A piques de rematar a etapa da Educación Primaria, toca amosar as competencias acadadas. O alumnado de 6º visitará as instalacións do Campus Universitario de Vigo o día 25 de maio compartindo unha xornada cultural, formativa, deportiva e socializadora co CEIP Sárdoma-Moledo de Vigo. Nas seguintes iconas podedes atopar o programa de actividades previsto, algunhas orientacións básicas, así como o itinerario para poder chegar ao punto de reunión: https://goo.gl/maps/xEhAKjA1Nm32
O catedrático Pio González Fernández, do departamento de Física Aplicada acercará o apaixonante mundo da ciencia ao noso alumnado con obradoiros de física. Da man dos seus compañeiros de equipo de investigación Julia Serra, nos presentarán os avances conseguidos no campo dos biomateriais, ámbito que lideran en España.
Doutra banda, a Dra. Dª Verónica Montes García, acercará ao noso alumnado ao campo da Nanotecnoloxía, ese "inframundo" tan pequeno da materia onde se atopan as claves dos grandes avances científicos.
A Oficina do Medio Ambiente da Universidade nos guiará pola contorna do campus para coñecer un chisquiño mellor a súa biodiversidade.
E, finalmente, despois de tanto coñecemento, ben nos merecemos unha boa sesión deportiva. Nesta ocasión será a través do deporte de orientaciónonde , José Luís Armada, do Servizo de Deportes da Universidade colaborará connosco para que esta actividade sexa posible. Toda unha experiencia educativa.
