O sol acompañounos para celebrar o Día do Libro cunha actividade que nos encanta a todos e todas: os apadriñamentos e amadriñamentos lectores.

O alumnado de 3º, 4º, 5º e 6º foi visitar aos seus afillados e afilladas (infantil, 1º e 2º) e escolleron na biblioteca os libros que ían lerlles.

O luns, 23 de abril, despois do recreo saímos todos ao patio buscando un sitio para compartir esas lecturas cheas de historias, aventuras, emocións,...

O remate desta  festa da lectura foi a  entrega de marcapáxinas como agasallo dos afillados e afilladas aos seus padriños e madriñas.