Si eres usuario: Acceso

Biblioteca

Levántate Maio...2020 (7)

Enviado por inesduran o Ven, 01/05/2020 - 14:25

Coplas doutro maio do Sequelo

Ariadna e Diego mándannos estas coplas do seu maio caseiro 2020.

As estrofas animan a celebrar a festa aínda que sexa dende casa.

¡Está xenial! flores e cores para empezar o mes de maio.

Maio Coitado: Os Maios (28)

Enviado por josean o Ven, 01/05/2020 - 13:13

Xuntáronse Laura Arribas López e Carla Vilela Fernández, e convencéndoas aos poucos foron sacando esta copla e cantando así de ben o seu Maio Coitado.

Maio dos Valentes: Os Maios (27)

Enviado por josean o Ven, 01/05/2020 - 13:10

Daniel Quintana Domínguez aproveitou o que tiña para construír o seu maio dos Valentes, unha mascarilla por aquí, uns Cds por alá.....E para a estrutura? Para a estrutura á arbore de Nadal!

Música dende a casa (32): Versión do poema "O maio" promovida polo Consello da Cultura Galega.

Enviado por Anónimo o Ven, 01/05/2020 - 12:15

“O maio” é un dos poemas máis coñecidos de Curros Enríquez e no que o poeta evoca unha primavera de liberdade e xustiza. Neste Primeiro de Maio tan diferente, o Consello da Cultura Galega (CCG) promoveu un proxecto celebrativo que xunta este poema reivindicativo de Curros coas novas voces da música galega. O resultado é un vídeo musical que fusiona rumba con influencias da música tropical para dar a benvida ao mes de maio e, de paso, celebrar a vida cun alento solidario. Haberá mil primaveras máis!
“O maio” é un poema moi coñecido de Curros Enríquez que se insire do seu poemario “Aires da miña terra”, que cumpre no mes de xuño 140 anos da súa primeira edición. Estas peza xa forma parte do imaxinario popular grazas á versión musical que fixo Luís Emilio Batallán en 1975, á que agora sumamos estoutra proposta actualizada.

Deíxámosvos as dúas versións podedes opinar sobre elas (Qué vos parece cada unha? Cal vos gusta máis? Coñeciades a máis antiga? Coñecíana os vosos pais? etc...). Facede os comentarios na sección "comentarios", tamén nos correos sequelonacasa@gmail.com e mglealgonzalez@gmail.com recordade poñer o nome e o curso.

Versión de Luis Emilio Batallán

Letras Galegas (1): Ignotus de Algarabía Animación

Enviado por josean o Ven, 01/05/2020 - 09:19

Moito lles temos que agradecer aos de Algarabia Animación que nos mandasen estas curtas de animación que todas elas englobaron polo día das Letras Galegas de hai uns anos a serie coñecida como "A lingua animada"

Nesta caso a figura central é Rosalia de Castro

Ademais das curtas de tres delas enviáronnos tamén 3 unidades didácticas para todos aqueles de vos que vos queirades introducir no mundo do cine e das curtas de animación stop Motion con plastilina, onde Algarabía Animación son uns verdadeiros artistas.

Maio Amaiado de Alexandra Santiago: Os Maios (26)

Enviado por josean o Xov, 30/04/2020 - 23:43

A Alexandra o seu pai Carlos ensinoulle como cantar os maios. Enseñoulle en dúas velocidades: unha rápida e esta máis axeitada a un maio, maio. Parabéns polo esforzo e polo ben cantado.

O coronamaio de Xiana Gómez Orge: Os Maios (25)

Enviado por josean o Xov, 30/04/2020 - 23:03

Xiana Gómez Orge e a súa familia cántanos este Coronamaio dende a súa casa. A Paco, o seu pai, faltalle un pouco de entrenamento pero o importante é intentalo.

Levántate Maio...2020 (6)

Enviado por inesduran o Xov, 30/04/2020 - 22:40

Día 1 de Maio

Maio florido

Maio feito por Sofía de la Fuente, 6ºB

Xa chegou o maio

Grazas por animarte Sofía, unha coroa moi orixinal.

Non vos esquezades de entonar algunha copliña

e darlle ben aos paus.

Música dende a casa (31): Coplas de Aixa de 5ºA

Enviado por Anónimo o Xov, 30/04/2020 - 22:18

Casi no primeiro de maio chégannos as coplas de Aixa de 5ºA, como din as túas coplas este ano o maio é desde internet. Moi ben Aixa! Noraboa! E moitísimas grazas pola túa participación!

Copla do maio do pai de Roi Rodiño: Maios (24)

Enviado por josean o Xov, 30/04/2020 - 13:02

O pai de Roi Rodiño Fraguas quixo estar connosco celebrando os maios e fixo esta copla do Maio Pequeniño.

Maio Pequeniño by Josean Pazos on Scribd

Copla do Barco "O Chuvias": Os Maios (23)

Enviado por josean o Xov, 30/04/2020 - 12:07

Ten moito mérito o destes dous rapaces, con moi poucos ensaios bótanse a cantar unha copla de barcos que antes escribiran Breixo Vidal e Xoel Sequeiros. Se xa de por si escribila foi un reto, cantala inda o foi maior. (Se non entendedes ben a letra, activade os subtítulos do vídeo).

Música dende a casa (30): Coplas de Ariadna (6ºB) e Diego (4ºB)

Enviado por Anónimo o Mar, 28/04/2020 - 13:27

Ariadna e Diego Vaquero de 6ºB e 4ºB, mándanos as súas coplas para o maio 2020, como podedes comprobar as súas coplas súmanse ao tema que, tristemente, predomina este ano, ao tempo que nos mandan unha mensaxe de ánimo.
Moitas grazas por alegrarnos con estas coplas e coa vosa interpretación! Noraboa! Moi ben feito!

Levántate Maio...2020 (5)

Enviado por inesduran o Mar, 28/04/2020 - 13:23

Os Maios do Sequelo

Antía Cordal 5º............................................trenzou a espadaina.

Maio Confinado de Xoel......................Maio de Irene

Maio de Rubén.................................Maio Río Lameira de Irene

Maio Tristeiro de Elva............Maio Os Valentes do Sequelo de Dani

Maio Sanitario de Candela.......................co seu armazón

Pampullos e Fiuncho

Moito traballaron estes compañeiros.

Moitas Grazas polas vosas obras de arte.

¡MENUDOS ARTISTAS!

Música dende a casa (29): Coplas de Darío (6ºA) e Breixo (5ºB)

Enviado por Anónimo o Mar, 28/04/2020 - 10:51

Darío e Breixo Vidal de 6ºA e 5ºB envíannos as súas coplas para este "maio virtual 2020". Mirade que ben o fan. Noraboa aos dous! Fixestes moitas coplas e vese que ensaiastes moito! Que boa coordinación tendes! Moitas grazas!!!

Levántate Maio...2020 (4)

Enviado por inesduran o Lun, 27/04/2020 - 19:39

Ángel Sorbet de 6ºB fixo outro maio, unha manualidade feita con flores secas que atopou na casa.

Maios 2020.

Mirade que artista!

Outra manualidade lista para lucir na ventá na festa dos maios.

Música dende a casa (28): Coplas de Xoel de 5ºB

Enviado por Anónimo o Lun, 27/04/2020 - 17:59

Seguen chegando máis coplas, estas son as Xoel Sequeiros de 5ºB, unhas coplas nas que nos da a entender que está un pouco canso do coronavirus e de estar na casa. Moi ben Xoel! Moitas grazas polas túas coplas!

Música dende a casa (27): Coplas de Candela de 5ºB

Enviado por Anónimo o Lun, 27/04/2020 - 16:19

Estas son as coplas do maio 2020 que nos canta Candela Bermúdez de 5ºB, acompañadas do ritmo cos paus. Estás moi ben preparada Candela, ata tes os paus "regulamentarios". Noraboa! Fixéchelo moi ben!

Música dende a casa (26): Coplas de Pablo de 5ºA

Enviado por Anónimo o Lun, 27/04/2020 - 11:12

Pablo Torres de 5ºA mándanos as súas coplas para o maio 2020, ata inventou un novo instrumento para levar o ritmo. Moitas grazas Pablo polas túas coplas e polo teu inxenio!

Xa vedes que non é difícil!

Ánimo! Intentádeo!

Música dende a casa (25): Coplas de Hugo (4ºA) e Joel (1º)

Enviado por Anónimo o Lun, 27/04/2020 - 11:08

Hugo e Joel de 4ºA e 1º fixeron un pequeno coro e mandáronos as súas coplas para o maio 2020; moi ben acompasadas ao ritmo cos paus. Moitísimas grazas!