Fol Música deséxavos un bo Nadal con esta fermosa canción de Malvela dedicada O Apalpador, o noso Rei Mago... e con un video para os nenos da casa feito con ilustracións do conto "O Apalpador" de Xoán G. publicado por Biblos Clube de Lectores, e que xa vai na terceira edición. Se queredes coñecer máis cousas sobre este simpatico personaxe podedes visitar www.apalpador.com. Nesta web ademais de contar como se relaciona o Apalpador con outras tradicións europeas do Nadal, podedes atopar imaxes para colorear e outras moitas brincadeiras.

Na prensa apareceu estes días que por efecto da subida da temperatura das augas, as follas de maio, unha alga marrón que forma bosques submarinos no fondo das rías e que se podía ver na "Rocha do Sal" en Portocelo está desaparecendo. Rápidamente contactamos cos pais tan estupendos que temos que nos puxeron en contacto cun científico marinense que aparte de falarnos deste problema das algas, contounos do seu traballo no grupo de investigación do que forma parte na Universidade de Vigo, traballo que se centra nas utilidades futuras das microalgas. Polo camiño descubrimos que Diego Moldes Moreira fora alumno do noso colexio, e aprendimos ademais que outras algas "as carriolas", esas cintas marróns tan delgadas que arrastran os temporais a praia eran as responsables daquilo que os teus pais che dicían: "ata San Xoán non te bañes que as aghuas non purgharon", que o bocho era un perfecto abono e que "a partir de mañá xa non paga a pena botarlle gasoil ao coche, mamá, que van ir con aceite de algas"

Temos moi bos artesáns para decorar con xeito a nosa clase 

e facelos preparativos do Nadal.

Pedro Farto de 5º fixo os 3 porquiños

 ...camiño a Belén

Tatiana de 5º e Claudia de 4º fixeron os anxos.

Os pastores cantaban gabando ao Señor Xesús que naceu