Estimadas familias:

Recordámoslle que nos anotáramos ao Proxecto Froita Fresca, no que durante catro semanas ao longo deste curso, todos os nenos e nenas do CEP Sequelo terían á súa disposición froita ecolóxica da tempada na súa merenda do recreo, cada día unha froita diferente. No mes de novembro tivemos 9 días e debido aos recortes económicos acábannos de confirmar que en vez de as catro semanas prometidas só poden ser dúas. Polo tanto, soamente nos queda un día de froita. Será plátano, para o xoves desta semana.

Un saúdo, Belén Mata.

O día 28 de febreiro celebrouse o día mundial das enfermidades raras. Dende o CEP. Sequelo damos coñecemento dunha campaña de visibilidade da Asociación Duchenne Parent Project España (DPPE), unha entidade sen ánimo de lucro e declarada de utilidade pública, que está formada por nais e pais de nenos afectados pola distrofia muscular de Duchenne (DMD) e a distrofia muscular de Becker (DMB).  Na web da asociación atopamos toda a información necesaria: https://duchenne-spain.org

 Desde Duchenne Parent Project queren dar visibilidade a esta enfermidade rara para favorecer, dinamizar e promover as investigacións médicas para que se poñan en marcha as terapias que permitan curala. Desde o CEP. Sequelo informámoslle que todos/as os que queiramos colaborar podemos facelo mercando un bolígrafo deseñado a tal efecto, que estará á venda nas tendas de Mimos Animaciones (Ezequiel Massoni nº 36) e na papelería D’Cores (Jaime Janer 52) a un prezo de venda de tres euros.

O día 16 de Febreiro, os alumnos de 6ºB do noso colexio, foron cos robots a ensinarlles aos nenos do EEI. O Grupo como funcionan.

Ensináronlle o segue líneas, e algúns nenos probaron a manexalos, despois de que os nosos alumnos explicaran todo, os nenos do Grupo ensináronos dous xogos co seu Bee-Bot. Logo fomos polas aulas a saludar as nosas antigas profesoras, aos nosos coñecidos...

Feito por: Noelia Veiga Prieto