Programa 5 de Radio Ladeira, emisión online dende casa.
Os locutores:
Dani Clara Lúa Lucas Sara Lois Roberto
Concurso de vídeo: "GravARTE NA CASA"
O Equipo de Dinamización Lingüística do CEP. Sabarís e Radio Ladeira convocan un concurso de vídeo entre o alumnado do centro e as familias co obxectivo de mellorar a comunicación entre o alumnado do centro e competencia lingüística en galego. Os participantes deben gravar cun móbil un vídeo dun máximo de 1 minuto de duración que reflexe como viven o confinamento e como se senten. As bases son as seguintes:
1.
A lingua ten que ser o galego.
2.
Deben presentarse dicindo o nome, apelido e curso.
3.
A duración máxima non pode pasar de 1 minuto.
4.
Pode participar o alumno ou alumna xunto aos familiares que convivan con el na casa, irmáns, pais, mascotas, etc.
5.
Os participantes poden utilizar calquera elemento de atrezzo: disfraces, sombreiros, paraugas, maquillaxe, etc.
6.
Escollerase un vídeo gañador por curso ao que se lle entregará un pequeno agasallo.
7.
Para escoller aos gañadores valorarase a creatividade, o uso da lingua galega e a orixinalidade.
Os vídeos deben ser enviados por e-mail ao seguinte enderezo electrónico: chusprofesabaris@gmail.com
antes do 31 de maio. Os gañadores serán publicados na web do centro e o premio faráselle chegar á casa antes de que remate o curso.
