Hoxe 21 de marzo conmemoramos o Día Mundial da Síndrome de Down, e dende o CEP Sequelo, queremos sumarnos á iniciativa internacional dos calcetíns desparellos https://downgalicia.org/2020/03/18/calcetins-desparellos-para-conmemorar-o-dia-mundial-da-sindrome-de-down/.

Esta campaña busca concienciar e apostar pola importancia da inclusión e diversidade. Queremos enche a nosa web de calcetíns de tódalas cores e estampados. Envíanos a túa foto á dirección de correo sequelonacasa@gmail.com.

Anímate a participar!

A profe Tamara de Educación Física foi a primeira en animarse...

Acompañados dos seus mestres do Grupo Escolar, os nenos de 5 anos e moitos deles futuros alumnos nosos, achegáronse a coñecer o centro, como parte da súa adaptación a unhas novas instalacións. Visitaron as dependencias do centro,saudaron a vellos amigos e xogaron tamén un chisquiño no que vai ser o seu novo patio de recreo.

Este próximo 29 de novembro chegará ao noso centro Antón Castro para dar unha charla aos nenos de 4º, 5º e 6º de primaria. Será na Biblioteca do centro a partires da 3ª hora. Estou seguro de que vos gustará.

Este xoves celebraremos o Magosto no CEP Sequelo. Despois do recreo, haberá xogos populares coa participación de todo o alumnado. De seguido, repartiranse castañas para todos, pero sobre todo os nenos e nenas poderán facer algo que tanto lles gusta: pintar a cara e as mans co carbón de asar as castañas.

Hoxe celébrase o Samaín no CEP Sequelo. Dende primeira hora da mañán os nenos e nenas de todos os cursos irán pasando pola aula da ANPA que coma sempre fan un traballo excepcional coa decoración e a participación desta celebración que tanto lles gusta aos rapaces. Ánimo e a pasalo de meeedooooo...

Os alumnos de 6º de primaria visitan o Museo de Pontevedra e despois van ver unha exposición do pintor Manuel Pesqueira ao centro social de Caixanova. Será unha manán moi cultural.