Si eres usuario: Acceso

Viaxe ao reino das emocións

No curso 2020-2021 participamos no proxecto "Viaxe ao reino das emocións" dous grupos de 1º curso e un grupo de 2º curso de primaria. No curso 2019-2020 o primeiro curso de primaria participa no proxecto de educación emocional "Viaxe ao reino das emocións", impulsado pola Fundación Meniños.

Xogos na web El mundo de Milu

Enviado por xose o Lun, 12/04/2021 - 10:50

Compartimos un novo xogo que amplía os contidos de "Viaxe ao reino das emocións". Podedes consultalo na web do Mundo de Milu (http://mundodemilu.org/gl/36). Nel invitámosvos a entrar novamente no Aloia, e superar cada unha das probas que vos propoñen o sabio, a rá, as toupiñas...

Outros xogos

- "O reino das emocións" (http://xogo.mundodemilu.org/), de creación de historias cos personaxes do conto.

- "Crea a túa historia con Quirón" (http://xogoquiron.mundodemilu.org), sobre a resolución de conflitos.

- "O xogo do Aloia (http://mundodemilu.org/es/30), un xogo da oca das emocións.

O cofre do tesouro

Enviado por xose o Xov, 18/03/2021 - 11:27

Esta actividade presentámola contándolle aos nenos/as que temos un cofre cun tesouro dentro, o tesouro máis grande do mundo. Eles poderán velo de un en un pero non poderán dicir ningunha palabra do que ven dentro ata que termine o xogo.

Cando todos miraron o interior do cofre pídeselle aos nenos que digan que obxecto atoparon dentro. Moitos dirán que atoparon "un espello", pero algún deles, despois dalgunha pista previa dirá que o tesouro era el mesmo, que se viu no espello. Todos os demais irán caendo na conta de que eles son o mellor tesouro.

Podemos rematar comentando a importancia de que somos seres únicos e irrepetibles e iso nos fai ser o máis valioso do mundo.

Traballamos a autoestima en 1º B

Enviado por xose o Xov, 18/02/2021 - 12:52

A semana pasada traballamos a autoestima na aula de 1º B. Pinchando na imaxe podemos descargar unha presentación multimedia con imaxes do proceso e o resultado obtido.

DIPLOMA DO REINO DAS EMOCIÓNS

Enviado por Anónimo o Mér, 03/06/2020 - 18:12

Este ano, os alumnos de 1º continuamos no programa de educación emocional O REINO DAS EMOCIÓNS, promovido pola Fundación Meniños.

Dado que foi un curso "diferente", Draco en Andrea, os personaxes protagonistas destas historias, quixeron agasallar aos alumnos de 1º e 2º cun diploma por quedar na casa durante o confinamento e seguir traballando nas cousas do colexio.

NORABOA A TODOS E TODAS!

Xogo do Aloia (Viaxe ao reino das emocións)

Enviado por xose o Ven, 15/05/2020 - 13:21

Viaxe ao reino das emocións

Dende o proxecto "Viaxe ao reino das emocións" presentámosvos un pequeno xogo online no que pode participar toda a familia, para seguir traballando a educación emocional dende a casa. Trátase do "Xogo do Aloia", no que cada familia trasladarase, como Draco, ao Aloia, onde poderá ir avanzando na medida que contesta preguntas ou fai probas, ao tempo que se atopa cos personaxes da historia: Iris, as toupiñas, o Sabio, etc.

Podes visitalo nesta ligazón: https://view.genial.ly/5eba51818a39780d0f677cba/game-xogo-do-aloia

Mateo e a súa tarxeta de Draco

Enviado por xose o Mar, 07/04/2020 - 22:03

Mateo entrou na ligazón do Reino das Emocións e compuxo a súa propia historia que quere compartir con nós. Ben feito!

(Recollido no blog Verdeiroles de 1º)

Draco tamén queda na casa

Enviado por xose o Mar, 31/03/2020 - 22:58

Ola nenos e nenas de primeiro curso, Draco, o noso amigo do reino das emocións, enviounos unha mensaxe. (Pincha na imaxe para lela).

Tamén nos deixa un xogo para os que teñamos ordenador. Consiste en facer unha tarxeta semellante á que vedes arriba, pero co voso toque persoal. A ver se sodes capaces de facer a vosa propia tarxeta con mensaxes positivas para animarnos a todos e todas.

Para xogar podemos escoller personaxes, escenarios, diálogos, obxectos e músicas, pulsando na casiña "Validar". Despois de escollelos todos pinchamos na casiña "Ver" e movemos os diversos elementos segundo queiramos. Finalmente pinchamos en "Descargar" e xa temos no noso ordenador o debuxo, que podedes envialo ao profe para subilo á web.

Ánimo

Viaxe ao reino das emocións

Enviado por Anónimo o Xov, 17/10/2019 - 23:02

Este ano os alumnos de 1º curso estamos a traballar coas EMOCIÓNS. Participamos no proxecto "Viaxe ao reino das emocións". Esta semana estivemos escoitando e pensando sobre un conto no que o protagonista é un simpático dragón, DRACO. Despois fixemos uns monicreques para representar o conto.

Educación emocional en 1º curso

Enviado por xose o Mar, 09/04/2019 - 17:50

Neste curso 2018-2019 estamos levando a cabo o proxecto "Viaxe ao reino das emocións" no primeiro curso de primaria. Xa fixemos actividades como As Preguntas do Sabio ou A Caixa da Calma, e máis que faremos nos vindeiros días.