Dende o ano anterior e co obxectivo de facer da programación un medio polo que se leve a cabo o proceso de aprendizaxe, que debe estar caracterizado por ter a maior autonomía posible permitindo o desenvolvemento da capacidade creativa do alumnado, o noso colexio en colaboración co CEIP O Carballal e o IES Mestre Landín, participa neste proxecto. Cada centro participante terá que elaborar e entregar un proxecto centrado na creación de polo menos un produto ideado e programado polo alumnado, mediante a ferramenta Scratch, que presentará, nos prazos establecidos, ao concurso "Deseño de aplicacións informáticas coa ferramenta Scratch". Neste ano, os proxectos que se realicen deberán ter unha temática común: O Patrimonio cultural europeo.