Responder ó comentario

FAITE SOCIO DA ANPA AIDÓN

Enviado por Belen o Mar, 11/07/2023 - 14:30

ANPA

ASÓCIATE! CUBRE O FORMULARIO QUE APARECE MAIS ABAIXO E ESCOLLE AS ACTIVIDADES EXTRAESCOLARES PARA O CURSO 2023-2024

SE NON QUERES ASOCIARTE, CUBRE O FORMULARIO PARA ESCOLLER AS ACTIVIDADES EXTRAESCOLARES, SIN FACER O PAGO DA COTA.

XESTIONAMOS:

- Comedor/ Plan madruga.
- Actividades Extraescolares.
- Eventos.
- Traballamos na mellora dos servicios e instalacións.
- Participamos no Consello Escolar.
- Información.
- En definitiva intentamos mellorar o colexio dos/as nosos /as nenos/as.
- Descontos nos comercios do concello de Marín colaboradores coa Anpa.

A ANPA é unha parte fundamental do funcionamento da escola xa que permite canalizar a intervención das familias no centro, garantir o dereito á información e organizar actividades participativas.

Os principais OBXECTIVOS son:

TOMA DE DECISIÓNS DEMOCRÁTICA: fomentar a participación de tódolos socios na toma de decisións de forma democrática mediante votacións.
TRANSPARENCIA: impulsar a transparencia coa finalidade de que esteades informados en todo momento de todo o relacionado coa escola, así como das actividades que esteamos levando a cabo.
COMUNICACIÓN

Agradecemos que nos enviedes todas as vosas propostas (porque sabemos que tedes moitas ideas), consultas (porque ninguén sabe todo) e queixas (porque sabemos que non todo é perfecto).

10 RAZÓNS PARA PERTENCER A UNHA ANPA:

1. Porque é a nosa responsabilidade educar aos nosos fillos e fillas.

2. Pola necesidade de estar unidos á hora de reivindicar aspectos que nos axuden a mellorar a escola pública.

3. Porque un movemento de pais e nais agrupados fan que as iniciativas e peticións destes sexan vistos con maior respecto polas Administracións públicas, polo profesorado, pola sociedade, etc.

4. Porque existe un marco legal onde se ampara o noso dereito a participar na vida do Centro Escolar.

5. Pola importancia de levar aos Consellos Escolares a presenza dos pais e nais, organizados nas ANPAs, para defender os intereses de todos, non os individuais.

6. Porque se os pais non somos capaces de motivarnos pola educación dos nosos fillos... Por quén o faremos?

7. Porque se os pais e as nais non somos activos e participativos, como explicar aos nosos fillos e fillas que teñen que ser persoas implicadas nunha sociedade onde poidan e deban expresarse, participar e ser responsables no seu propio futuro.

8. Porque para realizar a formación activa dos pais e nais é necesario unir esforzos e ideas.

9. Porque as ANPAS deben traballar pola integración no seu entorno, facendo uso das instalacións do Centro Educativo.

10. Porque todos somos necesarios para mellorar a calidade de vida para os nosos fillos e fillas.

ÚNETE Á ANPA

Todos e todas sodes benvidos á ANPA AIDÓN e animámosvos a asociarvos canto antes, cubrindo este cuestionario.

A vosa participación activa é moi importante para que así, entre todos, poidamos construir a mellor escola posible para os nosos fillos/as.

20€ UN ÚNICO PAGO ANUAL POR FAMILIA QUE TEÑA UN FILLO/A.

25€ UN ÚNICO PAGO ANUAL POR FAMILIA QUE TEÑA DOUS OU MAIS FILLOS/AS.

COMO FACERSE SOCIO?

1. COMPLETAR A FICHA a través de Internet, accedendo ao formulario, cubrides a ficha de inscrición: https://docs.google.com/forms/d/1fLXutktxNPVj4Der8aM2AImC2lK7eCrmfSLXnBauVl4/edit?pli=1

Ou ben no CEIP Sequelo-Marín (ata o 21/07 ou do 1-11/09), adxuntando o xustificante de pago.

2. REALIZAR O PAGO da cota de 20€ por unidade familiar ou 25€ se son tedes dous ou mais fillos/as.

Transferencia á conta bancaria da ANPA en ABANCA (poñendo en Concepto: “Cota ANPA de Nome e apelidos do neno/a, curso e número de teléfono do pai/nai/titor legal”) ES65- 2080-5111-1630- 40- 00- 1830
Ingreso nesa mesma conta da ANPA dende a sucursal bancaria. Pódese facer tamén a través do caixeiro automático.
Enviar o xustificante do pago da cota do curso ao correo da ANPA: anpa.aidon@nontedurmas.org