX Semana Matemática do IES Mestre Landín, tivemos varios participantes do noso colexio no concurso de Eulerías. Acaban de coñecerse os premiados e temos que felicitar de novo a un alumno noso de 5ºA de primaria, Carlos de la Torre Aboal, que resultou gañador na categoría de primaria entre todos os centros de Marín. Parabéns e a seguir traballando.

Despois da visita dos alumnos do Mestre Landín e a súa demostración dentro do proxecto común "Aprendo programando", o alumnado de 5ºB ensináronlle o robot Mbot Ranger aos alumnos de primeiro, probando o manexo do mesmo. Por outra banda, na aula ensináronlles os xogos creados co Scratch, visitando o blog de Martina, onde podemos atopar varios deles deseñados por ela e mais polos seus compañeiros.

Visitáronos os alumnos de Mestre Landín e o seu profesor de tecnoloxía Heber para ensinarnos o Mbot Ranger programado por eles e máis o seu proxecto de Scratch.

Saímos todos os de 5º no Diario de Pontevedra e o Faro de Vigo.